ମାଲବୁହା ଗାଡ଼ିରେ ଯାତ୍ରୀ ପରିବହନ ଉପରେ ଲାଗିଲା ଅଙ୍କୁଶ । ନିୟମ ଭାଙ୍ଗିଲେ ହେବ କଡ଼ା କାର୍ଯ୍ୟାନୁଷ୍ଠାନ । ରାଜ୍ୟରେ ଏହି ନିୟମ କଡ଼ାକଡ଼ି ଭାବରେ ପାଳନ ହେବ । ମେ` ୮ ତାରିଖ ଯାଏ ପ୍ରାଧିକରଣ ପକ୍ଷରୁ ହେବ ସ୍ପେଶାଲ ଡ୍ରାଇଭ । ନିୟମ ଭାଙ୍ଗି ଧରାପଡିଲେ ସଙ୍ଗେ ସଙ୍ଗେ ରଦ୍ଦ ହେବ ଗାଡ଼ି ପଞ୍ଜିକରଣ ।

ବଲାଙ୍ଗୀର ଜିଲ୍ଲା ଟିଟିଲାଗଡ଼ରେ ଭୟଙ୍କର ସଡ଼କ ଦୁର୍ଘଟଣାକୁ ନେଇ ରାଜ୍ୟ ପରିବହନ ପ୍ରାଧିକରଣ କଡ଼ା ଅଭିମୁଖ୍ୟ ଗ୍ରହଣ କରିଛି । ଏକ ମାଲବୁହା ଗାଡ଼ିରେ ଯାତ୍ରୀ ନେଇଯାଉଥିଲା ବେଳେ ଦୁର୍ଘଟଣା ଯୋଗୁଁ ୩ ଜଣଙ୍କର ମୃତ୍ୟ ଓ ୨ ଜଣ ଗୁରୁତର ଆହତ ହୋଇଥିଲେ । ଏହା ପରେ ଆକ୍ସନ ମୋଡରେ ରାଜ୍ୟ ପରିବହନ ପ୍ରାଧିକରଣ ।
ତେବେ ରାଜ୍ୟରେ ଏଭଳି ଘଟଣା ଯେପରି ପୁର୍ନବାର ନ ଘଟିବ ସେଥିପାଇଁ ମାଲବୁହା ଗାଡ଼ିରେ ଯାତ୍ରୀ ପରିବହନ ମନା ଭଳି ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ଗ୍ରହଣ କରିଛନ୍ତି ରାଜ୍ୟ ପରିବହନ ପ୍ରାଧିକରଣ । ବିଗତ ଦିନରେ ମାଲବୁହା ଗାଡିରେ ଯାତ୍ରୀ ପରିବହନକୁ ନେଇ ଅନେକ ସ୍ପେଶାଲ ଡ୍ରାଇଭ କରାଯାଇଛି । କିନ୍ତୁ ଏବେ ଠାରୁ ପଞ୍ଜିକରଣ ରଦ୍ଧ କରିବା ପ୍ରକ୍ରିୟା ଆରମ୍ଭ ହେବ ବୋଲି କହିଛନ୍ତି ରାଜ୍ୟ ପରିବହନ ପ୍ରାଧିକରଣ ଅତରିକ୍ତ କମିଶନର ଦୀପ୍ତି ରଞ୍ଜନ ପାତ୍ର ।

ଅଧିକ ପଢ଼ନ୍ତୁ: ମହାପ୍ରଭୁଙ୍କ ଚନ୍ଦନ ଯାତ୍ରା ନୀତିରେ ବଡ଼ ବିଭ୍ରାଟ, ସେବାୟତ ବିବାଦ ଯୋଗୁଁ ହୋଇପାରିଲାନି ଚାପ ଖେଳ

ବିଶେଷକରି ରାଜ୍ୟରେ ଶ୍ରମିକ ଶ୍ରେଣୀୟ ଲୋକମାନେ ମାଲ ବୁହା ଗାଡ଼ିରେ ଯିବାର ନଜର ରହିଛି । ଯାହା ଦାୟିତ୍ବହୀନତାର ପରିଚୟ । ତେଣୁ ଗାଡି ମାଲିକ ସାବଧାନ ହେବା ପାଇଁ ପ୍ରାଧିକରଣ ପକ୍ଷରୁ କୁହାଯାଇଛି । ଏହାସହ ବେଆଇନ ଗାଡି ପରିବହନ ଉପରେ ଏନ୍ଫୋର୍ସମେଣ୍ଟ ପାଇଁ ଟିମ ଗଠନ ହୋଇଛି । ସବୁ ଜିଲ୍ଲାରେ ଏମାନେ କାର୍ଯ୍ୟ ଆରମ୍ଭ କରିବେ । ଯେଉଁ ମାଲ ଗାଡି ଯାତ୍ରୀ ପରିବହନ କରୁଛି ସେଥିରୁ ସେ ନିବୃତ ରୁହନ୍ତୁ ନଚେତ ଆକ୍ସନ ହେବା ଥୟ ବୋଲି କହିଛନ୍ତି ରାଜ୍ୟ ପରିବହନ ପ୍ରାଧିକରଣ ଅତରିକ୍ତ କମିଶନର ।