ଅର୍ଗସ ବ୍ୟୁରୋ : ପୁଣି ସାମ୍ନାକୁ ଆସିଲା ରାଜ୍ୟ ସରକାରଙ୍କ ବିକାଶର ବାସ୍ତବ ଚିତ୍ର । ରାସ୍ତା ଅବସ୍ଥା ଭଲ ନଥିବାରୁ ଗାଁକୁ ଆସିପାରିଲାନି ଆମ୍ବୁଲାନ୍ସ । ଅନ୍ଧାର ରାତିରେ 10 କିମି ଖଟିଆରେ ବୁହାହେଲେ ରୋଗୀ । ଚାରିଆଡେ କିଟ୍ କିଟ୍ ଅନ୍ଧାର । ଆଖିକୁ ଭଲସେ ଦେଖାଯାଉନି ।

ଅଧିକ ପଢନ୍ତୁ ଓଡ଼ିଶା ଖବର

ଏଭଳି ପରିସ୍ଥିତିରେ ଟର୍ଚ୍ଚ ଆଲୁଅ ମାରି ଖଟିଆରେ ମହିଳାଙ୍କୁ ବୋହି ନେଉଛନ୍ତି ଗ୍ରାମବାସୀ । ଇଏ ଚିତ୍ର ଆସିଛି କୋରାପୁଟ ଜିଲ୍ଲା ବୈପାରୀଗୁଡା ବ୍ଲକ ବଦାପୁଟ ପଞ୍ଚାୟତ କଦଳୀପଦର ଗାଁରୁ । ଗାଁର ମହିଳା ବତି ଖିଲଙ୍କ ଦେହ ହଠାତ୍ ଅସୁସ୍ଥ ହୋଇପଡିଥିଲା । 

ପରିବାର ଲୋକ ଆମ୍ବୁଲାନ୍ସକୁ ଫୋନ୍ କରିଥିଲେ ବି ଗାଡି ଆସି ବୋଦାପୁଟରେ ଅଟକି ରହିଥିଲା । କାହିଁକି ନା ଦୀର୍ଘ ବର୍ଷ ପରେ ବି କଳଦୀପଦର ଗାଁକୁ ଭଲ ରାସ୍ତା ଖଣ୍ଡିଏ ନାହିଁ । ଶେଷରେ ଗ୍ରାମବାସୀ ଅସୁସ୍ଥ ମହିଳାଙ୍କୁ ଖଟିଆରେ ବୋହି ଗାଡି ନିକଟକୁ ନେଇଥିଲେ । ସେଠାରୁ ମହିଳାଙ୍କୁ ବୈପାରୀଗୁଡା ମେଡିକାଲ୍ ନିଆଯାଇଥିଲା ।