ରାଜ୍ୟ କ୍ୟାବିନେଟରେ ୧୦ଟି ପ୍ରସ୍ତାବକୁ ମିଳିଲା ଅନୁମୋଦନ । ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ଅଧ୍ୟକ୍ଷତାରେ ଲୋକସେବା ଭବନରେ ବସିଥିବା କ୍ୟାବିନେଟ ବୈଠକରେ ୧୦ଟି ପ୍ରସ୍ତାବକୁ ଅନୁମୋଦନ ମିଳିଛି । ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗର ଗୋଟିଏ, ମତ୍ସ୍ୟ ଓ ପ୍ରାଣୀ ସମ୍ପଦ ବିଭାଗର ଗୋଟିଏ, ଅନୁସୂଚିତ ଜନଜାତି ଓ ଅନୁସୂଚିତ ଜାତି ଉନ୍ନୟନ ବିଭାଗର ଗୋଟିଏ, ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ବିଭାଗର ଗୋଟିଏ, ଆଇନ ବିଭାଗର ୩ଟି, ଶକ୍ତି ବିଭାଗର ୨ଟି, ଏଭଳି ମୋଟ ୭ଟି ବିଭାଗର ୧୦ ଟି ପ୍ରସ୍ତାବ କ୍ୟାବିନେଟ ବୈଠକରେ ଆଲୋଚନା ପୂର୍ବକ ଅନୁମୋଦନ କରାଯାଇଛି । ବୈଠକ ପରେ ମୁଖ୍ୟ ଶାସନ ସଚିବ ଅନୁ ଗର୍ଗ ଏହି ସୂଚନା ଦେଇଛନ୍ତି ।

ଅଧିକ ପଢ଼ନ୍ତୁ: କିଏ ହେବ ଓଡ଼ିଶାର ପୋଲିସର ନୂଆ ମୁଖିଆ, ଚର୍ଚ୍ଚାରେ ସୁଧାଂଶୁ ଓ ଆରପି କୋଚେଙ୍କ ନାଁ

ମତ୍ସ୍ୟ ଓ ପ୍ରାଣୀ ସମ୍ପଦ ବିଭାଗରେ ମେରିନ୍ ଫିସିଂ ରେଗୁଲେସନ୍ ୧୯୮୨ ରିପ୍ଲେସ୍ - ନୂଆ ‘ଓଡ଼ିଶା ମେରାଇନ୍ ଫିସିଂ ରେଗୁଲେସନ୍ ଆକ୍ଟ ୨୦୨୬’ ଆସିବ । ମତ୍ସ୍ୟଜୀବୀ ସୁରକ୍ଷା ପ୍ରାଥମିକତା, ସମୁଦ୍ରରେ ସୁରକ୍ଷା ଓ ସାମୁଦ୍ରିକ ସମ୍ପଦ ସଂରକ୍ଷଣ ଓ ବେଆଇନ୍ ମାଛଧରା ବନ୍ଦ ହେବ । ସେହିପରି ଇଲିଗାଲ୍ ଫିସିଂ ଆକ୍ଟିଭିଟି ଉପରେ କଡା ରୋକ ଲାଗିବ ।

ସେହିପରି କୋର୍ଟ ମ୍ୟାନେଜର ପଦବୀ ନିୟମିତ ହେବ - ସୁପ୍ରିମକୋର୍ଟଙ୍କ ନିର୍ଦ୍ଦେଶରେ ହାଇକୋର୍ଟ ଓ ଜିଲ୍ଲା କୋର୍ଟରେ ନିଯୁକ୍ତି ହେବ । ପ୍ରତ୍ନତତ୍ୱ ନିର୍ଦ୍ଦେଶାଳୟ - ଅଲଗା ଡାଇରେକ୍ଟୋରେଟ୍ ଗଠନ, ଷ୍ଟାଫ୍ ଓ ଟେକ୍ନିକାଲ୍ ପୋଷ୍ଟ୍ ପୂରଣ ହେବ । ସେହିପରି ମେଡିକାଲ୍ କଲେଜ୍, ହସ୍ପିଟାଲ୍‌ରେ 24x7 ବିଜୁଳି ସୁନିଶ୍ଚିତ କରାଯିବ । ପାୱାର୍ ପ୍ଲାଣ୍ଟରେ ପରିବେଶ ନିୟମ କଡ଼ାକଡ଼ି ପାଳନ ହେବ ।