Ganesh Immersion Tragedy / ଗଣେଶ ଭସାଣ ବେଳେ ଅଘଟଣ; DJ ସାଉଣ୍ଡ ଯୋଗୁ ଘର ତାଜା ଭାଙ୍ଗି ଜଣେ ମୃତ

ଖୋର୍ଦ୍ଧା: ଗଣେଶ ଭସାଣ ବେଳେ ଅଘଟଣ । ଜଟଣୀରେ ଗଣେଶ ଭସାଣି ଉତ୍ସବ ବେଳେ ଅଘଟଣ ଘଟିଛି । ଭସାଣ ସମୟରେ ଡିଜେ ସାଉଣ୍ଡରେ ପଞ୍ଜାବ ବ୍ୟାଙ୍କର ତାଜା ଭାଙ୍ଗି ଯିବାରୁ ଜଣଙ୍କର ମୃତ୍ୟୁ ହୋଇଥିବା ବେଳେ ଏକାଧିକ ଲୋକ ଗୁରୁତର ଆହତ ହୋଇଛନ୍ତି ।

ବିଳମ୍ବିତ ରାତି ପର୍ଯ୍ୟନ୍ତ ଜଟଣୀରେ ଗଣେଶ ମେଢ଼ ଭସାଣ ଉତ୍ସବ ଚାଲିଥିଲା । ଭସାଣ ଶୋଭାଯାତ୍ରା ଚାଲିଥିବା ବେଳେ ଗୋଟିଏ ପରେ ଗୋଟିଏ ମେଢ଼ ଅତିକ୍ରମ କରୁଥିଲା । ପୋଷ୍ଟ ଅଫିସ୍ ଛକରେ ଥିବା ପଞ୍ଜାବ ନ୍ୟାସନାଲ ବ୍ୟାଙ୍କର ୨ ମହଲା କୋଠାର ତାଜା ହଠାତ୍ ଡିଜେ ଶବ୍ଦରେ ଭାଙ୍ଗି ଯାଇଥିଲା ।

ଏଥିସହ ପଢ଼ନ୍ତୁ: ଉତ୍ତର ଓଡ଼ିଶାକୁ ପିଛା ଛାଡ଼ୁନି ବନ୍ୟା, ଟିକିଏ ପାଗ ବିଗିଡ଼ିଲେ ଭାସୁଛି ଉତ୍ତର ଠୁ ଉପକୂଳ 

ଗଣେଶ ଭସାଣ ଦେଖିବାକୁ ରାସ୍ତାର ଦୁଇ କଡ଼ରେ ଲୋକେ ଛିଡ଼ା ହୋଇଥିଲେ । ପଞ୍ଜାବ ବ୍ୟାଙ୍କ ତଳେ ଛିଡ଼ା ହୋଇଥିବା ଲୋକଙ୍କ ଉପରେ ତାଜାଟି ଭାଙ୍ଗି ପଡ଼ିଥିଲା । ଫଳରେ ଏକାଧିକ ଲୋକ ଆହତ ହୋଇଥିବା ବେଳେ ଜଣଙ୍କର ମୃତ୍ୟୁ ହୋଇଛି । ମୃତକ ହରିରାଜପୁରର ବୋଲି ଜଣାପଡ଼ିଛି । ଆହତମାନଙ୍କୁ AIIMSରେ ଭର୍ତ୍ତି କରାଯାଇଛି ।

Khordha: One person died and several were injured after a roof slab collapsed during a Ganesh immersion procession amid DJ vibrations. #Jatni #Odisha #ArgusNews pic.twitter.com/30Tonz2f7V

— Argus News (@ArgusNews_in) September 27, 2026

ବିନା ଅନୁମତିରେ ବାଜୁଥିଲା DJ

ଜଟଣୀର ଗଣେଶ ଭସାଣ ଶୋଭାଯାତ୍ରାରେ DJ ପାଇଁ ଅନୁମତି ନଥିଲା । ସୀମିତ ମାତ୍ରାର ଶବ୍ଦରେ ଭସାଣ ଶୋଭାଯାତ୍ରା କରିବାକୁ କମିଶନରେଟ୍ ପୋଲିସ ପକ୍ଷରୁ ତାଗିଦ୍ କରାଯାଇଥିଲା । ତଥାପି DJ ଅନୁମତି ନଥାଇ ବାଜୁଥିଲା ଏକାଧିକ DJ ।

ଏଥିସହ ପଢ଼ନ୍ତୁ: ବନ୍ୟା ପାଣିରୁ ଲୋକଙ୍କୁ ଉଦ୍ଧାର ବେଳେ ଅଘଟଣ, ୧୧ କେଭି ବିଦ୍ୟୁତ୍ ତାର ସଂସ୍ପର୍ଶରେ ଆସିଲା ପାୱାର ବୋଟ୍‌ 

ପଞ୍ଜାବ ବ୍ୟାଙ୍କର ତାଜା ଭୁଶୁଡ଼ି ଜଣଙ୍କର ମୃତ୍ୟୁ ଏକାଧିକ ଆହତ ହେବା ପରେ ଭୁବନେଶ୍ଵର DCP ବିଳମ୍ବିତ ରାତିରେ ଘଟଣାସ୍ଥଳକୁ ଯାଇଥିଲେ । ତେବେ DJ ଶବ୍ଦ ଯୋଗୁଁ ତାଜା ଭାଙ୍ଗିଲା ନା କାରଣ ଆଉ କିଛି ତାର ଛାନଭିନ୍ ଆରମ୍ଭ କରିଛି କମିଶନରେଟ୍ ପୋଲିସ ।