Crime In Odisha / ନାମ୍ପୋ ଫାଣ୍ଡି ଅଧିକାରୀ ସସପେଣ୍ଡ, ବଦଳିଲେ ଜଳେଶ୍ୱର ଥାନା IIC

ଜଳେଶ୍ଵର: ବାଲେଶ୍ୱର ଜଳେଶ୍ୱରର ସାଂଘାତିକ ଓ ଜଘନ୍ୟ ନାବାଳିକା ଦୁଷ୍କର୍ମ-ହତ୍ୟା ଘଟଣାରେ ପୋଲିସ ନେଇଛି ବଡ଼ ଆକ୍ସନ୍ । କାର୍ଯ୍ୟରେ ଅବହେଳା ପାଇଁ ନାମ୍ପୋ ଫାଣ୍ଡି ଅଧିକାରୀ କରନ ମାରାଣ୍ଡିଙ୍କୁ ସସପେଣ୍ଡ କରାଯାଇଥିବା ବେଳେ ଜଳେଶ୍ୱର IIC ଅଶୋକ ବାରିକଙ୍କୁ ହେଡ୍‌କ୍ୱାର୍ଟରକୁ ବଦଳି କରାଯାଇଛି ।

ସେପଟେ ଜଳେଶ୍ୱରକୁ ହଲଚଲ କରିଦେଇଥିବା ଏହି ପିଶାଚର ଆସିଛି ସାଂଘାତିକ ସ୍ୱୀକାରୋକ୍ତି । 'ଝିଅଟି ତାକୁ ଭଲ ପାଉନଥିବା କହିବାରୁ' ସେ ଆକ୍ରୋଶ ରଖି ପ୍ରଥମେ ନାବାଳିକାକୁ ଦୁଷ୍କର୍ମ କରିଥିଲା ଏବଂ ପରେ ନିର୍ମମ ଭାବେ ହତ୍ୟା କରିଥିବା ପୋଲିସ ଆଗରେ ମାନିଛି ।

ଅନ୍ୟପଟେ ଅଭିଯୁକ୍ତ ବିରୋଧରେ କଠୋର ଦଣ୍ଡ ଦାବିରେ ଉତ୍ତପ୍ତ ହୋଇଉଠିଛି ଜଳେଶ୍ୱର । ବଡ଼ନଗର ଛକରେ ଟାୟାର ଜାଳି ଜଳେଶ୍ୱର-ପଶ୍ଚିମବାଡ଼ ରାସ୍ତା ଅବରୋଧ ଜାରି ରଖିଛନ୍ତି ଉତ୍ତ୍ୟକ୍ତ ଲୋକେ । ଘଟଣାସ୍ଥଳକୁ ଯାଇ ବିଜେଡି, କଂଗ୍ରେସ ଟିମ୍ ଏବଂ ସାଂସଦ ପ୍ରତାପ ଷଡ଼ଙ୍ଗୀ ପୀଡ଼ିତାଙ୍କ ପରିବାରକୁ ଭେଟିଛନ୍ତି ।

ଏଥିସହ ପଢ଼ନ୍ତୁ: କୋଟିଆ ପାଇଁ ବସିବ ସର୍ବଦଳୀୟ ବୈଠକ, କାଲି ସବୁ ଦଳ ସହ ଆଲୋଚନା କରିବେ ମୁଖ୍ୟମନ୍ତ୍ରୀ 

ପ୍ରଥମେ ପାଶବିକ ଅତ୍ୟାଚାର ତା ପରେ ସାମାନ୍ୟ କଥାରେ ନେଇଗଲା ଜୀବନ । ଜଳେଶ୍ବର ନାବାଳିକା ଦୁଷ୍କର୍ମ ଓ ମାମଲାରେ ପୋଲିସ ଆଗରେ ସାଂଘାତିକ ସ୍ବୀକାରୋକ୍ତି କରିଛି ଅଭିଯୁକ୍ତ । ଏସପିଙ୍କ ସୂଚନା ଅନୁସାରେ ନାବାଳିକାକୁ ପ୍ରଥମେ ଦୁଷ୍କର୍ମ କରିଥିଲା ପିଶାଚ । ଝିଅ ତାକୁ ଭଲ ପାଉ ନାହିଁ ବୋଲି କହିବାରୁ ଉତକ୍ଷିପ୍ତ ହୋଇ ତାକୁ ହତ୍ୟା କଲା ।

