ଅର୍ଗସ ବ୍ୟୁରୋ : ଜନ୍ମଭୂମିରେ ପହଞ୍ଚିଲା ସହିଦଙ୍କ ପାର୍ଥିବ ଶରୀର । ଭୁବନେଶ୍ବର ବିମାନ ବନ୍ଦରରେ ପହଞ୍ଚିଲା ପରେ ବିଏସଏଫ କ୍ୟାମ୍ପରେ ଗାର୍ଡ ଅଫ ଅନର ଦିଆଯିବା ପରେ ଜନ୍ମମାଟିକୁ ଆସିଲା ମର ଶରୀର । ଛତିଶଗଡ଼ରେ ମତଦାନ ବେଳେ ହୋଇଥିବା ମାଓବାଦୀଙ୍କ IED ବିସ୍ଫୋରଣରେ ସହିଦ ହୋଇଥିଲେ ଓଡ଼ିଆ ଯବାନ ପ୍ରକାଶଚନ୍ଦ୍ର ଶିଅଳ । 

ଅଧିକ ପଢନ୍ତୁ ଓଡ଼ିଶା ଖବର

ତାଙ୍କ ଘର ବାହାନଗା ଗୋପାଳପୁରର ଅଞ୍ଚଳରେ ହୋଇଥିବା ବେଳେ ପୁଅର ସହିଦ ଖବର ପାଇବା ପରେ ପରିବାର ଓ ଗାଁରେ ଶୋକାକୁଳ ପରିବେଶ । ପ୍ରକାଶଙ୍କର ଦୁଇଟି ୫ ବର୍ଷର ଯାଆଁଳା ଶିଶୁପୁତ୍ର ଥିବା ବେଳେ ସେପ୍ଟେମ୍ବର ୭ ତାରିଖରେ ଶେଷ ଥର ପାଇଁ ସେ ଘରକୁ ଆସିଥିଲେ । ଆଜି ଜନ୍ମମାଟି ଗୋପାଳପୁରରରେ ହେବ ଶେଷକୃତ୍ୟ । ୨୦୦୬ରୁ ବିଏସଏଫରେ ଯୋଗଦେଇ ୧୭ ବର୍ଷ ଧରି ଦେଶ ସେବାରେ ନିୟୋଜିତ ଥିଲେ । ଦେଶ ମାତୃକାର ସେବା କରି ନିଜ ଜୀବନକୁ ଉତ୍ସର୍ଗ କରିଛନ୍ତି ସହିଦ ପ୍ରକାଶଚନ୍ଦ୍ର ଶିଅଳ ।