ଭୁବନେଶ୍ଵର: ରେକର୍ଡ ଭାଙ୍ଗୁଛି ଶୀତ । ଯେମିତି ଥରାଉଛି ସେମିତି ଥଣ୍ଡା ରେକର୍ଡ ଭାଙ୍ଗିବାରେ ଲାଗିଛି। ଝାରସୁଗୁଡ଼ାରେ ଥଣ୍ଡା ୭୩ ବର୍ଷର ରେକର୍ଡ ଭାଙ୍ଗିଥିବା ବେଳେ ଭୁବନେଶ୍ଵରରେ ୨୨ ବର୍ଷର ରେକର୍ଡକୁ ଅତିକ୍ରମ କରିଛି ।

ବାଘୁଆ ଜାଡ
ଭାଙ୍ଗିବ ସଭିଙ୍କ ପଞ୍ଜରା ହାଡ଼

ଆଜି ରେକର୍ଡ ପ୍ରମୁଖ ରାତ୍ରି ତାପମାତ୍ରା

ରାଉରକେଲା ୪.୧ °C
ଝାରସୁଗୁଡା ୪.୫°C
କେନ୍ଦୁଝର ୭.୪ °C
ଭୁବନେଶ୍ୱର ୯.୨°C
ସମ୍ବଲପୁର ୯.୪°C
ହୀରାକୁଦ ୯.୯°C
ବାଲେଶ୍ୱର ୯.୯°C pic.twitter.com/eJx2s92SN0

— usd (@usd0705) January 10, 2026

ଆଜି ରାଉରକେଲାରେ ରାଜ୍ୟର ସର୍ବନିମ୍ନ ରାତି ତାପମାତ୍ରା ୪.୧ ଡିଗ୍ରୀ ରହିଛି । ସେହିଭଳି ଝାରସୁଗୁଡ଼ାରେ ୪.୫ ଡିଗ୍ରୀ, କେନ୍ଦୁଝରରେ ୭.୪ ଡିଗ୍ରୀ, ଭୁବନେଶ୍ୱର ୯.୨ ଡିଗ୍ରୀ, ସମ୍ବଲପୁର ୯.୪ ଡିଗ୍ରୀ, ହୀରାକୁଦ ୯.୯ ଡିଗ୍ରୀ ତାପମାତ୍ରା ରେକର୍ଡ କରାଯାଇଛି ।

ଏଥିସହ ପଢ଼ନ୍ତୁ: ଭୀଷଣ ଶୀତରେ ଥରୁଛି ଓଡ଼ିଶା; ପିଲାଙ୍କ ସ୍କୁଲ୍ ସମୟ ପରିବର୍ତ୍ତନ କଲା ପ୍ରଶାସନ

ଚଳିତ ଶୀତ ଋତୁରେ ପୂର୍ବରୁ ଦୁଇ ଥର ସର୍ବକାଳୀନ ରେକର୍ଡ ଭାଙ୍ଗିଥିବା ଝାରସୁଗୁଡ଼ା ନୂଆ ରେକର୍ଡ କରିଛି । ପୁଣି ଆଉ ଥରେ ଗତକାଲିର ରେକର୍ଡ ଆଜି ଭାଙ୍ଗିଛି ଝାରସୁଗୁଡ଼ା । ୧୯୫୩ ଠାରୁ ୭୩ ବର୍ଷର ରେକର୍ଡ ଭାଙ୍ଗି ଆଜି ଝାରସୁଗୁଡ଼ାରେ ସବୁଠାରୁ ଥଣ୍ଡା ରାତି ଅନୁଭୂତ ହୋଇଛି ।

#Jharsuguda 4.5°C

ଚଳିତ ଶୀତ ଋତୁରେ ପୂର୍ବରୁ ଦୁଇ ଥର ସର୍ବକାଳୀନ ରେକର୍ଡ ଭାଙ୍ଗିତଥିବା ବେଳେ

ପୁଣି ଆଉଥରେ ଗତ କାଲିର ରେକର୍ଡ ଭାଙ୍ଗି ଆଜି, ୭୩ ବର୍ଷରେ (୧୯୫୩ ଠାରୁ )ଆଜି ସବୁଠାରୁ ଥଣ୍ଡା ରାତି ରେକର୍ଡ ହୋଇଛି

୭ Jan ୨୦୧୩: ୫.୬°C (ପୂର୍ବ ରେକର୍ଡ)
୬ Jan ୨୦୨୬: ୫.୧°C
୯ Jan ୨୦୨୬: ୪.୬°C
୧୦ Jan ୨୦୨୬ (#ଆଜି): ୪.୫°C pic.twitter.com/e2r3TdPnda

