୧୨ ଲକ୍ଷ ଟଙ୍କାର ଗାଡ଼ି ଛାଡ଼ି ପଳାଇଲେ ଲୁଟେରା
ଅର୍ଗସ ବ୍ୟୁରୋ : ୧୨ ଲକ୍ଷ ଟଙ୍କାର ଗାଡି ନେଇ ଆସି ଲୁଟ କରିଲେ । ଆଉ ଲୁଟ କରିବା ପରେ ପୋଲିସ ହାବୁଡ଼ରୁ ବଞ୍ଚିବା ପାଇଁ ବାଟ ହୁଡ଼ିଗଲେ । ଶେଷରେ ଆନ୍ତଃ ରାଜ୍ୟ ଲୁଟେରାଙ୍କ ବାଟ ଓଗାଳିଲା ନଦୀ ଉପର ବାଉଁଶ ପୋଲ । ବାଉଁଶ ପୋଲ ଉପରେ ଗାଡି ଛାଡି ଫେରାର ହୋଇଗଲେ ଲୁଟେରା । ଏଭଳି ଘଟଣା ଘଟିଛି ଖୁଣ୍ଟା ଥାନା ରାଣୀବନ୍ଧ ଗଙ୍ଗାହାର ପୋଲ ଉପରେ ।
ଅଧିକ ପଢନ୍ତୁ ଓଡ଼ିଶା ଖବର
ଗଙ୍ଗାହାର ବାଉଁଶ ପୋଲ ଉପରେ ଗାଡି ନ ପାର କରି ଲୁଟେରାମାନେ ଏକ ବ୍ରିଜା ଗାଡି ଛାଡି ଫେରାର ହୋଇଯାଇଛନ୍ତି । ବ୍ରିଜା ଗାଡିରେ ରହିଛି ଗ୍ୟାସ କଟର, ସ୍ପ୍ରେ ଏବଂ ମାସ୍କ, ତତସହିତ ରହିଛି ଲୁଟେରାଙ୍କ ପିନ୍ଧା ପ୍ୟାଣ୍ଟସାର୍ଟ । ଗତକାଲି ରାତିରେ ସୋର ଥାନା ଅଞ୍ଚଳର ୨ ଗୋଟି ଏଟିଏମରୁ ଲୁଟ ହୋଇଥିବା ବେଳେ ବୋଧ ହୁଏ ଏହି ଆନ୍ତରାଜ୍ୟ ଲୁଟେରାମାନେ । ସେଠାରୁ ଲୁଟ କରି ଖସି ଆସିଥିଲେ ଏବଂ ବାଟ ଭୁଲି ବାଉଁଶ ପୋଲ ଉପରେ ଗାଡି ଚଢାଇ ଦେଇଥିଲେ । ହେଲେ ଗାଡି ନ ପାର ହେବାରୁ ଗାଡି ଛାଡି ୫ ରୁ ଅଧିକ ଲୁଟେରା ଖସି ଯାଇଛନ୍ତି ।
📱 Get Argus News App
✨ଏହା ସହିତ ଏହି ଲୁଟେରାଙ୍କ ଅନ୍ୟ ଏକ ଦଳ ଏକ ବୋଲେରୋ ଗାଡିରେ ମଧ୍ୟ ରହିଥିବା ବେଳେ ଗତକାଲି ରାତିରେ ପୋଲିସ ଉଭୟ ଗାଡିକୁ ଧରିବାକୁ ଚେଷ୍ଟା କରିଥିବା ବେଳେ ଲୁଟେରାମାନେ ପୋଲିସକୁ ଚକମା ଦେଇ ଖସି ଯାଇଛନ୍ତି । ଲୁଟେରାମାନେ ବ୍ୟବହାର କରିଥିବା ବ୍ରିଜା ଗାଡିର ନମ୍ବର ଝାଡ଼ଖଣ୍ଡ ଅଞ୍ଚଳର ହୋଇଥିବାରୁ ଲୁଟେରା ମାନେ ଆନ୍ତଃରାଜ୍ୟ ଲୁଟେରା ହୋଇଥିବା ଏବଂ ଏଟିଏମ ଲୁଟ କରୁଥିବା ପୋଲିସ ଅନୁମାନ କରିଛି । ଖୁଣ୍ଟା ପୋଲିସ ଗାଡିକୁ ଜବତ କରି ଥାନାକୁ ଆଣି ତଦନ୍ତ ଆରମ୍ଭ କରିଛି ।