Odisha Politics / ଗଞ୍ଜାମ ବାସୀଙ୍କ ଦୁଃଖ ସମୟରେ ନାହିଁ ହିଞ୍ଜିଳି ବିଧାୟକ ନବୀନଙ୍କ ଦେଖା, ତେଜିଲା ଅସନ୍ତୋଷ

ବ୍ରହ୍ମପୁର: ଗଞ୍ଜାମ ଗଲେନି ନବୀନ, ଫୋନ୍‌ରେ ବୁଝିଲେ ସ୍ଥିତି । ଆକାଶମାର୍ଗରୁ ସ୍ଥିତି ଯାଞ୍ଚ ସହ ଗ୍ରାଉଣ୍ଡ ଜିରୋକୁ ଗଲେ ମୁଖ୍ୟମନ୍ତ୍ରୀ ମୋହନ ମାଝୀ । କିନ୍ତୁ ନବୀନଙ୍କ ଭରସା ଉପକୂଳିଆ ନେତାଙ୍କ ପ୍ରତିନିଧି ଦଳ । ଯାହାକୁ ନେଇ ନବୀନଙ୍କ ନିର୍ବାଚନ ମଣ୍ଡଳୀ ହିଞ୍ଜିଳିରେ ଦେଖିବାକୁ ମିଳିଛି ଅସନ୍ତୋଷ । ବିଜେଡି ପ୍ରତିନିଧି ଦଳକୁ ଘେରିଛନ୍ତି ସ୍ଥାନୀୟ ଲୋକେ ।

ଅର୍ଣ୍ଣବ ବାତ୍ୟାରେ ଛାରଖାର ଗଞ୍ଜାମ । ଗଞ୍ଜାମ ବାସୀଙ୍କ ଏହି ଦୁଃଖ ସମୟରେ ହିଞ୍ଜିଳି ବିଧାୟକ ତଥା ବିଜେଡି ସଭାପତି ନବୀନ ପଟ୍ଟନାୟକଙ୍କ ଦେଖା ନାହିଁ । ଅନ୍ୟ ପକ୍ଷରେ ଗ୍ରାଉଣ୍ଡକୁ ଯାଇ ନିଜେ ସ୍ଥିତି ପରଖିଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ।

ଏଥିସହ ପଢ଼ନ୍ତୁ: ବନ୍ୟା ବିପନ୍ନଙ୍କ ସହ ସରକାର; ୩୩%ରୁ ଅଧିକ ଫସଲ କ୍ଷତି, କ୍ଷତିଗ୍ରସ୍ତ ଘର ପାଇଁ ସହାୟତା ଘୋଷଣା 

ପ୍ରମିଳା ମଲ୍ଲିକଙ୍କ ନେତୃତ୍ୱରେ ବିଜେଡିର ପ୍ରତିନିଧି ଦଳର ଗଞ୍ଜାମ ଗସ୍ତ ବେଳେ ସୋରଡ଼ା ଏବଂ ଆସ୍କାରେ ଘେରିଛନ୍ତି ସାଧାରଣ ଲୋକେ । ଆମ ବିଧାୟକ କୋଉଠି ବୋଲି ପ୍ରଶ୍ନ କରିଛନ୍ତି ହିଞ୍ଜିଳିର ଜନତା । ବନ୍ୟା ବେଳେ ସ୍ଥାନୀୟ ଅଞ୍ଚଳରେ ଲୋକଙ୍କ ଅସନ୍ତୋଷ ସାମ୍ନାକୁ ଆସିଛି ।

ଗଞ୍ଜାମ ଜିଲ୍ଲାରେ ଏବେ ରାଜ୍ୟର ପୂରା ପ୍ରଶାସନ । ବର୍ଷା ଛାଡ଼ିବା କ୍ଷଣି ମୁଖ୍ୟମନ୍ତ୍ରୀ ଏବଂ ରାଜସ୍ବ ମନ୍ତ୍ରୀ ଗଞ୍ଜାମ ଗସ୍ତ କରି ସମୀକ୍ଷା କରିଥିଲେ । ଆଉ ମନ୍ତ୍ରୀ ବିଭୁତି ଜେନା, ଗୋକୁଳାନନ୍ଦ ମଲ୍ଲିକ ଲଗାତାର ଭାବେ ଗ୍ରାଉଣ୍ଡ ଜିରୋରେ ରହି ଲୋକଙ୍କ ଦୁଃଖ ବୁଝୁଛନ୍ତି ।

ଏଥିସହ ପଢ଼ନ୍ତୁ: ସୋମବାର ରାତିରୁ ମଙ୍ଗଳବାର ପାହାନ୍ତି ମଧ୍ୟରେ ସ୍ଥଳଭାଗ ଛୁଇଁବ ଭୀଷଣ ବାତ୍ୟା 'ମୁରାସୁ' 

ନିଲମ୍ବିତ କଂଗ୍ରେସ ବିଧାୟକ ରମେଶ ଜେନାଙ୍କ ଠାରୁ ଆରମ୍ଭ କରି ବିଜେପି ବିଧାୟକମାନେ ଗାଁକୁ ଗାଁ ବୁଲି ଲୋକଙ୍କ ଦୁଃଖ ସମୟରେ ଛିଡ଼ା ହେଉଛନ୍ତି । ସେପଟେ ବିଜେଡି ପ୍ରତିନିଧି ଦଳକୁ ଦେଖି ଲୋକେ ତାତିବ ପରେ ପ୍ରମିଳା କହିଛନ୍ତି ଆବଶ୍ୟକ ପଡ଼ିଲେ ନବୀନ ପଟ୍ଟନାୟକ ଆସିବେ ।

ବଡ଼ା କଥା ହେଲା ଦୀର୍ଘ ଅଢେଇ ବର୍ଷରେ ନବୀନ ମାତ୍ର ଦୁଇ ଥର ହିଞ୍ଜିଳି ଯାଇଛନ୍ତି । ପୂର୍ବ ଭଳି ଏବେ ବି ହିଞ୍ଜିଳିରେ ନବୀନଙ୍କ ବିଧାୟକ କ୍ଷମତା କାରେ ଦିଆଯାଇଥିବା କୁହାଯାଉଛି ।