Congress Fund Drive / ରାଜ୍ୟ କଂଗ୍ରେସକୁ ପାଣ୍ଠି ଚିନ୍ତା, ପଞ୍ଚାୟତ ନିର୍ବାଚନ ପାଇଁ ଲୋକଙ୍କୁ ଟଙ୍କା ମାଗିବ କଂଗ୍ରେସ

ରାଜ୍ୟ କଂଗ୍ରେସକୁ ଘାରିଛି ପାଣ୍ଠି ଚିନ୍ତା । ପଞ୍ଚାୟତ ନିର୍ବାଚନ ପାଇଁ ରାଜ୍ୟର ୩ ପ୍ରମୁଖ ଦଳ ସଜବାଜ ହେଉଥିବା ବେଳେ ପୁଞ୍ଜିର ଅଭାବ ଯୋଗୁଁ ଏବେ ଲୋକଙ୍କୁ ଅର୍ଥ ମାଗିବ କଂଗ୍ରେସ । ଦଳକୁ ସଂଗଠିତ କରିବା ପାଇଁ ଦଳ ସୃଷ୍ଟି କରିବ ୧୫ ଲକ୍ଷ କ୍ୟାଡର । ଏହି କ୍ୟାଡରଙ୍କ ହାତରେ ରହିବ ନିର୍ବାଚନ ଭାର । ଲୋକଙ୍କଠାରୁ ସଂଗ୍ରହ ହୋଇଥିବା ୧୦୦ ଟଙ୍କା ଲେଖାଏଁ ଅର୍ଥକୁ ସଂଗଠିତ କରି ଦଳ ନିର୍ବାଚନ ଖର୍ଚ୍ଚ କରିବାକୁ ରଖିଛି ଲକ୍ଷ୍ୟ ।

ପଞ୍ଚାୟତ ନିର୍ବାଚନ ପାଇଁ ରାଜ୍ୟର ୩ ଦଳ ସଜବାଜ ହେଉଥିବା ବେଳେ ରାଜ୍ୟ କଂଗ୍ରେସକୁ ଘାରିଛି ଏବେ ଦଳୀୟ ପାଣ୍ଠି ଚିନ୍ତା । ଦଳରେ ପୁଞ୍ଜିର ଅଭାବ ଦେଖା ଦେଇଥିବାରୁ ଏବେ ଲୋକଙ୍କୁ ଅର୍ଥ ମାଗିବ କଂଗ୍ରେସ । ନିର୍ବାଚନରେ ଦଳକୁ ସଂଗଠିତ ପାଇଁ ଦଳ ସୃଷ୍ଟି କରିବ ୧୫ ଲକ୍ଷ କ୍ୟାଡର । ଏହି କ୍ୟାଡରଙ୍କ ହାତରେ ନିର୍ବାଚନ ଭାର ରହିବା ସହ ଏମାନେ ଅର୍ଥ ସଂଗ୍ରହ ଦାୟିତ୍ୱରେ ରହିବେ । ଲୋକଙ୍କଠାରୁ ସଂଗ୍ରହ ହୋଇଥିବା ୧୦୦ ଟଙ୍କା ଲେଖାଏଁ ଅର୍ଥକୁ ସଂଗଠିତ କରି ଦଳ ନିର୍ବାଚନରେ ଏହି ପାଣ୍ଠି ଖର୍ଚ୍ଚ କରିବ ।

ଅଧିକ ପଢ଼ନ୍ତୁ: ସ୍ୱାଧୀନତା ଦିବସରେ ସ୍କୁଲରେ ଶୋକ, ପତାକା ବାନ୍ଧୁଥିବାବେଳେ ଟଳିପଡ଼ିଲେ ଶିକ୍ଷକ

କଂଗ୍ରେସରେ ପାଣ୍ଠି ଅଭାବ ନୂଆ କଥା ନୁହେଁ । ୨୦୨୪ରେ ବି ଟିକେଟ ପାଇଥିବା ପ୍ରାର୍ଥୀଙ୍କୁ ୫୦ ହଜାର ଟଙ୍କା ଲେଖାଏଁ ଅର୍ଥ ଦଳୀୟ ପାଣ୍ଠିକୁ ଦେବାକୁ କହିଥିଲେ ତତ୍କାଳୀନ ପିସିସି ସଭାପତି । ଏଭଳି ସ୍ଥିତିରେ କେବଳ କର୍ମୀ ନୁହେଁ ଦଳ ବିଧାୟକ, ପୂର୍ବତନ ବିଧାୟକ ଓ ବରିଷ୍ଠ ନେତା ବି ପାଣ୍ଠି ଦିଅନ୍ତୁ ବୋଲି କହିଛନ୍ତି ଦଳର ବରିଷ୍ଠ ନେତା । ସେପଟେ ପାଣ୍ଠି ଯୋଗାଡ଼ ଭିତରେ ଲୋକଙ୍କୁ ଦଳ ସହ ଯୋଡିବା ବଡ଼ ଚ୍ୟାଲେଞ୍ଜ ବୋଲି କହିଛନ୍ତି ରାଜନୈତିକ ବିଶେଷଜ୍ଞ ।

ରାଜ୍ୟରେ କଂଗ୍ରେସ ୨୬ ବର୍ଷ ହେଲା ସରକାରରେ ନାହିଁ । କେନ୍ଦ୍ରରେ ବି ୨୦୧୪ ଠାରୁ ଶାସନ ବାହାରେ । ଏହାରି ଭିତରେ ଦଳର ପାଣ୍ଠି ଅଭାବକୁ ସଭାପତିଙ୍କ ନୂଆ ଫର୍ମୁଲା କେତେ ଶକ୍ତି ଦେଉଛି ତାହା ଉପରେ ନଜର ।