ଛତିଶଗଡ଼ରୁ ମାଡ଼ି ଆସୁଛି ବନ୍ୟା ଜଳ । ଫଳରେ ହୀରାକୁଦ ଜଳ ଭଣ୍ତାରରେ ଜଳ ସ୍ତର ବଢିବାରେ ଲାଗିଛି । ଏବେ ହୀରାକୁଦରେ ୨୮ଟି ଗେଟ୍ ଦେଇ ବନ୍ୟାଜଳ ନିଷ୍କାସନ ଚାଲିଥିବାବେଳେ ଆଗକୁ ଆହୁରି ଗେଟ୍ ଖୋଲିପାରେ । ସେପଟେ ମହାନଦୀରେ ଚତୁର୍ଥ ବନ୍ୟା ଆସିବା ପରେ ଅନେକ ତଳିଆ ଅଞ୍ଚଳ ପ୍ରତି ବିପଦ ସୃଷ୍ଟି ହୋଇଛି । ଚାଷଜମି ଜଳମଗ୍ନ ହୋଇଛି । ଯାଜପୁର, ଭଦ୍ରକ, ବାଲେଶ୍ଵର, କଟକ ବାଙ୍କୀରେ ବନ୍ୟା ସ୍ଥିତି ସୃଷ୍ଟି ହୋଇଛି । ଦକ୍ଷିଣ ଓଡ଼ିଶାରେ ବି ଉତ୍କଟ ହୋଇଛି ବନ୍ୟା ସ୍ଥିତି ।
ହୀରାକୁଦ ଜଳ ଭଣ୍ତାରକୁ ବଢୁଛି ଜଳ ପ୍ରବେଶ । ଖୋଲିପାରେ ଆହୁରି ଗେଟ । ବତ୍ତମାନ ୨୮ ଟି ଗେଟରେ ହୀରାକୁଦ ଜଳନିଷ୍କାସନ ଜାରି ରହିଛି । ସକାଳ ୬ ଟା ସୁଦ୍ଧା ଜଳସ୍ତର ୬୨୯.୦୮ ଫୁଟ ରହିଛି । ଉପରମୁଣ୍ତରୁ ସେକେଣ୍ତ ପ୍ରତି ୬ ଲକ୍ଷ ୧୭ ହଜାର ୩୦୮ କ୍ୟୁସେକ ଜଳ ପ୍ରବେଶ କରୁଛି । ସେହିପରି ୨୮ଟି ଗେଟରେ ୪ ଲକ୍ଷ ୯୬ ହଜାର ୬୦୨ କ୍ୟୁସେକ ଜଳ ନିଷ୍କାସନ ହେଉଛି ।
ଉପରମୁଣ୍ଡରେ ପ୍ରବଳ ବର୍ଷା ପରେ ମହାନଦୀରେ ପୁଣି ବଢ଼ିଛି ବନ୍ୟାଜଳ । ଚଳିତ ବର୍ଷ ମହାନଦୀରେ ଏହା ଚତୁର୍ଥ ବନ୍ୟା ପରିସ୍ଥିତି ସୃଷ୍ଟି ହୋଇଛି । ଫଳରେ ବାଙ୍କୀର ତଳିଆ ଅଞ୍ଚଳରେ ବନ୍ୟାଜଳ ପ୍ରବେଶ କରିଛି। ହୀରାକୁଦରେ ୨୮ଟି ଗେଟ୍ ଖୋଲାଯାଇଥିବାରୁ ବାଙ୍କୀ ବ୍ଲକର ହୁଳୁହୁଳା ସେତୁ ଉପରେ ଚାରି ଫୁଟର ବନ୍ୟା ଜଳ ପ୍ରବେଶ କରିଥିବା ବେଳେ ଏବେ ଯାତାୟାତ ସମ୍ପୂର୍ଣ୍ଣ ଠପ ହୋଇଯାଇଛି ବାଙ୍କୀ ବ୍ଲକର ୬ ଗୋଟି ପଞ୍ଚାୟତ ବାହ୍ୟ ଜଗତରୁ ବିଛିର୍ନ ହେବା ସହ ହେକ୍ଟର ହେକ୍ଟର ଚାଷ ଜମି ଉପରେ ପାଣି