ଖୋର୍ଦ୍ଧା: ବରୁଣେଇ ପାହାଡ଼ରେ ବାର୍‌ହା ଆକ୍ରମଣରେ ଜଣେ ପୋଲିସ କର୍ମଚାରୀଙ୍କ ମୃତ୍ୟୁ ହୋଇଛି । ଆଉ ୩ ଜଣ ଗୁରୁତର ଆହତ ହୋଇଛନ୍ତି । ମୃତକ ବରୁଣେଇ ବିଟ୍ ହାଉସ୍‌ରେ କାର୍ଯ୍ୟରତ ଷଷ୍ଠ ବାଟାଲିୟନର ପ୍ରଦୀପ କୁମାର ପେରେଇ । ଗୁରୁତର ଆହତ ହୋଇଥିବା ୩ ଜଣ ସ୍ଥାନୀୟ ଅଞ୍ଚଳର ହୋଇଥିବା ବେଳେ ସେମାନଙ୍କୁ ମେଡିକାଲ୍‌ରେ ଭର୍ତ୍ତି କରାଯାଇଛି ।

ଏଥିସହ ପଢ଼ନ୍ତୁ: କଟକରେ ୩୬ ଘଣ୍ଟା ପାଇଁ କର୍ଫ୍ୟୁ ଘୋଷଣା, ବିଶୃଙ୍ଖଳା କଲେ ନିଆଯିବ କଡ଼ା କାର୍ଯ୍ୟାନୁଷ୍ଠାନ

ସୂଚନା ଅନୁସାରେ, ରବିବାର କିଛି ପର୍ଯ୍ୟଟକ ବଣଭୋଜି କରିବାକୁ ବରୁଣେଇ ପାହାଡ଼ ଉପରକୁ ଯାଇଥିଲେ । ସେହି ସମୟରେ ବାର୍‌ହା ଆକ୍ରମଣ କରିଥିବା ଖବର ମିଳିଥିଲା । ଖବର ପାଇ ପର୍ଯ୍ୟଟକଙ୍କୁ ଉଦ୍ଧାର କରିବାକୁ ଅନ୍ୟ OSAP କର୍ମଚାରୀଙ୍କ ସହ ଯାଇଥିଲେ ପ୍ରଦୀପ । ପର୍ଯ୍ୟଟକଙ୍କୁ ଉଦ୍ଧାର କରିବାକୁ ପ୍ରୟାସ ବେଳେ ପ୍ରଦୀପଙ୍କୁ ବାର୍‌ହା ଆକ୍ରମଣ କରିଥିଲା ।

ଘଟଣାସ୍ଥଳରେ ହିଁ ପ୍ରଦୀପଙ୍କର ମୃତ୍ୟୁ ହୋଇଛି । ପର୍ଯ୍ୟଟକମାନେ ଫସି ରହିଥିବା ବେଳେ ପୋଲିସ ଓ ବନ ବିଭାଗ ଉଦ୍ଧାର ପାଇଁ ପହଞ୍ଚିଥିଲା । ହେଲେ ଉଦ୍ଧାର ପାଇଁ ଯାଇ ଫସି ଯାଇଥିଲେ ପୋଲିସ ଓ ବନ ବିଭାଗ । ପରେ ଅନ୍ୟ କର୍ମଚାରୀ ମିଶି ପ୍ରାୟ ୧୦ ଘଣ୍ଟା ପରେ ସମସ୍ତଙ୍କୁ ଉଦ୍ଧାର କରିଥିଲେ ।

ଏଥିସହ ପଢ଼ନ୍ତୁ: ପୁଣି ଏକ ରବିବାର, ପୁଣି ଥରେ ପାକିସ୍ତାନକୁ ହରାଇଲା ଭାରତ

ଗୁରୁତର ଆହତମାନଙ୍କୁ ମେଡିକାଲ୍‌ରେ ଭର୍ତ୍ତି କରାଯାଇଛି । ମୃତକ ପ୍ରଦୀପ କୁମାରଙ୍କ ଘର ଯାଜପୁର ଜିଲ୍ଲା କୋରେଇ ଥାନା ମଦନପୁର ଅଞ୍ଚଳରେ । ତେବେ ବରୁଣେଇ ପାହାଡ଼ରେ ବାର୍‌ହା ଆକ୍ରମଣରେ କାହାର ମୃତ୍ୟୁ ଘଟିବା ପ୍ରଥମ ଘଟଣା ବୋଲି କୁହାଯାଉଛି ।

Argus News | argus news | Odisha Latest News, Breaking News, Trending News, Live TV