ଆଜି କଟକରେ ଅନୁଷ୍ଠିତ ହେବ ମା' କାଳୀଙ୍କ ଭସାଣି ଶୋଭାଯାତ୍ରା । ୭୫ଟି ପୂଜା ମଣ୍ଡପରେ ପୂଜା ପାଉଥିବା ମା କାଳୀ ମେଲାଣି ନେବେ । ସକାଳୁ ସହର ପରିକ୍ରମା କରିବା ପରେ ଦେବୀଗଡାରେ ବିସର୍ଜନ କରାଯିବ। କାଳୀ ପୂଜା ଭସାଣିକୁ ସୁରୁଖୁରୁରେ ଶେଷ କରିବା ପାଇଁ ପୋଲିସ ପକ୍ଷରୁ ବ୍ୟାପକ ବ୍ୟବସ୍ଥା ଗ୍ରହଣ କରାଯାଇଛି ।
ଶୋଭାଯାତ୍ରା ଯିବାକୁ ଥିବା ରୁଟରେ ସିସିଟିଭି ରୁଫ୍ ଟପ୍ ସିକ୍ୟୁରିଟି ସହ ମକ୍ ଡ୍ରିଲ କରାଯାଇଛି । ଦଶରା ଭସାଣି ସମୟରେ ଯେଉଁଭଳି ଭାବେ ଗୋଷ୍ଠୀ ସଂଘର୍ଷ ଦେଖିବାକୁ ମିଳିଥିଲା ସେଭଳି ଘଟଣାର କିପରି ପୁନରାବୃତ୍ତି ନହୁଏ ସେଥିପାଇଁ ପ୍ରସାଶନିକ ସ୍ତରରେ, ମହାନଗର ନିଗମ, କମିଶନରେଟ ପୋଲିସ ପକ୍ଷରୁ ବ୍ୟାପକ ପ୍ରସ୍ତୁତି କରାଯାଇଛି ।

ଏହା ପୂର୍ବରୁ କଟକର ଦରଘା ବଜାର, କଦମ ଏ ରସୁଲ, ଏଵଂ ଆଖ ପାଖ ଅଞ୍ଚଳରେ ଥିବା କୋଠା ଗୁଡ଼ିକ ବୁଲି ଦେଖିଛନ୍ତି କଟକ କମିଶନରେଟ ପୋଲିସର ବରିଷ୍ଠ ଅଧିକାରୀ ମାନେ ଏବଂ STU ର ଫୋର୍ସ ।

ଏଥିସହ ପଢ଼ନ୍ତୁ: ମାନିଲେନି ପୋଲିସ୍‌ର ଗାଇଡଲାଇନ୍‌, ରାତି ୯ଟା ପରେ ବି ଫୁଟାଇଲେ ବାଣ

ଦଶହରା ଭସାଣି ସମୟରେ ଗଣ୍ଡଗୋଳ ଓ ପରବର୍ତ୍ତୀ ହିଂସା ଦେଖିବାକୁ ମିଳିଥିଲା । କଟକ ସହରରେ ଘଟିଯାଇଥିବା ହିଂସା କୁ ନେଇ ସମସ୍ତେ ସଙ୍କା ଭିତରେ ରହିଛନ୍ତି। କଟକ ଡିସିପିଙ୍କ ତରଫରୁ ସହରବାସୀଙ୍କ ପାଇଁ ୨ଟି ମୋବାଇଲ୍‌ ନଂ ଜାରି କରାଯାଇଥିଲା। କୌଣସି ସନ୍ଦେହଜନକ ବାର୍ତ୍ତା ପାଇଲେ ୭୩୨୮୦୭୭୩୨୪/୮୪୮୦୫୧୩୦୦୭ ମୋବାଇଲ୍‌ ନଂ ରେ ଜଣାଇବାକୁ କହୁହାଯାଇଛି । ସେଭଳି ଗୁଜବ କିମ୍ବା ମିଥ୍ୟା ସୂଚନାରେ ବିଶ୍ବାସ ନ କରିବାକୁ ପରାମର୍ଶ ଦିଆଯାଇଥିଲା

ଦଶହରା ପରେ ମାଆ ଦୁର୍ଗାଙ୍କ ଭସାଣି ବେଳେ ହାତୀ ପୋଖରୀ ଛକରେ ହୋଇଥିଲା ଗୋଷ୍ଠୀ ସଂଘର୍ଷ । ଏହା ପରେ କଟକ ଅଶାନ୍ତ ହୋଇଥିବା ବେଳେ ସ୍ଥିତି ନିୟନ୍ତ୍ରଣକୁ ଆଣିବା ପାଇଁ କର୍ଫ୍ୟୁ ଲାଗିଥିଲା । ତା'ସହ ୩୬ ଘଣ୍ଟା ଯାଏଁ କର୍ଫ୍ୟୁ ଲାଗିଥିଲା । ପରେ କଟକରେ ସ୍ୱାଭାବିକ ହୋଇଛି ଜୀବନ ଯାତ୍ରା । ଭାଇଚାରାର ସହରରେ ଫେରିଛି ଶାନ୍ତି । ୩୬ ଘଣ୍ଟା ପରେ କଟକରୁ କର୍ଫ୍ୟୁ ହଟାଇଦିଆଯାଇଛି । ତେବେ ଜାରି ରହିଛି ପୋଲିସ ପାଟ୍ରୋଲିଂ, ସମ୍ବେଦନଶୀଳ ସ୍ଥାନରେ ଏବେ ବି ଫୋର୍ସ ମୁତୟନ ଅଛନ୍ତି । ପୋଲିସ କମିଶନର କହିଥିଲେ, କଟକଣା ସମୟରେ କୌଣସି ସ୍ଥାନରେ ଅପ୍ରୀତିକର ଘଟଣା ଘଟିନାହିଁ। ସ୍ଥିତି ଉପରେ ନଜର ରଖାଯାଇଛି । ସମ୍ବେଦନଶୀଳ ସ୍ଥାନରେ ଫୋର୍ସ ମୁତୟନ କରାଯାଇଥିଲା ।

ଅଧିକ ପଢ଼ନ୍ତୁ ଓଡ଼ିଶା ଖବର...