ଭୁବନେଶ୍ଵର: ଡିଜିଟାଲ୍ ବା ଅନଲାଇନ୍ ପ୍ଲାଟଫର୍ମରେ ଔଷଧ ବିକ୍ରିକୁ ବିରୋଧ । ଆସନ୍ତାକାଲି ମେ ୨୦ରେ ଦେଶବ୍ୟାପୀ ଦିଆଯାଇଛି ବନ୍ଦ ଡାକରା । ଫଳରେ ରାଜ୍ୟରେ କାଲି ୨୪ ଘଣ୍ଟା ପାଇଁ ସମସ୍ତ ଔଷଧ ଦୋକାନ ବନ୍ଦ ରହିପାରେ ।

ଉତ୍କଳ କେମିଷ୍ଟ୍ସ ଆଣ୍ଡ ଡ୍ରଗିଷ୍ଟ୍ସ ଆସୋସିଏସନ୍‌ ମଧ୍ୟ ରାଜ୍ୟବ୍ୟାପୀ ଔଷଧ ଦୋକାନ ବନ୍ଦ ରଖିବାକୁ ଘୋଷଣା କରିଛି । ଘୋଷଣା ଅନୁସାରେ, ଆଜି ମଧ୍ୟ ରାତ୍ରୀରୁ ଆସନ୍ତାକାଲି ମଧ୍ୟ ରାତ୍ରୀ ପର୍ଯ୍ୟନ୍ତ ରାଜ୍ୟର ପ୍ରାୟ ୩୦ ହଜାର ଔଷଧ ଦୋକାନ ବନ୍ଦ ରହିପାରେ ।

ଏଥିସହ ପଢ଼ନ୍ତୁ: ୪୫ ଡିଗ୍ରୀ ମୁହାଁ ହେବ ପାରଦ; ତାତି ଭିତରେ ତାଣ୍ଡବ ରଚିବ କାଳବୈଶାଖୀ 

ଦେଶବ୍ୟାପୀ ଔଷଧ ଦୋକାନ ବନ୍ଦ ଡାକରା ଦେଇଛି ଅଲ୍ ଇଣ୍ଡିଆ ଅର୍ଗାନାଇଜେସନ୍ ଅଫ୍ କେମିଷ୍ଟ୍ସ ଆଣ୍ଡ ଡ୍ରଗିଷ୍ଟ୍ସ। ବୁଧବାର ମେଡିସିନ୍ ଷ୍ଟୋର୍ ବନ୍ଦ ଡାକରା ଦିଆଯାଇଥିବା ବେଳେ ଏହି ସମୟରେ ଜରୁରୀକାଳୀନ ଔଷଧ ସେବା ଯୋଗାଇ ଦିଆଯିବ ବୋଲି କୁହାଯାଇଛି ।

ଆସନ୍ତାକାଲି ମେ ୨୦ରେ ଔଷଧ ଦୋକାନ ବନ୍ଦ ଡାକରାକୁ ଦୃଷ୍ଟିରେ ରଖି ସମସ୍ତ ଡ୍ରଗ୍ସ ଇନ୍ସପେକ୍ଟର, ସହକାରୀ ଡ୍ରଗ୍ସ ନିୟନ୍ତ୍ରକଙ୍କ ରାଜ୍ୟ ଡ୍ରଗ୍ସ କଣ୍ଟ୍ରୋଲର ନିର୍ଦ୍ଦେଶନାମା ଜାରି କରିଛନ୍ତି । ଏହି ସମୟରେ ଲୋକ ଯେଭଳି ଔଷଧ ପାଇପାରିବେ ସେଥିପାଇଁ ନିର୍ଦ୍ଦେଶନାମା ଜାରି କରାଯାଇଛି ।

1. ଆପଣଙ୍କ ସମ୍ପୃକ୍ତ କ୍ଷେତ୍ରରେ ଅତ୍ୟାବଶ୍ୟକ ଏବଂ ଜୀବନ ରକ୍ଷାକାରୀ ଔଷଧର ଉପଲବ୍ଧତା ଏବଂ ଯୋଗାଣ ଉପରେ କଡ଼ା ନଜର ରଖନ୍ତୁ ।
   
