IAS Reshuffle / ମୁଖ୍ୟମନ୍ତ୍ରୀଙ୍କ ଅତିରିକ୍ତ ସଚିବ ହେଲେ ନବରଙ୍ଗପୁର ଜିଲ୍ଲାପାଳ

ଭୁବନେଶ୍ଵର: IAS ସ୍ତରରେ ଅଦଳବଦଳ କରିଛନ୍ତି ରାଜ୍ୟ ସରକାର । ସର୍ବଭାରତୀୟ ପ୍ରଶାସନିକ ସେବା (IAS)ର ୭ ଜଣ ଅଧିକାରୀଙ୍କୁ ଅନ୍ୟତ୍ର ବଦଳି କରାଯାଇଛି । ନବରଙ୍ଗପୁରର ଜିଲ୍ଲାପାଳ ମହେଶ୍ଵର ସ୍ଵାଇଁଙ୍କୁ ମୁଖ୍ୟମନ୍ତ୍ରୀଙ୍କ ଅତିରିକ୍ତ ସଚିବ ଭାବେ ନୂଆ ନିଯୁକ୍ତି ମିଳିଛି ।

ଏଥିସହ ପଢ଼ନ୍ତୁ: କ୍ୟାମ୍ପସରେ ଜମିଲାଣି ନିର୍ବାଚନୀ ମାହୋଲ, ଆଶାୟୀ ପ୍ରାର୍ଥୀ ଆରମ୍ଭ କଲେଣି କ୍ୟାମ୍ପେନ୍ 

ସେହିଭଳି ଆଡିସନାଲ୍ ରିଭିଜନାଲ୍ କୋର୍ଟ (ARC), ଭୁବନେଶ୍ଵରର ଅତିରିକ୍ତ କମିଶନର IAS ପ୍ରଦୀପ ନାୟକଙ୍କୁ ମତ୍ସ୍ୟ ଓ ପ୍ରାଣୀ ସମ୍ପଦ ବିକାଶ ବିଭାଗର ଅତିରିକ୍ତ ସଚିବ ବାବେ ନୂଆ ନିଯୁକ୍ତି ଦିଆଯାଇଛି । ନୂଆପଡ଼ା ଜିଲ୍ଲାପାଳ IAS ମଧୁସୂଦନ ଦାଶଙ୍କୁ ସାଧାରଣ ପ୍ରଶାସନ ଓ ଅଭିଯୋଗ ବିଭାଗର ଅତିରିକ୍ତ ସଚିବ ବାବେ ନିଯୁକ୍ତ କରାଯାଇଛି ।


୨୦୧୯ ବ୍ୟାଚର IAS ଅଧିକାରୀ ଅନ୍ୟା ଦାସଙ୍କୁ ନବରଙ୍ଗପୁର ଜିଲ୍ଲାପାଳ ଭାବେ ବଦଳି କରାଯାଇଛି । ଏବେ ସ୍ଵାସ୍ଥ୍ୟ ଓ ପରିବାର କଲ୍ୟାଣ ବିଭାଗର ଉପ ସଚିବ ଅଛନ୍ତି ଅନ୍ୟା ଦାସ । ମାତୃତ୍ଵ ଛୁଟିରୁ ଫେରି ସାଧାରଣ ପ୍ରଶାସନ ଓ ଅଭିଯୋଗ ବିଭାଗରେ ଯୋଗ ଦେଇଥିବା ୨୦୨୦ ବ୍ୟାଚର IAS ଅଧିକାରୀ ମଧୁମିତାଙ୍କୁ ନୂଆପଡ଼ା ଜିଲ୍ଲାପାଳ ଭାବେ ନିଯୁକ୍ତି ଦିଆଯାଇଛି ।

#ରାଜ୍ୟରେ_IAS_ସ୍ତରରେ_ଅଦଳ_ବଦଳ ରାଜ୍ୟର IAS ଅଫିସର ସ୍ତରରେ ଅଦଳ ବଦଳ ନବରଙ୍ଗପୁର ଜିଲ୍ଲାପାଳ ମହେଶ୍ବର ସ୍ବାଇଁଙ୍କୁ ବଦଳି ମହେଶ୍ବର ସ୍ବାଇଁ ମୁଖ୍ୟମନ୍ତ୍ରୀଙ୍କ ଅତିରିକ୍ତ ସଚିବ ନିଯୁକ୍ତ ସ୍ବାସ୍ଥ୍ୟ ଓ ପରିବାର କଲ୍ୟାଣ ସଚିବ ଅନ୍ୟା ଦାସଙ୍କର ବଦଳି ଅନ୍ୟା ଦାସଙ୍କୁ ନବରଙ୍ଗପୁର ଜିଲ୍ଲାପାଳ ଭାବେ ବଦଳି ନୂଆପଡ଼ା ଜିଲ୍ଲାପାଳ ମଧୁସୂଦନ ଦାଶଙ୍କର ବଦଳି ମଧୁସୂଦନ ଦାଶଙ୍କୁ GA ଓ PG ବିଭାଗର ଅତିରିକ୍ତ ସଚିବ ନିଯୁକ୍ତି ସୁଶ୍ରୀ ମଧୁମିତାଙ୍କୁ ନୂଆପଡ଼ା ଜିଲ୍ଲାପାଳ ଭାବେ ବଦଳି ପ୍ରଦୀପ ନାୟକଙ୍କୁ ମତ୍ସ୍ୟ ଓ ପଶୁସଂପଦ ବିଭାଗର ଅତିରିକ୍ତ ସଚିବ ଭାବେ ବଦଳି ଅଶ୍‌ନି ଏଏଲ ଭବାନୀପାଟଣାର ସବ୍‌-କଲେକ୍ଟର ନିଯୁକ୍ତ #IASReshuffle #OdishaAdministration #Bureaucracy #Odisha #OdishaIAS #GovernmentOfOdisha #Transfers #ArgusNews

— Argus News (@ArgusNews_in) October 7, 2026

ଏଥିସହ ପଢ଼ନ୍ତୁ: SIR ରେ ବାଦ୍ ପଡ଼ିଛି କି ଆପଣଙ୍କ ନାଁ ? ଅକ୍ଟୋବର ୭ରୁ ମିଳିବ ସୁଯୋଗ 

ସ୍ଵାସ୍ଥ୍ୟ ଓ ପରିବାର କଲ୍ୟାଣ ବିଭାଗର ଅଣ୍ଡର ସେକ୍ରେଟାରୀ ୨୦୨୦୪ ବ୍ୟାଚ୍‌ର IAS ଅଶ୍ନି ଏ ଏଲ୍‌ଙ୍କୁ ଭବାନୀପାଟଣା ଉପ-ଜିଲ୍ଲାପାଳ ଭାବେ ନିଯୁକ୍ତି ମିଳିଛି । ଭବାନୀପାଟଣା ଉପ-ଜିଲ୍ଲାପାଳ ଥିବା ୨୦୨୪ ବ୍ୟାଚ୍‌ର IAS ଅଧିକାରୀ କସ୍ତୁରୀ ଶାଙ୍କୁ ସାଧାରଣ ପ୍ରଶାସନ ଓ ଅଭିଯୋଗ ବିଭାଗର ଅଣ୍ଡର ସେକ୍ରେଟାରୀ ଭାବେ ପୋଷ୍ଟିଂ କରାଯାଇଛି ।