ଅର୍ଗସ ବ୍ୟୁରୋ : ରାଜଧାନୀ ଭୁବନେଶ୍ବରର ଗାନ୍ଧୀମାର୍ଗରେ ପାଳିତ ହୋଇଯାଇଛି ରାଜ୍ୟସ୍ତରୀୟ ସାଧାରଣତନ୍ତ୍ର ଦିବସ । ମୁଖ୍ୟ ଅତିଥି ଭାବେ ରାଜ୍ୟପାଳ ରଘୁବୀର ଦାସ ଯୋଗଦେଇ ପତାକା ଉତ୍ତୋଳନ କରିଥିଲେ । ଏବଂ ସମ୍ମାନିତ ଅତିଥି ଭାବେ ଯୋଗଦେଇଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଚଳିତ ଥର ପରେଡରେ ୪୬ଟି କଣ୍ଟିଜେଣ୍ଟ ଅଂଶଗ୍ରହଣ କରିଥିଲେ । ଡେୟାର୍ ଡେଭିଲ୍ସ ଟିମର ବାଇକ୍ ସୋ ମନ ମୋହିଥିବାବେଳେ କୁନି କୁନି ପିଲାଙ୍କ ଦ୍ବାରା ସ୍କେଟିଂ ଟିମ୍ ଚିତାକର୍ଷକ କଳା ପ୍ରଦର୍ଶନ କରିଥିଲେ । ସେହିପରି ଗଞ୍ଜାମର ଯୋଡି ଶଙ୍ଖ, ସମ୍ବଲପୁରୀ ଭଳି ୪ଟି ସାଂସ୍କୃତିକ ଦଳ କମାଲ୍ ଦେଖାଇଥିଲେ ।

ସେହିପରି କଟକ ବାରବାଟୀ ଷ୍ଟାଡିୟମରେ ପାଳନ ହେଲା ଜିଲ୍ଲାସ୍ତରୀୟ ୭୫ତମ ସାଧାରଣତନ୍ତ୍ର ଦିବସ । ମନ୍ତ୍ରୀ ସୁଦାମ ମାରାଣ୍ଡି ଯୋଗଦେଇ ଜାତୀୟ ପତାକା ଉତ୍ତୋଳନ କରିଥିଲେ । ପରେଡରେ ୫୦ ଟ୍ରୁପ୍ ସାମିଲ୍ ହୋଇଥିଲେ । ରାଜ୍ୟର କୋଣ ଅନୁକୋଣରେ ଧୁମଧାମରେ ପାଳନ ହୋଇଯାଛି ୭୫ତମ ସାଧାରଣତନ୍ତ୍ର ଦିବସ । ସ୍ବାଧୀନତା ସଂଗ୍ରାମରେ ପ୍ରାଣ ବଳି ଦେଇଥିବା ସେହି ବୀର ମାନଙ୍କୁ ମନେ ପକାଉଛି ଦେଶ । ସହରର ଗଳିକନ୍ଦି, ସରକାରୀ/ବେସରକାରୀ କାର୍ଯ୍ୟାଳୟ, ଅନୁଷ୍ଠାନ, ମେଡିକାଲ୍, ସ୍କୁଲ୍, କଲେଜରେ ଉଡିଲା ତ୍ରିରଙ୍ଗା । ସାଧାରଣତନ୍ତ୍ର ଦିବସରେ ବଲାଙ୍ଗିର ଟିଟିଲାଗଡରୁ ଆସିଛି ନିଆରା ଦୃଶ୍ୟ । ସଇଁନ୍ତଲା ବ୍ଲକ ଘୁନସର ଗାଁର ସାହୁପଡାଠାରୁ ମହାଲିଙ୍ଗ ପଡା କାଦୁଅ ପଚପଚ ରାସ୍ତା ସଫା କରି ଉଦାହରଣ ସାଜିଛନ୍ତି ଯୁବଗୋଷ୍ଠୀ ।

ଅଧିକ ପଢନ୍ତୁ ଓଡ଼ିଶା ଖବର

ସେପଟେ ମାଓ ପ୍ରବଣ ଅଞ୍ଚଳରେ ପାଳନ ହୋଇଯାଇଛି ସାଧାରଣତନ୍ତ୍ର ଦିବସ । କୋରାପୁଟ ଜିଲ୍ଲା କେରେମେଟି ସ୍କୁଲରେ ୭୫ତମ ସାଧାରଣତନ୍ତ୍ର ଦିବସକୁ ଅତି ଧୁମଧାମର ସହ ପାଳନ କରାଯାଇଛି । ସେହିପରି ମାଲକାନଗିରି ଜିଲ୍ଲା କାଲିମେଳାରେ ସାଧାରଣତନ୍ତ୍ର ଦିବସ ଉପଲକ୍ଷେ ଛାତ୍ରଛାତ୍ରୀମାନେ ରଘୁପତି ରାଘବ ରାଜାରାମ ଧୁନ୍ ଗାନ କରି ଗାଁ ପରିକ୍ରମା କରିଥିଲେ । ଦେଶଭକ୍ତିରେ ଝୁମିଲେ ଦୁର୍ଗମବାସୀ । ନବରଙ୍ଗପୁର ଜିଲ୍ଲା ଝରିଗାଁରେ ସାଧାରଣତନ୍ତ୍ର ଦିବସ ପାଳନ ହୋଇଯାଇଛି । ବିଦ୍ୟାଳୟର ଛାତ୍ରଛତ୍ରୀ ନଗର ପରିକ୍ରମା ସହ ଦେଶାତ୍ମକ ବୋଧ ସଂଗୀତରେ ନୃତ୍ୟ ପରିବେଷଣ କରିଥିଲେ । ସେହିପରି କୋରାପଟ ଜିଲ୍ଲା ପଟ୍ଟାଙ୍ଗି ଓ କୋଟିଆ ଅଞ୍ଚଳରେ ନିଆରା ଢଙ୍ଗରେ ପାଳିତ ହୋଇଯାଇଛି ୭୫ତମ ସାଧାରଣତନ୍ତ୍ର ଦିବସ ।

Argus News | argus news | Odisha Latest News, Breaking News, Trending News, Live TV