ଜଣେ ଡିଏସପି ପାହ୍ୟାର ଅଧିକାରୀଙ୍କୁ ଦିଆଯାଇଛି ତଦନ୍ତ ଦାୟିତ୍ୱ । ଶୀଘ୍ର ଚାର୍ଜ ସିଟ୍ ଦାଖଲ କରି କିଭଳି ନ୍ୟାୟିକ ବ୍ୟବସ୍ଥାରେ ଦଣ୍ଡ ବିଧାନ କରାଯିବ ସେନେଇ କରାଯାଉଛି ଉଦ୍ୟମ । ବାରମ୍ବାର ବୟାନ ବଦଳାଉଛି ଅଭିଯୁକ୍ତ । ପ୍ରଥମେ ଅଭିଯୁକ୍ତକୁ ପଚରା ଉଚୁରା କରି ଛାଡି ଦିଆଯାଇଥିଲା ।

ଆରମ୍ଭରୁ କଡ଼ା ତଦନ୍ତ ହୋଇଥିଲେ ଶୀଘ୍ର ଗିରଫ ହୋଇଥାନ୍ତା ଅଭିଯୁକ୍ତ । କାର୍ଯ୍ୟରେ ଅବହେଳା ପାଇଁ ନାମ୍ପୋ ଫାଣ୍ଡି ଅଧିକାରୀ କରନ ମାରାଣ୍ଡିଙ୍କୁ ନିଲମ୍ବନ କରାଯାଇଛି । ଏଥିସହ ଜଳେଶ୍ୱର IIC ଅଶୋକ ବାରିକଙ୍କୁ କରାଯାଇଛି ହେଡକ୍ଵାର୍ଟର ବଦଳି ।

ଏଥିସହ ପଢ଼ନ୍ତୁ: କାହିଁକି ବାରମ୍ବାର ବାଲିଅନ୍ତା ? ୬ ମାସରେ ଘଟିଲାଣି ୩ ବଡ଼ ଅପରାଧ 

ସେପଟେ ଘଟଣାରେ ନାବାଳିକାଙ୍କ ପରିବାରକୁ ଭେଟିଛନ୍ତି ବିଜେଡି ଓ କଂଗ୍ରେସ ଟିମ୍ । ଅଭିଯୁକ୍ତ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଦାବିରେ, ଟାୟାର ଜାଳି ପ୍ରାୟ ୧୦ ଘଣ୍ଟା ରାସ୍ତାରୋକ କରିଥିଲେ ଉତ୍ତ୍ୟକ୍ତ ଲୋକେ, ବାଲେଶ୍ବର ସାଂସଦ ପ୍ରତାପ ଚନ୍ଦ୍ର ଷଡ଼ଙ୍ଗୀ ପହଞ୍ଚି ଲୋକଙ୍କୁ ବୁଝାସୁଝା କରିଥିଲେ ।

ଏ ଭୟଙ୍କର ଅପରାଧ ନେଇ ଏବେ ବି ରହିଛି ଅନେକ ଅସମାହିତ ପ୍ରଶ୍ନ । ସନ୍ଦେହ ବଢ଼ାଉଛି ବେକରେ ଥିବା ନାଲି କପଡ଼ା । ଯାହା ବେକରେ ବନ୍ଧା ହୋଇଛି ଓ ଗଛ ଡାଳରେ ବନ୍ଧା ହୋଇଛି । ମୃତଦେହକୁ ଝୁଲନ୍ତା ଅବସ୍ଥାରୁ ଖୋଲିଲା କିଏ ? ଗୋଟିଏ ଲୋକ କ'ଣ ହତ୍ୟା ପରେ ମୃତଦେହକୁ ନେଇ ଗଛରେ ଟାଙ୍ଗି ପାରିବ ? ଏବେ ଏସବୁ ପ୍ରଶ୍ନର ଉତ୍ତର ଖୋଜୁଛି ପୋଲିସ ।