କେନ୍ଦୁଝର: ସ୍ଵେଚ୍ଛାସେବୀ ସଂଗଠନ (NGO) ଠାରୁ ଫୋନ୍‌ପେ'ରେ ଲାଞ୍ଚ ନେଇ ଧରାପଡ଼ିଲେ ବାବୁ । କେନ୍ଦୁଝର ଜିଲ୍ଲା ସାମାଜିକ ସୁରକ୍ଷା ଅଧିକାରୀ ବିପ୍ଳବ କେଶରୀ ସାମନ୍ତରାୟ ଭିଜିଲାନ୍ସ ହାବୁଡ଼ରେ ପଡ଼ିଛନ୍ତି । ଡିଜିଟାଲ୍ ମାଧ୍ୟମ (PhonePe)ରେ ଜିଲ୍ଲା ସାମାଜିକ ସୁରକ୍ଷା ଅଧିକାରୀ ଏକ ସ୍ଵେଚ୍ଛାସେବୀ ସଂଗଠନ ଠାରୁ ଲାଞ୍ଚ ନେଇ ଧରାପଡ଼ିଛନ୍ତି ।

କେନ୍ଦୁଝର ଜିଲ୍ଲା ସାମାଜିକ ସୁରକ୍ଷା ଅଧିକାରୀ ବିପ୍ଳବ କେଶରୀ ସାମନ୍ତରାୟ ଏକ ଏନଜିଓକୁ ସୁବିଧା ସୁଯୋଗ ଯୋଗାଇ ଦେବା ପାଇଁ ଟଙ୍କା ମାଗିଥିଲେ । ୨୦ ହଜାର ଟଙ୍କା ଦେବାକୁ ଏନଜିଓକୁ କହିଥିଲେ ଜିଲ୍ଲା ସାମାଜିକ ସୁରକ୍ଷା ଅଧିକାରୀ । ଫୋନ୍‌ପେରେ ୨୦ ହଜାର ଲାଞ୍ଚ ନେବା ପରେ ଜିଲ୍ଲା ସାମାଜିକ ସୁରକ୍ଷା ଅଧିକାରୀ ବିପ୍ଳବ କେଶରୀ ଭିଜିଲାନ୍ସ ହାତରେ ଧରାପଡ଼ିଛନ୍ତି ।

ଏଥିସହ ପଢ଼ନ୍ତୁ: 'ଘର ଚଳାଇବା ପାଇଁ ଓଡ଼ିଆ ଶିଖିଗଲେ ମାଳବିକା, ୨୪ ବର୍ଷରେ ପାରିଲେନି ନବୀନ': ବିଷ୍ଣୁଦେବ ସାଏ

କେନ୍ଦୁଝର ଜିଲ୍ଲା ସାମାଜିକ ସୁରକ୍ଷା ଅଧିକାରୀ ବିପ୍ଳବ କେଶରୀ ସାମନ୍ତରାୟ ଜିଲ୍ଲାର ବିଭିନ୍ନ ଏନଜିଓ ଠାରୁ ଲାଞ୍ଚ ନେଉଥିବା ଅଭିଯୋଗ ହୋଇ ଆସୁଥିଲା । ଆଉ ଲାଞ୍ଚ ନେବା ପରେ ସେ ବିଭିନ୍ନ ଅନୁଦାନ ଦେବା ସହ ବିଲ୍ କ୍ଲିଅର୍ କରୁଥିଲେ । ସରକାରଙ୍କ ସାମାଜିକ ସୁରକ୍ଷା ଯୋଜନାରେ ଏନଜିଓକୁ ମିଳୁଥିବା ସହାୟତା ପାଇଁ ଅର୍ଥ ଦାବି କରୁଥିଲେ ।

