ପୁଣି ରିଲ୍ସ କରି ଚାଲିଗଲା ଆଉ ଏକ ନାବାଳକର ଜୀବନ । ସାହାସିକତା ଦେଖାଇ ରିଲ୍ସ କରିବାର ନିଶା ପଡିଲା ମହଙ୍ଗା । ଆଉ ମାତ୍ର କେଇ ସେକେଣ୍ଡରେ ସବୁ କିଛି ଓଲଟ ପାଲଟ ହୋଇଗଲା । ଯେଉଁ ଭିଡିଓ ଦେଖିଲେ ଆପଣଙ୍କ ଛାତି ବି ଥରି ଉଠିବ ।

ଏହି ନାବାଳକ ଜଣକ ହେଉଛନ୍ତି ପୁରୀ ଵାସେଳି ସାହି ମଙ୍ଗଳାଘାଟର ବିଶ୍ବଜିତ ସାହୁ । ମା ଦକ୍ଷୀଣକାଳିଙ୍କୁ ଦର୍ଶନ କରି ଫେରିବା ପରେ ଚନ୍ଦନପୁର ଥାନା ଅଧିନ ଜାନକାଦେଇପୁର ଷ୍ଟେସନରେ ଏପରି ଭିଡିଓ କରିଥିଲେ । ତାଙ୍କ ସହ ଥିଲେ ଆଉ ଜଣେ ନାବାଳକ ଯିଏ ତାଙ୍କ ଭିଡିଓ କରୁଥିଲେ ।

ଅଧିକ ପଢନ୍ତୁ : ମେଳାରୁ ଫେରୁଥିବାବେଳେ ଧକ୍କା ଦେଲା ଟ୍ରେନ: ୪ ଜଣଙ୍କର ମୃତ୍ୟୁ

ରେଳ ଧାରଣାରେ ଛିଡା ହୋଇ ରିଲ୍ସ କରୁଥିବା ସମୟରେ ଦ୍ରୁତଗତିରେ ଆସୁଥିବା ଟ୍ରେନ ହଠାତ ପଛପଟୁ ଧକ୍କା ଦେଇଥିଲା ଟ୍ରେନ । ଯାହାଦ୍ଵାରା ତାଙ୍କ ପଛ ମୁଣ୍ଡରେ ଖୁବ ଜୋରରେ ଆଘାତ ଲାଗିଥିଲା । ଆଉ ତାଙ୍କ ଜୀବନ ଚାଲି ଯାଇଥିଲା ।

ଅଧିକ ପଢନ୍ତୁ : ରାସନ କାର୍ଡ ହିତାଧିକାରୀଙ୍କ ପାଇଁ ଖୁସି ଖବର: ଏମାନଙ୍କୁ ୫ କେଜି ଅଧିକ ଚାଉଳ ମିଳିବ

ତେବେ ଗାଁ ତଥା ଆଖପାଖ ଲୋକଙ୍କ କହିବା ମୁତାବକ ସେହି ନାବାଳକ ଜଣକ ଅନେକ ସମୟରେ ରିଲ୍ସ କରିଥାନ୍ତି । ବିଭିନ୍ନ ସ୍ଥାନକୁ ଯାଇଁ ରିଲ୍ସ କରିବାର ନିଶା ତାଙ୍କର ଥାଏ । ତେବେ ବର୍ତ୍ତମାନ ସେହି ନାବଳକ ଜଣକଙ୍କ ପାଖରେ ଥିବା ଅନ୍ୟ ନାବାଳକଙ୍କର କୌଣସି ପ୍ରତିକ୍ରିୟା ମିଳିପାରିନାହିଁ । ପୋଲିସ ଏନେଇ ଘଟଣାର ସଠିକ ତଦନ୍ତ କରୁଛି ।

ରିଲ୍ସ ନିଶା ଯୁବପିଢୀଠାରୁ ନେଇ ପିଲାଯାଏଁ ସମସ୍ତଙ୍କୁ ଘାରିଛି । ଅଧିକ ଲୋକପ୍ରିୟତା ହାସଲ କରିବା ନିଶାରେ ଅନେକ ବିପଦପୂର୍ଣ୍ଣ ସ୍ଥାନରେ କରୁଛନ୍ତି ରିଲ୍ସ । ଯେଉଁଥିରେ ଛୋଟଛୋଟ ପିଲାମାନେ ମଧ୍ୟ ଏମିତି ସ୍ଥାନରେ ରିଲ୍ସ କରିବାକୁ ପଛାଉ ନାହାନ୍ତି ।