କୋରାପୁଟ: ଆଉ ରକ୍ଷା ନାହିଁ । ଅନୁପ୍ରବେଶକାରୀଙ୍କୁ ଛାଡ଼ିବେନି ଗ୍ରାମବାସୀ । ବାଂଲାଦେଶୀ, ରୋହିଙ୍ଗ୍ୟାଙ୍କୁ ଆଉ ମିଳିବନି ତ୍ରାହି । ଯେଉଁଠି ସୁଯୋଗ ଦେଖି ପଶିଲେ ବିଦା କରି ଦେବେ ଗ୍ରାମବାସୀ । ଗୋଟିଏ କି ଦୁଇଟି ଗାଁ ନୁହେଁ ଏଥିପାଇଁ ଏକାଠି ହୋଇଛନ୍ତି ୧୭୭ଟି ଗାଁର ଲୋକ । ଅନୁପ୍ରବେଶକାରୀଙ୍କୁ ତଡ଼ିବା ପାଇଁ ନେଇଛନ୍ତି ବଜ୍ର ଶପଥ ।



କୋରାପୁଟ ଜିଲ୍ଲାର ବନ୍ଧୁଗାଁରେ ଅନୁପ୍ରବେଶ ରୋକିବା ପାଇଁ ଏକାଠି ହୋଇଛନ୍ତି ହଜାର ହଜାର ସନାତନୀ । ସମସ୍ତ ସନାତନୀଙ୍କୁ ନେଇ ଜଗନ୍ନାଥ ମନ୍ଦିର ପ୍ରାଙ୍ଗଣରୁ ୧୭୭ଟି ଗାଁର ପବିତ୍ର ଜଳ କଳସ ଯାତ୍ରା ହୋଇଛି ।

ଏଥିସହ ପଢ଼ନ୍ତୁ: ୩ ଦିନ ଶୀତ ଲହରୀ, ୫ ଦିନ ଘନ କୁହୁ଼ଡ଼ି; ଚେତାଇଲା ପାଣିପାଗ ବିଭାଗ

ନିଜ ନିଜ ଗାଁର ପବିତ୍ର ମାଟି ନେଇ ଆସିଥିବା ସନାତନୀ ଗୀତ ଗୋବିନ୍ଦ ନାମ ସଂକୀର୍ତ୍ତନ କରିଛନ୍ତି । ୩ କିଲୋମିଟର ବାଟ ପଥ ପରିକ୍ରମା କରି ସାନ ସରପଲ୍ଲୀ ଗାଁରେ ହୋଇଛି ହୋମଯଜ୍ଞ ସହ ସଭା । ଶ୍ରୀରାମଙ୍କ ନାରାରେ ଗଗନ ପବନ ମୁଖରିତ ହୋଇ ଉଠିଛି । କଲେଜ ପଡ଼ିଆ ଠାରେ ହଜାର ହଜାର ସଂଖ୍ୟାରେ ସନାତନୀଙ୍କ ମେଳରେ ହୋମ ପୂଜାଯଜ୍ଞ କରାଯାଇଛି ।


ରାଷ୍ଟ୍ରୀୟ ସ୍ଵୟଂ ସେବକ ସଂଘର କାର୍ଯ୍ୟକର୍ତ୍ତା, ବିଶ୍ୱ ହିନ୍ଦୁ ପରିଷଦ ସଭ୍ୟ, ସନାତନ ଧର୍ମ ପ୍ରଚାର ପ୍ରସାରର ରାୟଗଡ଼ା ଜିଲ୍ଲା ଏବଂ ମାଲକାନଗିରି ଜିଲ୍ଲାର ମୁଖ୍ୟ କାର୍ଯ୍ୟକର୍ତ୍ତାଙ୍କ ଉପସ୍ଥିତରେ ଆଲୋଚନା ଚକ୍ର ଅନୁଷ୍ଠିତ ହୋଇଛି ।


ପଡ଼ୋଶୀ ରାଜ୍ୟ ଆନ୍ଧ୍ରପ୍ରଦେଶ ରେଳ ଷ୍ଟେସନରୁ ରୋହିଙ୍ଗ୍ୟା ମୁସଲିମ୍ ବ୍ୟବସାୟୀ ବନ୍ଧୁଗାଁ ଅଞ୍ଚଳରୁ ଯେମିତି ଅନୁପ୍ରବେଶ ନ କରନ୍ତି ସେନେଇ ସଚେତନତା ସୃଷ୍ଟି କରାଯାଇଛି ।

ଏଥିସହ ପଢ଼ନ୍ତୁ: ଗୁରୁତର ରୋଗୀଙ୍କ ମୁଣ୍ଡରେ ଖସି ପଡ଼ିଲା ସିଲିଂ; କେତେ ସୁରକ୍ଷିତ ବଡ଼ ମେଡିକାଲ୍ ?

ବନ୍ଧୁଗାଁ ନାରାୟଣ ପାଟଣା ବ୍ଲକ ମାଟିର ସୁରକ୍ଷା ଆମର ଦୀକ୍ଷା, ଏ ମାଟିର ମର୍ଯ୍ୟାଦା ରକ୍ଷା ଆମର ପ୍ରଥମ କର୍ତ୍ତବ୍ୟ । ଏଭଳି ପ୍ରତିକ୍ରିୟା ରଖିଛନ୍ତି ବିଶ୍ୱ ହିନ୍ଦୁ ପରିଷଦ ଏବଂ ରାଷ୍ଟ୍ରୀୟ ସ୍ଵୟଂ ସେବକ ସଂଘର ପ୍ରଚାରକ ଏବଂ ରାୟଗଡ଼ା ଜିଲ୍ଲାରୁ ଆସିଥିବା ସାଧୁ ସନ୍ଥ ।


ଏହି ଆଧ୍ୟାତ୍ମିକ ଜାଗରଣ କେବଳ ଏକ ଦିନର କାର୍ଯ୍ୟକ୍ରମ ନୁହେଁ ଏହା ଆଗାମୀ ପିଢ଼ି ପାଇଁ ଗୋଟିଏ ଆଲୋକ ସ୍ତମ୍ଭ । ଏଭଳି ପ୍ରତିକ୍ରିୟା ରଖିଛନ୍ତି ରାଷ୍ଟ୍ରୀୟ ସ୍ଵୟଂ ସେବକ ସଂଘର ଖଣ୍ଡ ଦାୟିତ୍ୱରେ ଥିବା ହରୀଶ ଭାଇ ।