ଶିଳ୍ପ ନଗରୀରେ ମିଳୁନି କାମ, ଦାଦନ ଖଟିବାକୁ ଯାଇ ଗଲା ଜୀବନ

ଅର୍ଗସ ବ୍ୟୁରୋ : ଶିଳ୍ପ ନଗରୀରେ ମିଳୁନି କାମ । ଦାଦନ ଖଟିବାକୁ ଯାଇ ପୁଣି ଜଣଙ୍କ ଜୀବନ ଗଲା । ରାଜ୍ୟରେ ଦାଦନ ଯନ୍ତ୍ରଣା ଥମୁନ ଥିବାବେଳେ ଯାଜପୁର ସୁକିନ୍ଦା ନିର୍ବାଚନ ମଣ୍ଡଳୀ କଳିଙ୍ଗନଗର ଶିଳ୍ପାଞ୍ଚଳରୁ ଆସିଛି ଦୁଃଖଦ ଖବର । ଶିଳ୍ପନଗରୀରେ କାମ ନପାଇ ଦାନଗଦି ଗାଁର ଦୀପକ ସାମଲ ତାମିଲନାଡୁ ଦାଦନ ଖଟିବାକୁ ଯାଇଥିଲେ । 

ଅଧିକ ପଢନ୍ତୁ ଓଡ଼ିଶା ଖବର

ସୂତା ମିଲରେ କାମ କରୁଥିବାବେଳେ ଦୀପକଙ୍କ ମୃତ୍ୟୁ ହୋଇଛି । ରୋଜଗାରିଆ ଭେଣ୍ଡିଆ ପୁଅକୁ ହରାଇ ଭାଙ୍ଗି ପଡିଛି ପରିବାର । ସେପଟ ପୁଅ ମୃତ୍ୟୁ ପାଇଁ ସୁକିନ୍ଦା ବିଧାୟକ ଡ୍ୟାନି ଘଡ଼େଇଙ୍କୁ ଦାୟୀ କରିଛନ୍ତି ପରିବାର । ଏଠି ପ୍ରଶ୍ନ ଆଉ କେତେ ଜଣଙ୍କ ଜୀବନ ଗଲେ ଚେତିବେ ରାଜ୍ୟ ସରକାର ।