Videos
|
Odisha

Leave Cancelled / ଅଧିକାରୀଙ୍କୁ ଶନିବାର-ରବିବାର କାମରେ ରହିବାକୁ ନିର୍ଦ୍ଦେଶ; ମାଡ଼ି ଆସୁଛି ବାତ୍ୟା

Debashree Debasmita Sahoo
Browse all articles by Debashree Debasmita Sahoo
·1 hour ago·2 min read
ଅଧିକାରୀଙ୍କୁ ଶନିବାର-ରବିବାର କାମରେ ରହିବାକୁ ନିର୍ଦ୍ଦେଶ; ମାଡ଼ି ଆସୁଛି ବାତ୍ୟା
Government Officers Leave Cancelled

Key Points

ଜଳ ସମ୍ପଦ ବିଭାଗ ପକ୍ଷରୁ ପ୍ରସ୍ତୁତି ଜୋରଦାର
ଡ୍ୟାମ ଓ ନଦୀବନ୍ଧ ଉପରେ କଡ଼ା ନଜର
ଶନିବାର-ରବିବାର କାମରେ ରହିବେ ଅଫିସର୍
ଭୁବନେଶ୍ଵର: ବର୍ଷା ପୂର୍ବରୁ ଆକ୍ସନ୍‌ରେ ଜଳସମ୍ପଦ ବିଭାଗ। ଦୁଇ ଦିନ ଆଗରୁ ଆରମ୍ଭ ହୋଇଛି ପ୍ରସ୍ତୁତି । ସେକ୍ରେଟାରୀ ସ୍ତରରେ ଲଗାତାର ରିଭ୍ୟୁ ମିଟିଂ କରାଯାଉଛି। ଫିଲ୍ଡ ଇଞ୍ଜିନିୟରମାନେ ଡ୍ୟାମ୍, ନଦୀବନ୍ଧ ଓ ଜଳସ୍ତରର ସ୍ଥିତି ଯାଞ୍ଚ କରିଛନ୍ତି । ଆଗୁଆ ପାଣି କମାଇ ଡ୍ୟାମ୍‌ରେ ସ୍ପେସ୍ ତିଆରି କରୁଛି ଜଳସମ୍ପଦ ବିଭାଗ । ବାତ୍ୟା ଆସୁଥିବାରୁ ସମସ୍ତ ଅଧିକାରୀଙ୍କୁ ଶନିବାର-ରବିବାର କାମରେ ରହିବାକୁ ନିର୍ଦ୍ଦେଶ ଦିଆଯାଇଛି। ଗ୍ରାଉଣ୍ଡରେ ରହି କାମ କରିବାକୁ କୁହାଯାଇଛି । ଜଳ ସମ୍ପଦ ବିଭାଗର ସର୍ବୋଚ୍ଚ ଯନ୍ତ୍ରୀ ଦିଲ୍ଲୀପ କୁମାର ରାଉତଙ୍କ ସୂଚନା ।

  • ୧୮ ତାରିଖରୁ ବର୍ଷା ବଢ଼ିବ
ବାତ୍ୟା ପ୍ରଭାବରେ ନଭେମ୍ବର ୧୮ ତାରିଖରୁ ବର୍ଷା ବଢିବା ଆଶଙ୍କା ରହିଛି । ୧୯ ଓ ୨୦ ତାରିଖରେ ଦକ୍ଷିଣ ଓଡ଼ିଶାର ଅନେକ ଅଞ୍ଚଳରେ ପ୍ରବଳ ବର୍ଷା ନେଇ ସତର୍କତା ଜାରି କରାଯାଇଛି । ଗଞ୍ଜାମ, ଗଜପତି, ରାୟଗଡ଼ା, କୋରାପୁଟ, ମାଲକାନଗିରି ଭଳି ଜିଲ୍ଲା ଉପରେ ବିଶେଷ ନଜର ରହିଛି । ଏଣୁ ଗ୍ରାଉଣ୍ଡରେ ରହିବାକୁ ସମସ୍ତ ଅଫିସରଙ୍କୁ ନିର୍ଦ୍ଦେଶ ଦେଇଛି । ଅଧିକାରୀଙ୍କୁ ଶନିବାର-ରବିବାର କାମରେ ରହିବାକୁ ନିର୍ଦ୍ଦେଶ ଦିଆଯାଇଛି ।