ମାଡି ଯାଇଛି । ସେହିପରି ବାଙ୍କୀ ଡମପଡା ବ୍ଲକର ବିଲିପଡ଼ା ତାଳବସ୍ତ ମୁଖ୍ୟ ରାସ୍ତା ଉପରେ ବନ୍ୟା ଜଳ ପ୍ରବେଶ କରିଛି ଯାହା ଫଳରେ ଯାତାୟାତ ବାଧାପ୍ରାପ୍ତ ହୋଇଛି ଅନ୍ୟପଟେ ସୁକୁଆ ଖେଳା ଏଂବ ଶିମିଳିପୁର କଇଁଆନାଳ ଉପରେ ୩ ଫୁଟରୁ ଉର୍ଦ୍ଧ ବନ୍ୟା ଜଳ ପ୍ରବାହିତ ହେଉଛି ।
- ସୁବର୍ଣ୍ଣରେଖାରେ ଚତୁର୍ଥ ବନ୍ୟା
ବାଲେଶ୍ବର ଜିଲ୍ଲାର ବିଭିନ୍ନ ଗାଁ ଏବେବି ପାଣି ଘେରରେ ଥିବା ବେଳେ ଲୋକଙ୍କ ପାଖରେ ପହଞ୍ଚି ପାରୁନାହିଁ ଜିଲ୍ଲା ପ୍ରଶାସନ । ନାଁ ମିଳିଛି ରିଲିଫ ସାମଗ୍ରୀ । ନାଁ ବନ୍ୟା ପୂର୍ବରୁ କରାଯାଇଛି ସତର୍କ । ଗତ ୩ ଦିନ ଧରି ଲଗାଣ ବର୍ଷା ହେବା ଫଳରେ ବାଲେଶ୍ଵର ଜିଲ୍ଲାରେ ବିଭିନ୍ନ ନଦୀରେ ବନ୍ୟା ପରିସ୍ଥିତି ସୃଷ୍ଟି ହୋଇଛି । ଜିଲ୍ଲାର ସୁବର୍ଣ୍ଣରେଖା, ବୁଢ଼ାବଳଙ୍ଗ, ଜଳକା ଓ ସୋନ ନଦୀରେ ବନ୍ୟା ପରିସ୍ଥିତି ସୃଷ୍ଟି ହୋଇଛି । ଚତୁର୍ଥ ବନ୍ୟାରେ ବେହାଲ ଭୋଗରାଇ । ୩ ଦିନ ଧରି ଜଳବନ୍ଦୀ ହୋଇ ରହିଛି ଭୋଗରାଇ ବ୍ଲକର ଅନେକ ପଞ୍ଚାୟତ ଓ ଗାଁ। ବନ୍ୟା ଜଳରେ ବୁଡ଼ିଛି ରାସ୍ତାଘାଟ, ପଞ୍ଚାୟତ କାର୍ଯ୍ୟାଳୟ ଓ ଲୋକଙ୍କ ଘର । ବିଭିନ୍ନ ରାସ୍ତା ଉପରେ ଏବେ ବି ଲହଡ଼ି ଭାଙ୍ଗୁଛି ବନ୍ୟା ପାଣି ।
ପଢନ୍ତୁ ଏହି ଖବର: ଆଜି ଏହି ୨ ଜିଲ୍ଲାରେ ସବୁ ସ୍କୁଲ ଛୁଟି; ଜିଲ୍ଲା ପ୍ରଶାସନର ବଡ଼ ନିଷ୍ପତ୍ତିବୈତରଣୀ, ସାଳନ୍ଦୀ ଓ ଏହାର ଶାଖା ନଦୀଗୁଡ଼ିକରେ ବନ୍ୟା ଯୋଗୁଁ ଜିଲ୍ଲାର ୭ଟି ଯାକ ବ୍ଲକ ପ୍ରଭାବିତ ହୋଇଛି । ୭ଟି ବ୍ଲକର ୮୧ଟି ପଞ୍ଚାୟତ ସହ ଭଦ୍ରକ ପୌରପାଳିକା ଏବଂ ଧାମନଗର ଏନ୍ଏସିର ୨୨ଟି ୱାର୍ଡର ମୋଟ ୨ ଲକ୍ଷରୁ ଅଧିକ ଲୋକ ପ୍ରଭାବିତ ହୋଇଛନ୍ତି । ଏହି ସଂଖ୍ୟା ଆଗକୁ ଆହୁରି ବୃଦ୍ଧି ପାଇବାର ସମ୍ଭାବନା ରହିଛି। ବର୍ତ୍ତମାନ ସୁଦ୍ଧା ୫୨,୮୫୧ ଜଣ ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତରିତ କରାଯାଇ ଶୁଖିଲା ଖାଦ୍ୟ ବଣ୍ଟନ କରାଯାଇଛି । ପ୍ରଶାସନ ପକ୍ଷରୁ ୭୨ଟି କେନ୍ଦ୍ରରେ ରନ୍ଧାଖାଦ୍ୟ ଯୋଗାଇ ଦିଆଯାଉଛି। ୫୨,୮୫୧ ଜଣ ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତରିତ କରାଯାଇ ଶୁଖିଲା ଖାଦ୍ୟ ବଣ୍ଟନ କରାଯାଇଛି । ପ୍ରଶାସନ ପକ୍ଷରୁ ୭୨ଟି କେନ୍ଦ୍ରରେ ରନ୍ଧାଖାଦ୍ୟ ଯୋଗାଇ ଦିଆଯାଉଛି । ୧୮ଟି ମେଡିକାଲ ଟିମ୍ ଓ ୬ଟି ଭେଟେରିନାରୀ ଟିମ୍ ମୁତୟନ ଅଛନ୍ତି। ୧୯ ଜଣ ଗର୍ଭବତୀ ମହିଳାଙ୍କୁ ସୁରକ୍ଷିତ ଭାବେ ସ୍ୱାସ୍ଥ୍ୟକେନ୍ଦ୍ରକୁ ସ୍ଥାନାନ୍ତର କରାଯାଇଛି । ବନ୍ୟାରେ ୧ ଲକ୍ଷ ୧୬ ହଜାର ୮୩୮ ଗୃହପାଳିତ ପଶୁ ପ୍ରଭାବିତ ହୋଇଛନ୍ତି ।
- ଦକ୍ଷିଣ ଓଡ଼ିଶାରେ ବି ସ୍ଥିତି ସଂଗୀନ
ବିଭିନ୍ନ ନଦୀର ଜଳସ୍ତର ବୃଦ୍ଧି ପରେ ଦକ୍ଷିଣ ଓଡ଼ିଶାରେ ବି ବନ୍ୟା ସ୍ଥିତି । ନବରଙ୍ଗପୁର କୋଷାଗୁମୁଡ଼ାରେ ବଢ଼ିଛି ଲୋକଙ୍କ ଦୁର୍ଦ୍ଦଶା । ପାଣିଘେରରେ ଥିବା ଲୋକଙ୍କ ନିକଟରେ ପହଞ୍ଚି ସହାୟତା ଯୋଗାଇ ଦେଉଛି ପ୍ରଶାସନ । ଜିରୋ କାଜୁଆଲିଟି ଲକ୍ଷ୍ୟରେ ଓଡ୍ରାଫର ଉଦ୍ଧାର କାର୍ଯ୍ୟ ଜାରି ରହିଛି । ସେପଟେ ମହାନଦୀ ଉଚ୍ଛୁଳିବା ପରେ ବୌଦ୍ଧ ଜିଲ୍ଲାରେ ସ୍ଥିତି ସଂଗୀନ । ସହରର ଆଳତୀ ଘାଟ ଓ ସିଦ୍ଧ ହନୁମାନ ମନ୍ଦିରକୁ ସଂଯୋଗ କରୁଥିବା ସେତୁ ସମ୍ପୂର୍ଣ୍ଣ ବୁଡି ଯୋଗାଯୋଗ ବିଛିନ୍ନ । ତଳିଆ ଅଞ୍ଚଳବାସୀଙ୍କ ଭିତରେ ଛନକା ପଶିଛି ।
