ଗୁଡ଼ି ଉଡ଼ାଇବାର ପର୍ବ ‘ମକର ସଂକ୍ରାନ୍ତି’କୁ ଅପେକ୍ଷା କରିଛନ୍ତି କଟକ ବାସୀ

ଅର୍ଗସ ବ୍ୟୁରୋ : ଆଉ ଦିନ କେଇଟା ପରେ ମକର ସଂକ୍ରାନ୍ତି । ବର୍ଷ ତମାମ କଟକ ବାସୀ ଏହି ଦିନର ଅପେକ୍ଷା କରିଥାଆନ୍ତି । କାରଣ ଏହି ଦିନରେ କଟକିଆ ଗୁଡି ଉଡାଇ ଭରପୁର ମଜ୍ଜା ଉଠାଇଥିଲେ । କେଉଁ କାଳରୁ ଏହି ପରମ୍ପରା ମଧ୍ୟ ରହି ଆସିଛି । ତେଣୁ ଚଳିତବର୍ଷ ମଧ୍ୟ ଗୁଡି ଉଡାଇବା ପାଇଁ ଯଥେଷ୍ଟ ଉତ୍ସାହ ରହିଛି କଟକ ବାସୀଙ୍କର । ବର୍ଷର ପ୍ରଥମରେ ପ୍ରଥମ ପର୍ବ ଆସିଥିବାରୁ ସମସ୍ତେ ଗୁଡ଼ିର ମଜ୍ଜା ଉଠାଇବା ପାଇଁ ବିଭିନ୍ନ ରକମର ଗୁଡି କିଣୁଛନ୍ତି । 

ଚୌଧୁରୀ ବଜାର ଓ ନନ୍ଦି ସାହି  ମାର୍କେଟରେ ରହିଥିବା ଦୋକାନରେ ଲାଗିଛି ଭିଡ଼ । ପୂର୍ବ ବର୍ଷ ଭଳି ସେତେଟା ଭିଡ଼ ନଥିବା ବେଳେ, କିଛି ଲୋକ ଗୁଡ଼ି କିଣୁଛନ୍ତି । ତେବେ ସଙ୍କ୍ରାନ୍ତିରେ କଟକର ଅନେକ ସ୍ଥାନରେ ଗୁଡି ଉଡାଯାଇଥାଏ । ଛୋଟଠୁ ବଡ଼ ସମସ୍ତେ ଏହି ପର୍ବକୁ ବେଶ ଆଡ଼ମ୍ବର ସହ ପାଳନ କରିଥାନ୍ତି । ହେଲେ ଏହାରି ଭିତରେ ଅନେକ ଘଟଣା ମଧ୍ୟ ସାମ୍ନାକୁ ଆସିଥାଏ । ଯେପରି ମାଞ୍ଜା ସୂତା ବେକରେ ଲାଗି ଲୋକମାନେ ବିଶେଷ ଭାବରେ ଆହତ ହୁଅନ୍ତି । ଏପରିକି ଅନେକ ବ୍ୟକ୍ତି ପ୍ରାଣ ମଧ୍ୟ ହରାଇ ଥିବା ନଜିର ରହିଛି । 

ଅଧିକ ପଢନ୍ତୁ ଓଡ଼ିଶା ଖବର

ତେବେ ଏହି ମାଞ୍ଜା ସୂତା ବ୍ୟବହାରକୁ ରୋକିବା ପାଇଁ ପୋଲିସ ବର୍ତ୍ତମାନ ଆକ୍ସନ ମୁଡରେ ରହିଛି । ତେବେ ଆଗାମୀ ଦିନ ମାନଙ୍କରେ ଏହି ସୂତା ବ୍ୟବସାୟ ଓ ଗୁଡିରେ ଲଗାଇ ଉଡେଇବା ଦିଗ ଉପରେ ପୋଲିସ ଦୃଢ଼ କାର୍ଯ୍ୟନୁଷ୍ଠାନ ଗ୍ରହଣ କରିବ ବୋଲି ସୂଚନା ଦେଇଛନ୍ତି ଅତିରିକ୍ତ ଡିସିପି । ମକର ସଂକ୍ରାନ୍ତିରେ ଗୁଡି ଉଡାଇବା ପରମ୍ପରା ବଞ୍ଚୁ କିନ୍ତୁ ଗୁଡି ସୂତାରେ ପଶୁ ପକ୍ଷୀ ଓ ମଣିଷଙ୍କ ଜୀବନ ନ ଯାଉ ସେଥି ପ୍ରତି ଦୃଷ୍ଟି ଦେବା ଆବଶ୍ୟକ ରହିଛି