  • ଆକ୍ସନ୍‌ରେ ଜଳସମ୍ପଦ ବିଭାଗ
ବାତ୍ୟା ପାଇଁ ବର୍ଷା ପୂର୍ବରୁ ଆକ୍ସନ୍‌ରେ ଜଳସମ୍ପଦ ବିଭାଗ । ଦୁଇ ଦିନ ଆଗରୁ ଆରମ୍ଭ ହୋଇଛି ପ୍ରସ୍ତୁତି । ସେକ୍ରେଟାରୀ ସ୍ତରରେ ଲଗାତାର ରିଭ୍ୟୁ ମିଟିଂ କରାଯାଉଛି । ଫିଲ୍ଡ ଇଞ୍ଜିନିୟରମାନେ ଡ୍ୟାମ୍, ନଦୀବନ୍ଧ ଓ ଜଳସ୍ତରର ସ୍ଥିତି ଯାଞ୍ଚ କରିଛନ୍ତି । ରିପୋର୍ଟ ଆଧାରରେ ତିଆରି ହୋଇଛି ଡ୍ୟାମ୍ ଅପରେସନ୍‌ର ଷ୍ଟ୍ରାଟେଜିକ୍ ପ୍ଲାନ୍ । ପୂର୍ବରୁ ବଡ଼ ବର୍ଷା ଓ ବାତ୍ୟାରେ ଗଞ୍ଜାମ ସମେତ ଦକ୍ଷିଣ ଓଡ଼ିଶାର ବିଭିନ୍ନ ନଦୀବନ୍ଧ ଓ କେନାଲ ବନ୍ଧ କ୍ଷତିଗ୍ରସ୍ତ ହୋଇଛି । ଅନେକ ସ୍ଥାନରେ ବଡ଼ ବଡ଼ ଗ୍ରିଚ୍ ଏବେ ବି ସମ୍ପୂର୍ଣ୍ଣ ମରାମତି ହୋଇନାହିଁ । ଦକ୍ଷିଣ ଓଡ଼ିଶାରେ ଋଷିକୁଲ୍ୟା ବେସିନରେ ୬ଟି, ବାହୁଦା ବେସିନରେ ୨ଟି ଏବଂ ବଂଶଧାରା ବେସିନରେ ୨ଟି ମିଡିୟମ୍ ରିଜର୍ଭ ରହିଛି । ଏହାସହ କୋଲାବ, ଇନ୍ଦ୍ରାବତୀ ଓ ବାଲିମେଳା ଭଳି ମେଜର ଡ୍ୟାମ୍ ଏବଂ ତେଲେଙ୍ଗିରି ଭଳି ରିଜର୍ଭ ଉପରେ ବି ନଜର ରହିଛି ।

ପଢନ୍ତୁ ଏହି ଖବର: ଜଣାପଡ଼ିଗଲା ଏଇଠି ଲ୍ୟାଣ୍ଡଫଲ୍ କରିବ ବାତ୍ୟା; ଅପରାହ୍ନ ୪ଟାରେ SRC ଅଫିସରେ ବଡ଼ ବୈଠକ

Argus News App

📱 Get Argus News App

✨
📰 60 Word News🎬 Argus Podcast📺 Live TV and Breaking News🔔 Free Notification Alerts
Download Free:
  • ୫୦% ଖାଲି ରହିବ ଡ୍ୟାମ୍
ଲକ୍ଷ୍ୟ ହେଉଛି ଡ୍ୟାମ୍‌ରେ ପାଣି ପାଇଁ ଖାଲି ସ୍ଥାନ ତିଆରି କରିବା । ଗଞ୍ଜାମ, ଗଜପତି ଓ ତେଲେଙ୍ଗିରି ଅଞ୍ଚଳର କିଛି ଡ୍ୟାମ୍‌ରୁ ଆଗୁଆ ନିୟନ୍ତ୍ରିତ ଭାବେ ପାଣି ଛାଡ଼ିବାକୁ ନିର୍ଦ୍ଦେଶ ହୋଇଛି । ତେବେ ଏକାଥରକେ ଅଧିକ ପାଣି ଛାଡ଼ିବା ନୁହେଁ, ନଦୀର କ୍ଷମତା ଓ ତଳ ଅଞ୍ଚଳର ସ୍ଥିତିକୁ ଦେଖି ପାଣି ଛଡ଼ାଯିବ । ବିଭାଗର ପ୍ଲାନ୍ ଅନୁସାରେ ବିଭିନ୍ନ ଡ୍ୟାମ୍‌ରୁ ନିର୍ଦ୍ଦିଷ୍ଟ ପରିମାଣରେ ପାଣି ଛାଡ଼ିବାକୁ କୁହାଯାଇଛି । ବାଘୁଆରେ ୨୫ କ୍ୟୁସେକ୍, ଭଟେଶ୍ୱରରେ ୫୦୦ କ୍ୟୁସେକ୍, ବଡ଼ନଳାରେ ୨୪ କ୍ୟୁସେକ୍ ଏବଂ ଧରମଙ୍ଗିରିରେ ୮୭ କ୍ୟୁସେକ୍ ଭଳି ନିର୍ଦ୍ଦିଷ୍ଟ ରିଲିଜ୍ ଯୋଜନା ରହିଛି ।