ଜମୁଛି ଲୋଇସିଂହା ନିର୍ବାଚନୀ ତାତି, କିଏ ମାରିବ ବାଜି ?
ଅର୍ଗସ ବ୍ୟୁରୋ : ବଲାଙ୍ଗିର ଜିଲ୍ଲାର ପ୍ରମୁଖ ବିଧାନସଭା ନିର୍ବାଚନ ମଣ୍ଡଳୀ ହେଉଛି ଲୋଇସିଂହା । ସବୁବେଳେ ନୂଆ ନେତାଙ୍କ ପ୍ଲାଟଫର୍ମ ଭାବରେ ଏହି ନିର୍ବାଚନ ମଣ୍ଡଳୀ ଲୋକେ ନୂଆ ନେତାଙ୍କୁ ଦେଇ ଆସିଛନ୍ତି ସୁଯୋଗ । ତେବେ ଏଥର ତିନି ପ୍ରମୁଖ ଦଳ ଆଶାୟୀ ଏଠୁ ବାଜିମାତ କରିବାକୁ ଆଶା ବାନ୍ଧିଛନ୍ତି । କିନ୍ତୁ ଏହି ନିର୍ବାଚନ ମଣ୍ଡଳି ଏବେ ବିଜେପି କବଜାରେ ରହିଛି ।
୨୪ରେ ପୁଣିଥରେ ଜିତିବେ ବିଜେପି ପ୍ରାଥି ମୁକେଶ ମହାଳିଙ୍ଗ ବୋଲି ଜାଣା ପଡ଼ିଛି । ଏହି ଆସାନରେ ଅଧିକାଂଶ ସମୟରେ ବିଜେଡି ଓ କଂଗ୍ରେସ ମଧ୍ୟରେ ଲଢେ଼ଇ ହେଉଥିବା ବେଳେ, ୨୦୧୯ରେ ମୁକେଶ ମହାଲିଙ୍ଗକୁ ଟିକେଟ ଦେଇ ମାଷ୍ଟର କାର୍ଡ ଖେଳିଥିଲା ବିଜେପି । ତେଣୁ ୨୪ ନିର୍ବାଚନରେ ମଧ୍ୟ ପୁଣି ଥରେ ମୁକେଶ ମହାଲିଙ୍ଗଙ୍କ ଉପରେ ଭରଷା କରିଛି ବିଜେପି ।
ତେବେ ଏଥର ଲୋଇସିଂହା ନିର୍ବାଚନ ମଣ୍ଡଳି ହାତେଇବାକୁ ବିଜେଡି ଓ କଂଗ୍ରେସ ନୂଆ ପ୍ରାର୍ଥୀ ଦେଇଛନ୍ତି । ବିଜେଡିର ୨୦୧୪ର ବିଧାୟକ ଯୋଗେନ୍ଦ୍ର ବେହେରାଙ୍କ ପୁଅ ନିହାର ରଞ୍ଜନ ବେହେରାଙ୍କୁ ଟିକେଟ ଦେଇଛି ବିଜେଡି ।
📱 Get Argus News App
✨ଅଧିକ ପଢନ୍ତୁ ଓଡ଼ିଶା ଖବର
ସେହିପରି କଂଗ୍ରେସ ମଧ୍ୟ ନୂଆ ମୁହଁ ଭାବେ ଓମ୍ ପ୍ରକାଶ କୁମ୍ଭାରଙ୍କ ଉପରେ ଭରଷା କରିଛି । କଂଗ୍ରେସର ସାଂଗଠନିକ ମଜବୁତ ପାଇଁ ଦୀର୍ଘ ବର୍ଷ ହେଲା ସଂଗଠନ କରିଛନ୍ତି ଓମ ପ୍ରକାଶ । ଉଭୟ କେନ୍ଦ୍ର ଓ ରାଜ୍ୟ ସରକାରଙ୍କ ବିରୁଦ୍ଧରେ ପ୍ରଚାର ଜୋରଦାର କରୁଛନ୍ତି ଓମ ପ୍ରକାଶ । ତେବେ ଦେଖିବାକୁ ରହିଲା ଲୋଇସିଂହା ନର୍ବାଚନ ମଣ୍ଡଳିରେ କିଏ ମାରିବ ବାଜି । ବିଜେପି, ବିଜେଡି ନା କଂଗ୍ରେସ ।