ଆତ୍ମସମର୍ପଣ କଲା ମୋଷ୍ଟ ଓ୍ବାଣ୍ଟେଡ୍‌ ମାଓ ନେତା ଶୁକ୍ରୁ । କନ୍ଧମାଳ ପୋଲିସ୍‌ ପାଖରେ ଶୁକ୍ରୁ ଆତ୍ମସମର୍ପଣ କରିଛି । ଏକେ-୪୭ ସହ ଶୁକ୍ରୁ ଆତ୍ମସମର୍ପଣ କରିଥିବା ସୂଚନା ମିଳିଛି । କେବଳ ଶୁକ୍ରୁ ନୁହଁନ୍ତି ତା' ସହ ଆଉ ୪ ଦୁର୍ଦ୍ଦାନ୍ତ ମାଓବାଦୀ ଆତ୍ମସମର୍ପଣ କରିଛନ୍ତି ।

କଳାହାଣ୍ଡି- କନ୍ଧମାଳ- ରାୟଗଡ଼ା ସୀମାନ୍ତରେ ଶୁକ୍ର ଲୁଚିଥିଲା । ଜିଲ୍ଲା ପୋଲିସକୁ ଚକମା ଦେବାକୁ ସୀମାନ୍ତରେ ଲୁଚି ଲୁଚି ରହୁଥିଲା । ମାର୍ଚ୍ଚ ୩୧ ସୁଦ୍ଧା ଶୁକ୍ରକୁ ଧରିବାକୁ ରହିଥିଲା ଟାର୍ଗେଟ୍ । କିଛି ଦିନ ତଳେ ସାଥୀ ମାଓବାଦୀକୁ ହତ୍ୟା କରିଥିଲା ଶୁକ୍ରୁ । ଆତ୍ମସମର୍ପଣ କରିବାକୁ ଚାହୁଁଥିବା ମାଓବାଦୀଙ୍କୁ ହତ୍ୟା କରିଥିବାର ଅଭିଯୋଗ ହୋଇଥିଲା ।

ସାଥୀ ମାଓବାଦୀ କମାଣ୍ଡର ଅନ୍ୱେଷକୁ ଗଳାକାଟି ସେ ପୋତି ଦେଇଥିଲା । ଶୁକ୍ରୁର ଘର ମାଲକାନଗିରି ଜିଲ୍ଲାରେ । ସେ କିନ୍ତୁ କନ୍ଧମାଳ ଜିଲ୍ଲାରେ ବେଶ୍‌ ସକ୍ରିୟ ରହିଥିଲା । ସେ ମାଓବାଦୀଙ୍କ ଜୋନାଲ କମାଣ୍ଡର ଭାବେ କାମ କରୁଥିଲା । ଏଇଟ୍‌ଥ କମ୍ପାନୀ ନାଁରେ ନୂଆ ସଂଗଠନ ଚଳାଇଥିଲା ଶୁକ୍ରୁ । ଶୁକ୍ରୁକୁ ଧରାଇ ଦେବା ପାଇଁ ୫୫ ଲକ୍ଷର ପୁରସ୍କାର ଥିଲା। ଶୁକ୍ରୁ ଧରାପଡ଼ିବା ପରେ ରାଜ୍ୟର ଲାଲ ସଂଗଠନ ଶେଷ ହୋଇଯାଇଛି ବୋଲି ଅନେକ କହିଛନ୍ତି । ମାଓମୁକ୍ତ ଦେଶ ପାଇଁ ମାର୍ଚ୍ଚ ୩୧ ଡେଡଲାଇନ୍ ରହିଥିଲା । ଏହା ପୋଲିସର ବଡ଼ ସଫଳତା ବୋଲି କହିଛନ୍ତି ଆଣ୍ଟି ନକ୍ସଲ ଅପରେସନ ଏଡିଜି ସଞ୍ଜୀବ ପଣ୍ଡା ।

ଏଥିସହ ପଢ଼ନ୍ତୁ: ବଲାଙ୍ଗିର ଓ ବରଗଡ଼ ଜିଲ୍ଲାକୁ ନକ୍ସଲ ମୁକ୍ତ ଘୋଷଣା କଲେ ପୋଲିସି ଡିଜି