— usd (@usd0705) January 10, 2026

ଝାରସୁଗୁଡ଼ାରେ ୨୦୧୩ ଜାନୁଆରୀ ୭ରେ ସର୍ବନିମ୍ନ ତାପମାତ୍ରା ୫.୬ ଡିଗ୍ରୀ ରହିଥିବା ବେଳେ ୨୦୨୬ ଜାନୁଆରୀ ୭ରେ ୫.୧ ଡିଗ୍ରୀ, ଜାନୁଆରୀ ୯ରେ ୪.୬ ଡିଗ୍ରୀ ଏବଂ ଆଜି ଜାନୁଆରୀ ୧୦ରେ ପାରଦ ସର୍ବନିମ୍ନ ୪.୬ ଡିଗ୍ରୀ ରହିଛି ।

ସେହିଭଳି ଭୁବନେଶ୍ୱରରେ ମଧ୍ୟ ୨୨ବର୍ଷ ରେକର୍ଡ କରିଛି ଥଣ୍ତା । ୨୦୦୪ରୁ ଏଯାବତ୍ ସବୁଠାରୁ ଥଣ୍ଡା ରାତି ହୋଇଛି ଜାନୁଆରୀ ୧୦ । ୨୦୦୪ ଠାରୁ ଏତେ ଥଣ୍ଡା ରାଜଧାନୀରେ କେବେବି ଅନୁଭୂତ ହୋଇ ନଥିଲା । ଜାନୁଆରୀ ମାସରେ ତୃତୀୟ ସର୍ବନିମ୍ନ ରାତ୍ରି ତାପମାତ୍ରା ଆଜି ରେକର୍ଡ ହୋଇଛି । ଭୁବନେଶ୍ଵରରେ ଆଜି ସର୍ବନିମ୍ନ ରାତି ତାପମାତ୍ରା ୯.୨ ଡିଗ୍ରୀ ରେକର୍ଡ କରାଯାଇଛି ।

୧୦ ଜାନୁଆରୀ ୨୦୨୬ (#ଆଜି)

ଭୁବନେଶ୍ୱର #୨୨ବର୍ଷ ମଧ୍ୟରେ ରେକର୍ଡ ହେଲା ସବୁଠାରୁ ଥଣ୍ଡା ରାତ୍ରି (୨୦୦୪ ରୁ ଏଯାବତ ) | ୨୦୦୪ ଠାରୁ ଏତେ ଥଣ୍ଡା ରାଜଧାନୀରେ କେବେବି ଅନୁଭୂତ ହୋଇନଥିଲା #ଜାନୁଆରୀ ମାସରେ #ତୃତୀୟ ସର୍ବନିମ୍ନ ରାତ୍ରି ତାପମାତ୍ରା

ଆଜି ସର୍ବନିମ୍ନ ରାତ୍ରି ତାପମାତ୍ରା ୯.୨ ଡ଼ିଗ୍ରୀ ରେକର୍ଡ pic.twitter.com/P8RQU1Bb2h

— usd (@usd0705) January 10, 2026

ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର ଭୁବନେଶ୍ଵରର ଆକଳନ ଅନୁସାରେ, ଶନିବାର ସୁନ୍ଦରଗଡ଼, ଝାରସୁଗୁଡ଼ା, ଅନୁଗୁଳ ଓ ଢେଙ୍କାନାଳରେ ଶୀତ ଲହରୀ ଲଗି ରହିବ । ଏହି ୪ ଜିଲ୍ଲାକୁ ଆଜି ପାଇଁ ୟେଲୋ ୱାର୍ଣ୍ଣିଂ ଦିଆଯାଇଛି ।

ଏଥିସହ ପଢ଼ନ୍ତୁ: ୮ଟି ବିଭାଗର ୧୧ ପ୍ରସ୍ତାବକୁ କ୍ୟାବିନେଟ୍ ମୋହର; ମୃତ୍ୟୁ ତଥ୍ୟ ଲୁଚାଇ ପିଡିଏସ୍ ସାମଗ୍ରୀ ନେଲେ ହେବ ଦଣ୍ଡବିଧାନ

ଆଗାମୀ ୭ ଦିନ ପର୍ଯ୍ୟନ୍ତ ରାଜ୍ୟରେ ପାଗ ମୁଖ୍ୟତଃ ଶୁଖିଲା ରହିବ । ୨୪ ଘଣ୍ଟାରେ ରାତି ତାପମାତ୍ରାରେ ସେଭଳି ବଡ଼ ପରିବର୍ତ୍ତନ ହେବ ନାହିଁ । ପରବର୍ତ୍ତୀ ୨ ଦିନରେ ତାପମାତ୍ରା ୨ରୁ ୩ ଡିଗ୍ରୀ ବୃଦ୍ଧି ପାଇବା ସମ୍ଭାବନା ରହିଛି ।