ଅର୍ଗସ ବ୍ୟୁରୋ : ଅଫିସରେ କାମ କରୁଛନ୍ତି ଅଜଣା ଲୋକ l ସାଧାରଣ ଲୋକଙ୍କୁ ବିଭିନ୍ନ ଆଳ ଦେଖାଇ ଲୁଟିବାରେ ଲାଗିଛନ୍ତି ଅଜଣା ଲୋକ । କାହା ଆଦେଶରେ କାମ କରୁଛନ୍ତି  ଏହି ଅଜଣା ବାବୁ ଜଣକ । ଅଫିସ ଭିତରେ ପଶି ଲାପଟପ ଧରି ବିଭିନ୍ନ ଗୁରୁତ୍ୱପୂର୍ଣ୍ଣ କାର୍ଯ୍ୟକରୁଛନ୍ତି ବାବୁ ଜଣକ । ଏଭଳି ଘଟଣା ଦେଖିବାକୁ ମିଳିଛି କଟକ ଜିଲ୍ଲା ନିଶ୍ଚିନ୍ତକୋଇଲି ତହସିଲ ଅଫିସରେ ।

ଅଧିକ ପଢନ୍ତୁ ଓଡ଼ିଶା ଖବର

ନିଶ୍ଚିନ୍ତକୋଇଲି ଆରଆଇ ଅଫିସରେ ଗତ କିଛି ଦିନ ହେବ ସିଲୁ ବୋଲି ଜଣେ ଅଜଣା ଯୁବକ ଅଫିସ ଭିତରେ ପଶି କାର୍ଯ୍ୟକରୁଥିବା ଅଭିଯୋଗ ହୋଇଛି । ସବୁଠାରୁ ବଡ଼ କଥା ହେଲା ନିଶ୍ଚିନ୍ତକୋଇଲି ତହସିଲ ଅଫିସର ନାକ ତଳେ ରହିଛି ଏହି ଅଫିସ । କିନ୍ତୁ କେମିତି ଜାଣିପାରିଲେ ନାହିଁ ତହସିଲଦାର ବାବୁ । ଏପଟେ ଏହି ଅଜଣା ଲୋକଟି ସାଧାରଣ ଗରିବ ଲୋକଙ୍କୁ ଶୋଷଣ କରୁଥିବା ଅଭିଯୋଗ ମଧ୍ୟ ହୋଇଛି । ଏହି ଘଟଣାକୁ ତଦନ୍ତ କରିବାକୁ ଦାବି କରିଛନ୍ତି ଅଞ୍ଚଳବାସୀ ।