ଦିଲ୍ଲୀରେ ଓଡ଼ିଶା ଗଞ୍ଜେଇ କ୍ରେଜ
ଅର୍ଗସ ବ୍ୟୁରୋ : ଦିଲ୍ଲୀରେ ଓଡ଼ିଶା ଗଞ୍ଜେଇ କ୍ରେଜ । ଡ୍ୟାନ୍ସବାର ଓ ରେଭ ପାର୍ଟିକୁ ସପ୍ଲାଏ ହେଉଛି ସବୁଜ ଜହର । ଗଞ୍ଜେଇ ମାଫିଆ ରାହୁଲ ସେଠୀକୁ ଜେରାବେଳେ ମିଳିଲା ଚାଞ୍ଚଲ୍ୟକର ତଥ୍ୟ । ଦିଲ୍ଲୀ, ବିହାର, ୟୁପି ଓ ଝାରଖଣ୍ଡକୁ ଲମ୍ବିଛି ନେଟୱାର୍କ । କୋଲକାତାରେ ପୁରୁଣା ଗାଡିକୁ ମୋଡିଫାଏ କରି କରୁଥିଲା ଗଞ୍ଜେଇ ଚାଲାଣ । ଦିଲ୍ଲୀର ଡ୍ୟାନ୍ସବାର ଓ ରେଭ ପାର୍ଟିକୁ ହେଉଥିଲା ଗଞ୍ଜେଇ ସପ୍ଲାଏ ।
ଦିଲ୍ଲୀ, ବିହାର, ୟୁପି ଓ ଝାରଖଣ୍ଡର ଜଣେ ଜଣେ ଲୋକଙ୍କ ସହ ରହିଛି ଟ୍ରାନଜେକ୍ସନ । ଫୋନ ପେ, ପେଟିଏମରେ ଟଙ୍କା କାରବାର ହେଉଥିବାବେଳେ ବିଭିନ୍ନ ଆକାଉଣ୍ଟରେ ଲକ୍ଷାଧିକ ଟଙ୍କାର ଟ୍ରାନଜେକ୍ସନ ହୋଇଥିବା ସୂଚନା ମିଳିଛି । ବହୁ ଚତୁରତାର ସହ ଗଞ୍ଜେଇ ଚାଲାଣ କରୁଥିଲା ରାହୁଲ । ଗଞ୍ଜେଇ ଚାଲାଣ ପାଇଁ ପୁରୁଣା ଗାଡି କିଣି କୋଲକାତାରେ ମୋଡିଫାଏ କରୁଥିଲା ଅଭିଯୁକ୍ତ ।
ଅଧିକ ପଢନ୍ତୁ ଓଡ଼ିଶା ଖବର
📱 Get Argus News App
✨ଭଡାରେ ମଧ୍ୟ ଗାଡି ଆଣି ଗଞ୍ଜେଇ ଚାଲାଣ କରୁଥିଲା ରାହୁଲ୍ । ମାମଲାର ତଦନ୍ତ ପାଇଁ ଗଠନ ହେଲା ସ୍ଵତନ୍ତ୍ର ଟିମ । ଏନସିବି ସହ ଦିଲ୍ଲୀ, ବିହାର, ଝାରଖଣ୍ଡ ଓ ୟୁପି ପୋଲିସର ସହାୟତା ଲୋଡ଼ିଲା କମିଶନରେଟ ପୋଲିସ । ଗତ ୧୮ ତାରିଖରେ ରାହୁଲକୁ ଗିରଫ କରିଥିଲା ସ୍ପେଶାଲ କ୍ରାଇମ ୟୁନିଟ । ସେପଟେ ମାୟାନଗରୀ ମୁମ୍ବାଇର ଲିଙ୍କ ଖୋଜୁଛି ସ୍ପେଶାଲ କ୍ରାଇମ ୟୁନିଟ ।