ପ୍ରଫୁଲ୍ଲ ସାମଲଙ୍କ ପୁଅ ପ୍ରୟାସକାନ୍ତିଙ୍କୁ ୧୭ ଘଣ୍ଟା ଘାଣ୍ଟିଲା ଇଡି

ଅର୍ଗସ ବ୍ୟୁରୋ : ବିଧାୟକ ପ୍ରଫୁଲ୍ଲ ସାମଲଙ୍କ ପୁଅ ପ୍ରୟାସକାନ୍ତିଙ୍କୁ ଇଡିର ମାରାଥନ୍ ଜେରା । ବରପଦା ଇଞ୍ଜିନିୟରିଂ କଲେଜ ଦୁର୍ନୀତି ନେଇ ଦୀର୍ଘ ୧୭ ଘଣ୍ଟା ଜେରା କରି ଘାଣ୍ଟିଲା ଇଡି । ଗତକାଲି ଦିନ ୧୦ଟାରେ ଇଡିରେ ହାଜର ହୋଇଥିଲେ ପ୍ରୟାସକାନ୍ତି । ଆଜି ଭୋର୍ ସାଢେ ୪ଟାରେ  ଇଡି ଅଫିସରୁ ବାହାରିଛନ୍ତି । 

ଦୀର୍ଘ ଘଣ୍ଟାର ଜେରାରେ ପ୍ରୟାସକାନ୍ତିଙ୍କଠୁ ୩ଟି ମୋବାଇଲ୍ ଜବତ କରି ସେଥିରୁ ଡାଟା ରିକୋଭରୀ କରିଛି ଇଡି । ଆଉଥରେ ପଚରାଉଚରା ପାଇଁ ପ୍ରୟାସକାନ୍ତିଙ୍କୁ ଡାକିପାରେ ଇଡି ।  ବରପଦା ଇଞ୍ଜିନିୟରିଂ କଲେଜ ଜମି ମାମଲାରେ ବିଧାୟକ ପ୍ରଫୁଲ୍ଲ ସାମଲ ଓ ତାଙ୍କ ପୁଅ ପ୍ରୟାସକାନ୍ତିଙ୍କୁ ଇଡିରେ ହାଜର ହେବାକୁ ନୋଟିସ୍ ହୋଇଥିଲା । 

ଅଧିକ ପଢନ୍ତୁ ଓଡ଼ିଶା ଖବର

ପ୍ରଥମେ ବାପା ପ୍ରଫୁଲ୍ଲ ସାମଲ ହାଜର ହୋଇଥିଲାବେଳେ ତାଙ୍କୁ ୮ ଘଣ୍ଟା ଜେରା କରିଥିଲା ଇଡି । ପରେ ଗତକାଲି ପୁଅ ପ୍ରୟାସକାନ୍ତି ହାଜର ହୋଇଥିଲେ । ପୂର୍ବରୁ ପ୍ରବର୍ତ୍ତନ ନିର୍ଦ୍ଦେଶାଳୟର ଟିମ୍ ବରପଦା ଇଂଜିନିୟରିଂ କଲେଜ ଜମି ଦୁର୍ନୀତି ମାମଲାରେ ଚଢ଼ଉ କରିଥିଲା । ଭୁବନେଶ୍ବର ଓ ଭଦ୍ରକର ଏକାଧିକ ସ୍ଥାନରେ ପ୍ରବର୍ତ୍ତନ ନିର୍ଦ୍ଦେଶାଳୟର ଟିମ୍ ଚଢ଼ଉ କରିଥିଲେ । ଏହି ସମୟରେ ଇଡି ଗୋଟିଏ କାର ସହ ୯ ଲକ୍ଷ ଟଙ୍କା ଜବତ କରିଥିଲା ।