ବିପ୍ଳବ କେଶରୀ ସାମନ୍ତରାୟ ଫୋନ୍‌ପେ ଆକାଉଣ୍ଟ ମାଧ୍ୟମରେ ବିଭିନ୍ନ ଏନଜିଓ ଏବଂ ବ୍ୟକ୍ତିବିଶେଷଙ୍କ ଠାରୁ ଲାଞ୍ଚ ନେଉଥିଲେ । ଏଥିପାଇଁ ସେ ତାଙ୍କ କାର୍ଯ୍ୟାଳୟର କର୍ମଚାରୀ, ପରିବାର ସଦସ୍ୟ ଓ ସମ୍ପର୍କୀୟଙ୍କ ଫୋନ୍‌ପେ ଆକାଉଣ୍ଟକୁ ବ୍ୟବହାର କରୁଥିଲେ ।

ଭିଜିଲାନ୍ସର ପ୍ରାରମ୍ଭିକ ତଦନ୍ତରୁ ଜଣାପଡ଼ିଛି, ଏକାଧିକ ଫୋନ୍‌ପେ ଦେଣନେଣ ହୋଇଛି । ବିଭିନ୍ନ ଏନଜିଓ ଓ ବ୍ୟକ୍ତିବିଶେଷଙ୍କ ଠାରୁ ସମ୍ପର୍କୀୟଙ୍କ ମାଧ୍ୟମରେ କେନ୍ଦୁଝର ଜିଲ୍ଲା ସାମାଜିକ ସୁରକ୍ଷା ଅଧିକାରୀ ବିପ୍ଳବ କେଶରୀ ସାମନ୍ତରାୟ ଡିଜିଟାଲ୍ ଲାଞ୍ଚ ନେଉଥିଲେ । ତେବେ ସରକାରୀ ବାବୁ, ଅନଲାଇନ୍‌ରେ କେତେ ଜଣଙ୍କଠାରୁ କେତେ ଟଙ୍କା ଲାଞ୍ଚ ନେଇଛନ୍ତି ତା'ର ତଦନ୍ତ କରୁଛି ଭିଜିଲାନ୍ସ ।

ଏଥିସହ ପଢ଼ନ୍ତୁ: ବାପାଙ୍କ ସହ ଚା’ ପିଇ ଖେଳିବାକୁ ଯାଇଥିଲେ: ଖେଳପଡ଼ିଆରେ ଚାଲିଗଲା ଜୀବନ

ଏନେଇ ଭିଜିଲାନ୍ସ ପକ୍ଷରୁ ଏକ ମାମଲା ରୁଜୁ ହୋଇଛି । ବିପ୍ଳବ କେଶରୀ ସାମନ୍ତରାୟଙ୍କ ୩ଟି ସ୍ଥାନରେ ଆୟ ବହିର୍ଭୂତ ସମ୍ପତ୍ତି ଠୁଳ ନେଇ ଚଢ଼ାଉ କରିଛି ଭିଜିଲାନ୍ସ । ରେଡ୍ ବେଳେ ଭୁବନେଶ୍ଵର ଓ ଆଖପାଖରେ ବିପ୍ଳବଙ୍କ ୧୦ଟି ପ୍ଲଟ୍ ଥିବା ଭିଜିଲାନ୍ସ ଜାଣିବାକୁ ପାଇଛି ।

ଏବେ ଭିଜିଲାନ୍ସ କବ୍‌ଜାରେ ବିପ୍ଳବ ଓ ତାଙ୍କ ପରିବାର ସଦସ୍ୟ ରହିଛନ୍ତି । ଭୁବନେଶ୍ଵର ମଦନପୁରରେ ବିପ୍ଳବଙ୍କ ଏକ ୩ ମହଲା କୋଠା ଯାହାକି ୩ ହଜାର ସ୍କୋୟାର ଫୁଟ୍ ଅଞ୍ଚଳରେ ରହିଛି । ମଦନପୁରରେ ୩ ଏକର ଜାଗାରେ ରହିଛି ଏକ ଫାର୍ମ ହାଉସ୍ । ବିପ୍ଳବ ଓ ତାଙ୍କ ପରିବାର ପାଖରେ ଥିବା ଅନ୍ୟ ସମ୍ପତ୍ତିର ଖୋଳତାଡ଼ କରୁଛି ଭିଜିଲାନ୍ସ ।