ମଝି ଆକାଶରେ ଦେବଦୂତ ସାଜିଲେ ଡାକ୍ତର । ବଞ୍ଚାଇଲେ ଯାତ୍ରୀଙ୍କ ଜୀବନ । କଟକ ଏସସିବି ମେଡିକାଲର ଡ଼ାକ୍ତର ଜ୍ୟୋତିର୍ମୟ ନାୟକ ଏକ କନଫରେନ୍ସରେ ଯୋଗ ଦେବାକୁ ବିମାନରେ ଭୁବନେଶ୍ବରରୁ ରାୟପୁର ଯାତ୍ରା କରୁଥିଲେ । ତେବେ ମଝି ଆକାଶରେ ବିମାନ ଭିତରେ ଜଣେ ମହିଳା ଅଚେତ ହୋଇ ତଳେ ପଡ଼ିଯାଇଥିଲେ । ପରେ ସେହି ବିମାନରେ ଟ୍ରାଭେଲ କରୁଥିବା ଏସସିବି ମେଡିକାଲର ଅତିରିକ୍ତ ଅଧିକ୍ଷକ ଡାକ୍ତର ଜ୍ୟୋତିମୟ ନାୟକ ମହିଳା ଯାତ୍ରୀଙ୍କୁ ସିପିଆର ଦେଇ ବଞ୍ଚାଇଥିଲେ ।

ଅଧିକ ପଢ଼ନ୍ତୁ: ହ୍ୟୁଜ୍ ଆପ୍ ଠକେଇ ପଛରେ ପୂର୍ବତନ ସେନା କର୍ମଚାରୀ, ମାଷ୍ଟରମାଇଣ୍ଡକୁ ବାନ୍ଧିଲା ପୋଲିସ୍

ଏହାର କିଛି ସମୟ ପରେ ମହିଳାଙ୍କ ଅବସ୍ଥାରେ ସୁଧାର ଆସିଥିଲା। ପରେ ବିମାନ ବନ୍ଦରରୁ ଅବତରଣ ପରେ ତାଙ୍କୁ ମେଡିକାଲ ନିଆଯାଇଥିଲା । ବର୍ତ୍ତମାନ ଏହି ଭିଡିଓ ସୋସିଆଲ ମିଡ଼ିଆରେ ଭାଇରାଲ ହେବା ପରେ ଡାକ୍ତରଙ୍କ ଏହି କାର୍ଯ୍ୟ ପାଇଁ ତାଙ୍କୁ ଚାରିଆଡୁ ପ୍ରଶଂସାର ସୁଅ ଛୁଟିଛି ।