Odisha News / ଦଶାହରେ ଅଘଟଣ; ନଦୀରେ ଭାସି ଯାଇ ୩ ମୃ*ତ, ଶୋକରେ ୩ ପରିବାର

କେନ୍ଦ୍ରାପଡ଼ା: ଦଶ ଖଟିବାକୁ ଯାଇଥିଲେ । ଲୁଣା ନଦୀରେ ସ୍ନାନ କରି ଶୁଦ୍ଧି ହେଉଥିଲେ । ଜଣଙ୍କ ପରେ ଜଣେ ଲୁଣା ନଦୀରେ ଗାଧୋଇବା ବେଳେ ହଠାତ୍ ଜଣଙ୍କ ଗୋଡ଼ ଖସି ଯାଇଥିଲା । ଜଣଙ୍କୁ ବଞ୍ଚାଇବାକୁ ଯାଇ ଶେଷରେ ୩ ଜଣ ଭାସିଗଲେ ।

କେନ୍ଦ୍ରାପଡ଼ା ସଦର ଥାନା ଅନ୍ତର୍ଗତ ଗହଗା ଗାଁରେ ଏଭଳି ଅଘଟଣ ଘଟିଛି । ଗାଁର ଜଣଙ୍କର ମୃତ୍ୟୁ ହୋଇଥିବା ବେଳେ ଆଜି ଥିଲା ଦଶାହ କର୍ମ । ଦଶାହରେ ଆଜି ସମସ୍ତେ ଶୁଦ୍ଧି ହୋଇଥିବା ବେଳେ ୩ ଜଣ ଭାସି ଯାଇଥିଲେ । ସ୍ଥାନୀୟ ଲୋକେ ଏବଂ ଅଗ୍ନିଶମ ବାହିନୀ ସର୍ଚ୍ଚ ଅପରେସନ୍ ଆରମ୍ଭ କରିଥିଲେ ।

ଏଥିସହ ପଢ଼ନ୍ତୁ: ରାସ୍ତା କଡ଼ରେ ରକ୍ତ ଜୁଡ଼ୁବୁଡ଼ୁ ମୃତ*ଦେହ; ଦଶହରାରେ କିଏ କାଟିଦେଲା ତଣ୍ଟି ? 

ଦୀର୍ଘ ୭ ଘଣ୍ଟାର ଖୋଜାଖୋଜି ପରେ ଶେଷରେ ନଦୀ ଗର୍ଭରୁ ୩ ଜଣଙ୍କ ମୃତଦେହ ଉଦ୍ଧାର ହୋଇଛି । ମୃତକ ହେଉଛନ୍ତି ହିଂମାଶୁ ଶେଖର ଶତପଥୀ, ସବ୍ୟସାଚୀ ସ୍ଵାଇଁ, ଚିରଞ୍ଜିବୀ ପରିଡ଼ା । ଦଶାହରେ ଏବେ ୩ ଜଣଙ୍କ ମୃତ୍ୟୁ ପରେ ୩ ପରିବାର ବଢ଼ିଲା ପୁଅଙ୍କ ଦେହାନ୍ତରେ ଭାଙ୍ଗି ପଡ଼ିଛନ୍ତି ।

କାଳ ସାଜିଲା ଚୋରା ବାଲି

ସ୍ଥାନୀୟ ଲୋକଙ୍କ ଅନୁସାରେ, ଗାଧୋଇବା ବେଳେ ହଠାତ୍ ପାଦ ଖସିବା ଆରମ୍ଭ କରିଥିଲା । ସମସ୍ତଙ୍କୁ ଚୋରା ବାଲି ଟାଣିନେଲା । ଖବର ଅନୁସାରେ, ମଙ୍ଗଳବାର ଦିନ ୧୧ଟା ସମୟରେ ଗହଗା ଗାଁର ଘାଟରେ ସମସ୍ତେ ଦଶାହ କର୍ମରେ ଯୋଗ ଦେଇଥିଲେ ।

ଗାଧୋଇବା ବେଳେ ହଠାତ୍ ୩ ଜଣ ଯୁବକ ଲୁଣା ନଦୀର ଗଭୀର ପାଣିକୁ ପଳାଇଥିଲେ । ଚୋରା ବାଲିରେ ପାଦ ଖସିଯିବାରୁ ପ୍ରଥମେ ଜଣେ ଭାସି ଯାଇଥିଲେ । ଜଣଙ୍କୁ ବଞ୍ଚାଇବାକୁ ଯାଇ ଜଣଙ୍କ ପରେ ଅନ୍ୟ ଜଣେ ଏଭଳି ୩ ଜଣ ଭାସି ଯାଇଥିଲେ ।

ଏଥିସହ ପଢ଼ନ୍ତୁ: ଭସାଣିରେ ଡିଜେ ମନା, ନିୟମ ଭାଙ୍ଗିଲେ କ୍ରିମିନାଲ କେସ୍‌; ସୁରକ୍ଷା ପାଇଁ ୪୮ ପ୍ଲାଟୁନ୍‌ ଫୋର୍ସ ମୁତୟନ 

ସଙ୍ଗେ ସଙ୍ଗେ ପରିବାର ଲୋକ ଓ ଗ୍ରାମବାସୀ ଖୋଜାଖୋଜି ଆରମ୍ଭ କରିଥିଲେ । କେନ୍ଦ୍ରାପଡ଼ା ଅଗ୍ନିଶମ ବିଭାଗ ଟିମ୍ ଖବର ପାଇ ସର୍ଚ୍ଚ ଅପରେସନ୍ ଆରମ୍ଭ କରିଥିଲା । ଦୀର୍ଘ ୭ ଘଣ୍ଟାର ସର୍ଚ୍ଚ ଅପରେସନ୍ ପରେ ଅଗ୍ନିଶମ ବାହିନୀ ୩ ଜଣଙ୍କ ମୃତଦେହ ଉଦ୍ଧାର କରି ବ୍ୟବଚ୍ଛେଦ ଲାଗି ପଠାଇଛି ।

ଫଳରେ ଜଣଙ୍କର ଦଶାହରେ ଏବେ ଆଉ ୩ଟି ପରିବାର ଭାସି ଯାଇଛି । ବଢ଼ିଲା ପୁଅକୁ ହରାଇ ମାଆ କାନ୍ଦୁଛି । ସାହି ପଡ଼ିଶା, ପୂରା ଗାଁ ଏବେ ସ୍ତବ୍ଧ ହୋଇ ଯାଇଛି ।