ଏବେ ବି ଧୂଆଁମୟ ରାଜଧାନୀ ଲିଙ୍ଗିପୁର ନିକଟ ସୁପରମାର୍ଟ । ନିଆଁ ଲିଭିଛି ହେଲେ ପୂରା ବିଲ୍ଡିଂ ଏବେ ବି ଧୂଆଁମୟ । ପ୍ଲାଷ୍ଟିକ୍ ଓ ରବର ସାମଗ୍ରୀ ଥିବାରୁ କାମ ଦେଇନଥିଲା ପାଣି ମାଡ଼ । ରୋବଟ୍, ଫୋମ୍ ସାହାଯ୍ୟରେ ନିଆଁ ଲିଭାଇବାକୁ ଉଦ୍ୟମ କରାଯାଇଥିଲା । ନିଆଁ ଯୋଗୁଁ ଦବି ଯାଇଥିଲା ବିଲ୍ଡିଂ ଛାତ । କାନ୍ଥ ଫାଟି ବାହାରିଲା ନିଆଁ, ଧୂଆଁ । ୪ ରୁ୫ କୋଟିର ସମ୍ପତ୍ତି ପୋଡ଼ି ପାଉଁଶ ହୋଇଯାଇଛି । ସଟସର୍କିଟରୁ ଏହି ଅଗ୍ନିକାଣ୍ଡ ହୋଇଥିବା ସନ୍ଦେହ କରାଯାଉଛି ।

ସୋମବାର ରାତି ପ୍ରାୟ ସାଢ଼େ ୧୦ଟାରେ ଅଗ୍ନିଶମ ବାହିନୀ ପହଞ୍ଚିବା ବେଳକୁ ହୁତୁହୁତୁ ହୋଇ ଜଳୁଥିଲା ଲିଙ୍ଗିପୁର ସୁପରମାର୍ଟରେ ଥିବା ସୁବାସ ଚନ୍ଦ୍ର ଜଗତିଙ୍କ ଗୋଦାମ ଘର । ପ୍ରଥମେ ସୁପରମାର୍ଟର ତୃତୀୟ ମହଲାରେ ନିଆଁ ଲାଗିବା ପରେ, ଚତୁର୍ଥ ମହଲାରେ ଥିବା ଗୋଦାମ ଗୃହକୁ ବ୍ୟାପି ଯାଇଥିଲା ନିଆଁ । ଏଠାରେ ପ୍ଲାଷ୍ଟିକ ଓ ରବର ସାମଗ୍ରୀ ଅଧିକ ଥିବାରୁ ଚାହୁଁ ଚାହୁଁ ନିଆଁ ବ୍ୟାପିବାରେ ଲାଗିଲା ।

ନିଆଁର ଭୟାବହତା ଏତେ ଅଧିକ ଥିଲା ଯେ, ପାଣି ମାଡ଼ କରି ନିଆଁକୁ ଆୟତ୍ତ କରିବା ସମ୍ଭବ ହେଲାନାହିଁ । ଅଗ୍ନିଶମ ଡିଜି ନିଜେ ଘଟଣାସ୍ଥଳରେ ପହଞ୍ଚି ଏହାକୁ ଫୋମ୍ ସାହାଯ୍ୟରେ ଲିଭାଇବାକୁ ଉଦ୍ୟମ କରାଗଲା । ପାଣି ମାଡ଼ କରି ନିଆଁ ଲିଭାଇବା ସମ୍ଭବ ନହେବାରୁ ଫୋମ୍ ସାହାଯ୍ୟରେ ଲିଭାଇବାକୁ ଉଦ୍ୟମ ଆରମ୍ଭ ହେଲା । ଏହି ନିଆଁ ଲିଭା କାର୍ଯ୍ୟରେ ନିୟୋଜିତ ହୋଇଥିଲେ ୪୦ରୁ ଅଧିକ ଦମକଳ ଗାଡ଼ି । ୧୫ରୁ ଅଧିକ ଗାଡ଼ି ସାହାଯ୍ୟରେ ଫୋମ୍ ପ୍ରୟୋଗ କରାଗଲା । ମେସିନ ଅତ୍ୟାଧୁନିକ କ୍ରେନ୍ ସାହାଯ୍ୟରେ କର୍ମଚାରୀମାନେ ଛାତ ଉପରେ ପହଞ୍ଚି ଫୋମ୍ । ତଥାପି ନିଆଁ ସମ୍ପୂର୍ଣ୍ଣ ଭାବେ ଲିଭିନଥିଲା ।

ଏଥିସହ ପଢ଼ନ୍ତୁ: ରାତିରୁ ଜଳୁଛି ସୁପରମାର୍ଟ: ୧୦ ଘଣ୍ଟା ହେଲା ଲିଭିପାରୁନି ନିଆଁ