ଅର୍ଗସ ବ୍ୟୁରୋ : ପୁଣି ଯାଜପୁର ରୋଡ଼ ଥାନା ଅଞ୍ଚଳରେ ଆଉଏକ ଅଣ ସାମ୍ପ୍ରଦାୟିକ ପ୍ରେମ ବିବାହ ଘଟଣା ସାମ୍ନାକୁ ଆସିଛି। ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ଯାଜପୁର ରୋଡ଼ ଅଞ୍ଚଳରେ । ମୁର୍ଷିଦାବାଦ ଅଞ୍ଚଳର ଜଣେ ମୁସଲମାନ ସମ୍ପ୍ରଦାୟର ଯୁବକ ଅଭଳି କାଣ୍ଡ ଘଟାଇଛି, ଯାହାର ପ୍ରକୃତ ନାମ ସୋଲେମାନ ସେଖ ବୋଲି ଜଣାପଡିଛି । ସୋଲେମାନ ଆଧାର କାର୍ଡରେ ନିଜର ନାମ ବଦଳାଇ ବିଟୁ ବିଶ୍ୱାସ କରିବା ସହିତ ନିଜକୁ ହିନ୍ଦୁ ଭାବେ ପରିଚୟ ଦେଇ ଭଦ୍ରକ ଅଞ୍ଚଳର ଜଣେ ହିନ୍ଦୁ ଝିଅକୁ ବିବାହ କରିଥିଲା । ଯାହାର ନାମ ରୋଜି ନାୟକ ବୋଲି ଜଣାପଡିଛି ।

ସୋଲେମାନ୍ ରୋଜିକୁ ପ୍ରେମ ଜାଲରେ ଫସାଇ ଭଦ୍ରକର ଭାରତ ମାତା ମନ୍ଦିରରେ ବୈଦିକ ମତେ ବିବାହ କରିଥିଲେ । ସୋଲେମାନ୍ ଉକ୍ତ ଯୁବତୀଙ୍କୁ କିଛିଦିନ ଯାଜପୁର ରୋଡ଼ ଅଞ୍ଚଳରେ ରଖିବା ପରେ ନିଜ ଗାଁକୁ ବୁଲାଇ ନେବାକୁ କହି ନେଇଯାଇଥିଲା । ମୁର୍ଷିଦାବାଦରେ ପହଞ୍ଚିବା ପରେ ଝିଅଟି ଜାଣିବାକୁ ପାଇଥିଲା ଯେ ସେ ହିନ୍ଦୁ ନୁହେଁ ବରଂ ଜଣେ ମୁସଲମାନ । ଏ ଘଟଣା ଜାଣିବା ପରେ ନିଜ ଗାଁକୁ ଫେରିବା ପାଇଁ କହିବା ପରେ ପୁଅ ଘରଲୋକେ ନିର୍ଯାତନା ଦେବା ଆରମ୍ଭ କରିଦେଇଥିଲେ । କିଛି ଦିନ ପରେ ମଧ୍ୟ ଝିଅର ନାମ ବଦଳାଇ ଏକ ନୂଆ ଆଧାର କାର୍ଡ କରିଥିଲା । ଯେଉଁଥିରେ ତାର ନାମ ରଖିଲା ରୋଜିନା ଖାତୁନ ।

ଅଧିକ ପଢନ୍ତୁ ଓଡ଼ିଶା ଖବର

ଏଭଳି କିଛି ଦିନ ପରେ ସେ ଝିଅକୁ ଗୋ ମାଂସ ଖାଇବା ପାଇଁ ବାଧ୍ୟ କରିଥିଲେ ଏବଂ ନଖାଇବାରୁ ଶାରୀରିକ ଓ ମାନସିକ ନିର୍ଯାତନା ଦେଇଥିଲେ । ରୋଜି କିଛି ଦିନ ପରେ କୌଶଳ କ୍ରମେ ମୁର୍ଷିଦାବାଦରୁ ଖସି ଆସି ଭଦ୍ରକ ସ୍ଥିତ ନିଜ ମାମୁଁ ଘରେ ରହିଥିଲା । ଆଜି ଯାଜପୁର ରୋଡ଼ ଥାନାରେ ଲିଖିତ ଅଭିଯୋଗ ପରେ ପୁରା ଘଟଣା ସାମନାକୁ ଆସିଛି । ସେପଟେ ହିନ୍ଦୁ ସଙ୍ଗଠନ ପକ୍ଷରୁ ବ୍ୟାସନଗର ସମେତ ସମଗ୍ର ଜିଲ୍ଲାରେ ବାରମ୍ବାର ଏଭଳି ଘଟଣା ମାନ ଘଟୁଥିବା ଅଭିଯୋଗ ହୋଇଛି । ଯୁବତୀଙ୍କୁ ନିଜ ଧର୍ମକୁ ଫେରାଇବା ସହ ଅଭିଯୁକ୍ତ ବିରୋଧରେ କଠୋର କାର୍ଯ୍ୟାନୁଷ୍ଠାନ ନେବାକୁ ଦାବି ହୋଇଛି । ଏଥିସହ ଏଭଳି ଘଟଣା ସବୁକୁ ରୋକିବା ପାଇଁ ପୋଲିସ ପକ୍ଷରୁ ଠୋସ ପଦକ୍ଷେପ ନେବାକୁ ଦାବି କରାଯାଇଛି ।

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV