RBI Data Centre / 'ମାଇନ୍ସରୁ ମାଇକ୍ରୋଚିପ୍ସ, ନୂଆ ଭବିଷ୍ୟତ ଲେଖୁଛି ଓଡ଼ିଶା': ପ୍ରଧାନମନ୍ତ୍ରୀ ନରେନ୍ଦ୍ର ମୋଦି

ଭୁବନେଶ୍ଵର: RBIର ଡାଟା ସେଣ୍ଟର ଉଦଘାଟନ କରି ଦେଶବାସୀଙ୍କୁ ସମ୍ବୋଧନ କରିଛନ୍ତି ପ୍ରଧାନମନ୍ତ୍ରୀ । 'ଜୟ ଜଗନ୍ନାଥ'ରୁ ଅଭିଭାଷଣ ଆରମ୍ଭ କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି, "ମହାପ୍ରଭୁଙ୍କ ଆଶୀର୍ବାଦରେ ଭୁବନେଶ୍ଵର ନୂଆ ଭାରତକୁ ଏକ ନୂଆ ସଂସ୍ଥା ଦେଇଛି । ଏଠି RBIର ଡାଟା ସେଣ୍ଟର ସହ ସାଇବର ସିକ୍ୟୁରିଟି ଟ୍ରେନିଂ ଇନଷ୍ଟିଚ୍ୟୁଟ୍ ଓଡ଼ିଶା ଓ ଦେଶର ଲୋକଙ୍କ ପାଇଁ ହିତକାରୀ ହେବ ।"

ପ୍ରଧାନମନ୍ତ୍ରୀ ମୋଦି ଆହୁରି କହିଛନ୍ତି, "ସରକାରଙ୍କ ଫୋକସ୍ ବିକାଶର ପ୍ରାଥମିକତା । ବିକାଶ ଯେଭଳି ସମାଜର ଅନ୍ତିମ ଲୋକ ପର୍ଯ୍ୟନ୍ତ ପହଞ୍ଚିବ ତାହାକୁ ଆମେ ପ୍ରାଥମିକତା ଦେଉଛୁ । ସ୍ଵାଧୀନତା ପରେ ଦେଶର ବଡ଼ ସହରର ବିକାଶ ସହ ବଡ଼ ସଂସ୍ଥା ଗଢ଼ା ହୋଇଛି । କିନ୍ତୁ, ଦେଶର ଏକ ବଡ଼ ଭୂଖଣ୍ଡ ଭିତ୍ତିଭୂମି ପାଇଁ ଅପେକ୍ଷାରତ ଥିଲା ।"

ଏଥିସହ ପଢ଼ନ୍ତୁ: ଜଟଣୀରେ RBI ଡାଟା ସେଣ୍ଟରର ଉଦ୍‌ଘାଟନ କଲେ ପ୍ରଧାନମନ୍ତ୍ରୀ ମୋଦି; ଜାଣନ୍ତୁ କିଭଳି ମିଳିବ ଲାଭ ? 

ଛୋଟ ସହର ଓ ଅନ୍ୟ ଅଞ୍ଚଳରେ ଏହାର ସୁବିଧା ନଥିଲା । ଚିକିତ୍ସା ପାଇଁ ବହୁତ ଦୂରକୁ ଯାତ୍ରା କରିବାକୁ ପଡ଼ୁଥିଲା । ଅନେକ ଗାଁରେ ସଡ଼କ, ବିଦ୍ୟୁତ୍‍ ପାଣି ଭଳି ମୌଳିକ ସୁବିଧା ପହଞ୍ଚାଇବା ଆହ୍ଵାନପୂର୍ଣ୍ଣ ଥିଲା । ଆମେ ସେହି ବିଚାରଧାରାକୁ ବଦଳାଇବାକୁ ପ୍ରୟାସ କରି ଲୋକଙ୍କ ସହ ଯୋଡ଼ି ହୋଇଥିଲୁ । ଆମ ପାଇଁ ବିକାଶର ଅର୍ଥ ଭାରତର ସନ୍ତୁଳିତ ବିକାଶ ବୋଲି କହିଛନ୍ତି ପ୍ରଧାନମନ୍ତ୍ରୀ ।

ଯେଉଁଥିରେ ଗାଁ, ଛୋଟ ସହରକୁ ପ୍ରାଥମିକତା ଦିଆଯାଉଛି । ଗରିବ ପରିବାରକୁ ସମ୍ମାନ ସହ ଜୀବନ ଜିଇଁବାର ସୁବିଧା ଦେବା । ପ୍ରତ୍ୟେକ ନାଗରିକଙ୍କୁ ବିଶ୍ଵାସ ଦେବା ସେମାନେ ବିକାଶ ଯାତ୍ରାରେ ପଛରେ ନାହାନ୍ତି ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି ।

୨୦୧୪ ସୁଦ୍ଧା ଦେଶର ଅର୍ଦ୍ଧାଧିକ ଜନସଂଖ୍ୟା ବ୍ୟାଙ୍କିଂ ବ୍ୟବସ୍ଥାରୁ ବାହାରେ ଥିଲେ । ବ୍ୟାଙ୍କ ଲୋନ୍ ମଧ୍ୟବିତ୍ତଙ୍କ ପାଇଁ ସ୍ଵପ୍ନ ଥିଲା । ଗରିବ, ଚାଷୀ, ଭୂମିହୀନ ଋଣ ବାବଦରେ ଭାବି ପାରୁନଥିଲେ । ଏବେ ଭାରତରେ ଡିଜିଟାଲ୍ ବ୍ୟାଙ୍କିଂ ୨୪ ଘଣ୍ଟା ସେବା ସହ ଯୋଡ଼ି ପାରିଛି ।

କଂଗ୍ରେସକୁ ଟାର୍ଗେଟ୍

୨୦୧୪ ପୂର୍ବରୁ ଏକ ଭିନ୍ନ ଫୋନ୍ ବ୍ୟାଙ୍କିଂ ଦୁନିଆ ଥିଲା । ସେତେବେଳେ କଂଗ୍ରେସର କିଛି ଲୋକଙ୍କୁ ଫୋନ୍ ବ୍ୟାଙ୍କିଂ ମାଧ୍ୟମରେ ହଜାର କୋଟି କୋଟି ବ୍ୟାଙ୍କ ଋଣ ଦିଆ ଯାଉଥିଲା । ସେତେବେଳେ ଜଣେ ଗରିବ ଲୋକ ବ୍ୟାଙ୍କ ଖାତା ଖୋଲିବା ଲାଗି ଗ୍ୟାରେଣ୍ଟର ଆବଶ୍ୟକତା ଥିଲା । ସେତେବେଳେ କଂଗ୍ରେସର ଫୋନ୍ ବ୍ୟାଙ୍କିଂ ସ୍କିମ୍ ଧନୀଙ୍କ ପାଇଁ ହଜାର ହଜାର କୋଟି କୋଟି ଟଙ୍କା ସବୁବେଳେ ଉପଲବ୍ଧ ଥିଲା । ଯେଉଁଥିପାଇଁ ଭାରତର ବ୍ୟାଙ୍କିଂ ବ୍ୟବସ୍ଥା ଧ୍ଵଂସ ମୁହଁରେ ପହଞ୍ଚିଥିଲା ।

#WATCH | Bhubaneswar, Odisha: PM Narendra Modi says, "It was from the soil of Odisha that a former Prime Minister of the country once said that for every rupee sent from Delhi, only 15 paise actually reached the people. That was a statement made by a Prime Minister. Now, when a rupee is sent from Delhi, the entire amount reaches the bank account of the intended beneficiary...This is the same country where debit and credit cards were once considered the exclusive domain of the wealthy. Today, they are accessible to every citizen. Millions of credit and debit cards have been issued across the nation..." (ANI)

— Argus News (@ArgusNews_in) October 25, 2026

ଡିଜିଟାଲ୍ ଇଣ୍ଡିଆର ଇକୋସିଷ୍ଟମ ଏବେ ବ୍ୟାଙ୍କିଂକୁ ସବୁ ନାଗରିକଙ୍କ ପାଖରେ ପହଞ୍ଚାଇଛି । ଆଜି ଭାରତର ବ୍ୟାଙ୍କିଂ ବ୍ୟବସ୍ଥା ଦୁନିଆର ଅନ୍ୟତମ ସଶକ୍ତ ବ୍ୟାଙ୍କି ସିଷ୍ଟମ ମଧ୍ୟରୁ ଅନ୍ୟତମ । ପୂର୍ବରୁ ଫୋନ୍ ବ୍ୟାଙ୍କିଂ କେବଳ ଦିଲ୍ଲୀର ଖାସ୍ ପରିବାର ପାଖରେ ସୀମିତ ଥିଲା, ଏବେ ଡିଜିଟାଲ୍ ବ୍ୟାଙ୍କିଂ ଯୋଗୁଁ ଦେଶର ସବୁ ପରିବାର ଲାଭ ପାଉଛନ୍ତି ।

ମାଇନ୍ସରୁ ମାଇକ୍ରୋଚିପ୍ସ

ପୂର୍ବ ଭାରତ ବିକଶିତ ଭାରତର ସଶକ୍ତ ଅଭିବୃଦ୍ଧି ଇଞ୍ଜିନ୍ । ଓଡ଼ିଶାରେ ଡବଲ୍ ଇଞ୍ଜିନ୍ ସରକାର ହେବା ପରେ ବିକାଶକୁ ନୂଆ ଗତି ମିଳିଛି । ଓଡ଼ିଶାର ଅର୍ଥ ବ୍ୟବସ୍ଥା ପ୍ରାକୃତିକ ସମ୍ବଳ ସହ ଟେକ୍ନୋଲୋଜିରେ ସଶକ୍ତ ହେଉଛି । ଖଣିଜ ଆଧାରିତ ଶିଳ୍ପର ସମ୍ପ୍ରସାରଣ ହେଉଛି । ଓଡ଼ିଶା ମାଇନ୍ସରୁ ମାଇକ୍ରୋଚିପ୍ସ ପର୍ଯ୍ୟନ୍ତ ନୂଆ ଭବିଷ୍ୟତ ଲେଖିବାକୁ ଯାଉଛି ।

ଏଥିସହ ପଢ଼ନ୍ତୁ: ଘଣ୍ଟା ପ୍ରତି ୫ କି.ମି. ବେଗରେ ଗତି କରୁଛି ଗଭୀର ଅବପାତ; ୨୬ ସକାଳେ ବାତ୍ୟା 

ଡାଟା ସେଣ୍ଟର ଫର୍ ଆଡଭାନ୍ସ କମ୍ପ୍ୟୁଟିଂରେ ନୂଆ ସମ୍ଭାବନା ସୃଷ୍ଟି ହୋଇଛି । ଓଡ଼ିଶାର ଯୁବକଙ୍କ ପାଇଁ ନୂଆ ଦ୍ଵାର ଖୋଲୁଛି । ଓଡ଼ିଶାର ଯୁବବର୍ଗଙ୍କୁ ଭରସା ଦେଉଛୁ, ଯୁବପିଢ଼ି ଦେଖିଥିବା ସ୍ଵପ୍ନ ନିଶ୍ଚିତ ପୂରଣ ହେବ ବୋଲି କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।