ଅର୍ଗସ ବ୍ୟୁରୋ : କାରଣ ଦର୍ଶାଅ ନୋଟିସର ଉତ୍ତର ରଖିଲେ ସୁର ରାଉତରାୟ । କହିଲେ ମୁଁ କୌଣସି ଦଳ ପାଇଁ ପ୍ରଚାର କରିବିନି । ପୁଅ ବିଜେଡିରୁ ପ୍ରାଥୀ ହୋଇଥିଲେ ବି ତା ପାଇଁ ପ୍ରଚାର କରି ନ ଥିବା ସୁର ଦର୍ଶାଇଛନ୍ତି । କିଛି କାର୍ଯ୍ୟକ୍ରମକୁ ଯାଇଥିବା ବେଳେ ବିଜେଡି ନେତା ଓ ପୁଅ ମନ୍ମଥ ସେଠି ପହଞ୍ଚିଥିଲେ ବୋଲି କହିଛନ୍ତି ସୁର । ସେ କଂଗ୍ରେସ ପାଇଁ ବିଭିନ୍ନ ଅଞ୍ଚଳରେ ପ୍ରଚାର କରିଛନ୍ତି । ହେଲେ ପୁଅ ପାଇଁ ଭୋଟ୍ ଦେବାକୁ ଲୋକଙ୍କୁ କହିଛି ବୋଲି ସୁର କହିଛନ୍ତି ।

ଗୋଟେ ପଟେ ବିଜେଡି ପାଇଁ ପ୍ରଚାର କରିନଥିବା ସୁର କହୁଥିବା ବେଳେ କିନ୍ତୁ ଅନ୍ୟପଟେ ସାନ ପୁଅ ମନ୍ମଥ ଯିଏ ବିଜେଡିରୁ ଭୁବନେଶ୍ୱର ଲୋକସଭା ପ୍ରାର୍ଥୀ ତାଙ୍କ ପାଇଁ ପ୍ରଚାର କରିଥିବା କହିଛନ୍ତି । ଯିଏ ପଚାରିଲେ ପୁଅକୁ ଭୋଟ୍ ଦେବାକୁ କହିଥିବା ସେ କହିଛନ୍ତି ।

ଅଧିକ ପଢନ୍ତୁ ଓଡ଼ିଶା ଖବର

ବିଭିନ୍ନ ସମୟରେ ସୁର ବିଜେଡି ପାଇଁ ପ୍ରଚାର କରୁଥିବା ଅଭିଯୋଗ ଆସିବା ପରେ ଗତକାଲି ସୋ' କଜ୍ ନୋଟିସ୍ ପଠାଇଥିଲା ପିସିସି । କାରଣ ଦର୍ଶାଅ ନୋଟିସରେ ଉଲ୍ଲେଖ ଅଛି ଯେ, ବିଜେଡିରେ ଯୋଗ ଦେଇଥିବା ଏବଂ ବିଜେଡି ପକ୍ଷରୁ ନିର୍ବାଚନ ଲଢ଼ୁଥିବା ପୁଅଙ୍କ ସପକ୍ଷରେ ଭୋଟ୍ ପ୍ରଚାର କରିବେ ବୋଲି ବିଭିନ୍ନ ଗଣମାଧ୍ୟମରେ ପ୍ରକାଶ କରିଛନ୍ତି ସୁରେଶ ରାଉତରାୟ ।

Argus News | argus news | Odisha Latest News, Breaking News, Trending News, Live TV