ଅର୍ଗସ ବ୍ୟୁରୋ : ବିଜୟ ଦିବସ ପାଳିଲେ ସ୍ବାଭିମାନ ଅଞ୍ଚଳବାସୀ  । ମାଲକାନଗିରି ଜିଲ୍ଲାର ସ୍ବାଭିମାନ ଅଞ୍ଚଳରେ ଆଜି ପାଳନ ହେଉଛି ବିଜୟ ଦିବସ । ୨୦୨୦ ମସିହା ଆଜିର ଦିନରେ ଇତିହାସ ରଚିଥିଲା ସ୍ବାଭିମାନ ଅଞ୍ଚଳ । ଲାଲ ଆତଙ୍କରୁ ମୁକ୍ତି ପାଇଁ ଅଣ୍ଟା ଭିଡିଥିଲେ ଆଦିବାସୀ ମହିଳା । ଆଉ ଏହି ମହିଳା ମାନେ ଯୋଡ଼ାମ୍ବ ପଞ୍ଚାୟତର ଜନ୍ତୁରାଇ ଆସିଥିବା ମାଓବାଦୀଙ୍କୁ ସିଧାସଳଖ ଆକ୍ରମଣ କରିଥିଲେ । 

ଅଧିକ ପଢନ୍ତୁ ଓଡ଼ିଶା ଖବର

ଯାହା ଫଳରେ ଜଣେ ହାର୍ଡକୋର ମାଓବାଦୀ ଆଡ଼ମାର ଘଟଣାସ୍ଥଳରେ ମୃତ୍ୟୁ ହୋଇଥିଲା । ଅନ୍ୟ ଜଣେ ମାୱାଦୀ ଜିପ୍ରୋ ଗୁରୁତର ଆହତ ହୋଇଥିଲା । ପରେ BSF ପକ୍ଷରୁ ଗାଁ ଲୋକଙ୍କୁ ସୁରକ୍ଷା ପ୍ରଦାନ କରାଯାଇଥିଲା । ସ୍ବାଭିମାନୀ ମହିଳାଙ୍କ ପାଇଁ ମାଓ ମୁକ୍ତ ହୋଇଥିଲା ସ୍ବାଭିମାନ ଅଞ୍ଚଳ । ଇତିହାସରେ ପ୍ରଥମ ଥର ପାଇଁ ମହିଳା ମାନେ ସାହସ ଦେଖାଇ ନିଜ ଅଞ୍ଚଳକୁ ମାଓ ମୁକ୍ତ କରିଥିଲେ । ପରେ ଗୋଟିଏ ପରେ ଗୋଟିଏ ଗଡ଼କୁ BSF ବାହିନୀ ଅକ୍ତିଆର କରିଥିବାବେଳେ ବର୍ତ୍ତମାନ ସମ୍ପୂର୍ଣ୍ଣ ସ୍ବାଭିମାନ ଅଞ୍ଚଳ ମାଓ ମୁକ୍ତ ହୋଇସାରିଛି ।