2. ନିଶ୍ଚିତ କରନ୍ତୁ ଯେ ଡାକ୍ତରଖାନା ଏବଂ କ୍ଲିନିକାଲ୍ ପ୍ରତିଷ୍ଠାନ ସହିତ ସଂଲଗ୍ନ ସମସ୍ତ ଇନ-ହାଉସ୍ ଫାର୍ମାସି/ଦୋକାନ, ଯେଉଁଥ‌ିରେ 24x7 ଔଷଧ ଦୋକାନ ମଧ୍ୟ ସାମିଲ ଅଛି, ଜନସାଧାରଣଙ୍କ ଚାହିଦା ପୂରଣ କରିବା ପାଇଁ ପର୍ଯ୍ୟାପ୍ତ ଅତିରିକ୍ତ କର୍ମଚାରୀଙ୍କ ସହିତ କାର୍ଯ୍ୟକ୍ଷମ ରହିବ ।
   
3. ଆବଶ୍ୟକ ସ୍ଥଳେ ଜିଲ୍ଲା ପ୍ରଶାସନ ଏବଂ ସ୍ଥାନୀୟ ପୋଲିସ କର୍ତ୍ତୃପକ୍ଷଙ୍କ ସହ ପରାମର୍ଶ କରି ଉଦ୍ଦିଷ୍ଟ ରସାୟନ ବିକ୍ରୟ ଦୋକାନ ଖୋଲିବା ଏବଂ ପରିଚାଳନାକୁ ସହଜ କରନ୍ତୁ ।
   
4. ବନ୍ଦ ପୂର୍ବରୁ ଖୁଚୁରା ବ୍ୟବସାୟୀମାନଙ୍କୁ ଔଷଧର ପର୍ଯ୍ୟାପ୍ତ ଆଗୁଆ ଯୋଗାଣ ସୁନିଶ୍ଚିତ କରିବା ପାଇଁ ହୋଲସେଲର ଏବଂ ବିତରକମାନଙ୍କ ସହିତ ସମନ୍ଵୟ ସ୍ଥାପନ କରନ୍ତୁ ।
   
5. ବନ୍ଦ ଯୋଗୁଁ ଉପୁଜିଥ‌ିବା ଜରୁରୀକାଳୀନ ପରିସ୍ଥିତିରେ ଔଷଧର ନିରବଚ୍ଛିନ୍ନ ବଣ୍ଟନ ଏବଂ ବଣ୍ଟନକୁ ସହଜ କରିବା ପାଇଁ ସ୍ଥାନୀୟ ରସାୟନ ବିକ୍ରେତା ସଂଘ ସହିତ ସୌହାର୍ଦ୍ଦପୂର୍ଣ୍ଣ ଯୋଗାଯୋଗ ବଜାୟ ରଖନ୍ତୁ।
   
6. ମଧୁମେହ, ଉଚ୍ଚ ରକ୍ତଚାପ, ଆସ୍ଥମା, ହୃଦରୋଗ, କର୍କଟ ଏବଂ ଅନ୍ୟାନ୍ୟ ଗୁରୁତର ରୋଗରେ ଆକ୍ରାନ୍ତମାନଙ୍କୁ ଔଷଧର ଆଗୁଆ ବଣ୍ଟନ ନିଶ୍ଚିତ କରିବା ।
   
7. ଔଷଧ ଯୋଗାଣ ଶୃଙ୍ଖଳାରେ କୌଣସି ବିଭ୍ରାଟ କିମ୍ବ ସମସ୍ୟା ସମ୍ପର୍କରେ ଉଚ୍ଚ କର୍ତ୍ତୃପକ୍ଷଙ୍କୁ ରିଅଲ୍-ଟାଇମ୍ ରିପୋର୍ଟ ଦାଖଲ କରିବା । ଜନସ୍ଵାସ୍ଥ୍ୟର ସୁରକ୍ଷା ଏବଂ ଔଷଧର ନିରବଚ୍ଛିନ୍ନ ଉପଲବ୍ଧତା ସୁନିଶ୍ଚିତ କରିବା ପାଇଁ ତୁରନ୍ତ ଏବଂ ଆବଶ୍ୟକୀୟ ପଦକ୍ଷେପ ନେବାକୁ ନିର୍ଦ୍ଦେଶ ଦିଆଯାଇଛି ।

ଏଥିସହ ପଢ଼ନ୍ତୁ: ମାଫିଆଙ୍କ ଘରେ ପୋଲିସର ଚଢାଉ, ବିଜେଡି ରାଜ୍ୟ ସମ୍ପାଦକ ରତିକାନ୍ତ ରାଉତଙ୍କ ଘରେ ମଧ୍ୟ ଚଢାଉ