Odisha IPS Officer Death / ଆଇପିଏସ୍ ସଫିନ ଅହମ୍ମଦଙ୍କ ଦେହାନ୍ତ; କ୍ରାଇମବ୍ରାଞ୍ଚ ଆଇଜି ଥିଲେ

୨୦୦୩ ବ୍ୟାଚର ଆଇପିଏସ ଅଫିସର ସଫିନ ଅହମ୍ମଦଙ୍କ ଦେହାନ୍ତ । ସେ ଓଡ଼ିଶା କ୍ୟାଡରର ଜଣେ ବରିଷ୍ଠ ଆଇପିଏସ୍ (IPS) ଅଫିସର । ଏହାସହ କ୍ରାଇମବ୍ରାଞ୍ଚ ଆଇଜି ଥିଲେ ସଫିନ୍ନ ଅହମ୍ମଦ । କ୍ୟାନ୍ସରରେ ପୀଡିତ ହୋଇ ଚିକିତ୍ସା ହେଉଥିଲେ । ତେବେ ହାଇଦ୍ରାବାଦର ଏକ ଘରୋଇ ହସ୍ପିଟାଲରେ ତାଙ୍କର ମୃତ୍ୟୁ ହୋଇଥିବା ସୂଚନା । ୧୯୭୬ରେ କେରଳର ଥିରୁଅନନ୍ତପୁରମରେ ତାଙ୍କର ଜନ୍ମ ହୋଇଥିଲା ।

• ଦୁଇ ଦିନ ତଳେ ହସ୍ପିଟାଲରୁ ଘରକୁ ଫେରିଥିଲେ

କ୍ୟାନ୍ସରରେ ପୀଡିତ ହୋଇ ହାଇଦ୍ରାବାଦରେ ଚିକିତ୍ସିତ ହେଇଥିଲେ । ଗତ ଦୁଇ ଦିନ ତଳେ କେରଳ ଘରକୁ ଫେରିଥିବା ବେଳେ ତାଙ୍କର ଦେହାନ୍ତ ହୋଇଛି । ସଫିନ୍ ଜଣେ ଇଞ୍ଜିନିୟରିଂ ସ୍ନାତକ ଥିଲେ । ସେ CITU ନେତା ହବିବ୍‌ଙ୍କ ପୁଅ । ସେ କିଛି ବର୍ଷ ଧରି ଇଣ୍ଟରକ୍ୟାଡର ଡେପୁଟେସନ୍‌ରେ କେରଳରେ ମଧ୍ୟ ସେବା କରିଛନ୍ତି । ସେ SP ଗ୍ରାମୀଣ (ଥିରୁଅନନ୍ତପୁରମ୍) ଭାବରେ କାର୍ଯ୍ୟ କରିଥିଲେ । ସାଇବର କ୍ରାଇମ୍ ଡିଭିଜନ ଏବଂ CID CBରେ ତାଙ୍କର ସେବା ପାଇଁ ସେ ଅନେକ ସମ୍ମାନ ଏବଂ ପଦକ ପାଇଥିଲେ ।

• ଶୋକପ୍ରକାଶ କଲେ ମୁଖ୍ୟମନ୍ତ୍ରୀ

କ୍ରାଇମବ୍ରାଞ୍ଚ ଆଇଜି ସଫିନ୍ନ ଅହମ୍ମଦଙ୍କ ମୃତ୍ୟୁରେ ଗଭୀର ଶୋକ ପ୍ରକାଶ କରିଛନ୍ତି ମୁଖ୍ୟମନ୍ତ୍ରୀ । ରାଜ୍ୟ ଏବଂ ଓଡ଼ିଶା ପୋଲିସ ପ୍ରତି ତାଙ୍କର ନିଷ୍ଠାପର ସେବା ସଦା ସର୍ବଦା ସ୍ମରଣୀୟ ରହିବ ବୋଲି ଲେଖିଛନ୍ତି ମୁଖ୍ୟମନ୍ତ୍ରୀ । ଶୋକସନ୍ତପ୍ତ ପରିବାରବର୍ଗ, ସହକର୍ମୀ ଏବଂ ପ୍ରିୟଜନଙ୍କ ପ୍ରତି ଗଭୀର ସମବେଦନା ଜଣାଇଛନ୍ତି ।

Deeply saddened by the untimely passing of Shefeen Ahamed K, IPS, I.G. of Police, CID, CB.

His dedicated service to the State and Odisha Police will always be remembered.

My heartfelt condolences to his family, colleagues and loved ones. May his soul rest in peace. pic.twitter.com/WnXeYvXXC4

— Mohan Charan Majhi (@MohanMOdisha) August 31, 2026

• ମିଳିଥିଲା ରାଜ୍ୟପାଳ ପୋଲିସ ମେଡାଲ

୨୦୨୪ରେ ତାଙ୍କୁ ପ୍ରଥମ କାଟାଗୋରୀରେ ରାଜ୍ୟପାଳ ପୋଲିସ ମେଡାଲ ମିଳିଥିଲା । ସେ ଓଡ଼ିଶା ପୋଲିସର କ୍ରାଇମବ୍ରାଞ୍ଚ ଆଇଜି (IG) ଏବଂ ଆଇଜିପି, ଏଚ୍‌ଆରପିସି (HRPC) ଭାବେ କାର୍ଯ୍ୟ କରିଛନ୍ତି । ଏହାସହିତ କୋରାପୁଟ ଦକ୍ଷିଣ-ପଶ୍ଚିମାଞ୍ଚଳର ଡିଆଇଜି (DIG) ମଧ୍ୟ ରହିଥିଲେ ।

ପଢନ୍ତୁ ଏହି ଖବର: IPS ସ୍ତରରେ ଅଦଳବଦଳ, ସତ୍ୟବ୍ରତ ଭୋଇ ହେଲେ ଗୁଇନ୍ଦା IG

• କୁନ୍ଦୁଲି ଗଣଦୁଷ୍କର୍ମ ମାମଲାର ତଦନ୍ତ କରିଥିଲେ

ବହୁଚର୍ଚ୍ଚିତ କୁନ୍ଦୁଲି ଗଣଦୁଷ୍କର୍ମ ଓ ପୀଡ଼ିତାଙ୍କ ଆତ୍ମହତ୍ୟା ମାମଲାର ତଦନ୍ତ ପାଇଁ ହାଇକୋର୍ଟଙ୍କ ନିର୍ଦ୍ଦେଶରେ ୩ ଜଣିଆ ସ୍ବତନ୍ତ୍ର ତଦନ୍ତକାରୀ ଟିମ ଗଠିତ ହୋଇଥିଲା । ଏହି ଦଳରେ ଦକ୍ଷିଣ ପଶ୍ଚିମାଞ୍ଚଳ ଡିଆଇଜି ଭାବେ ସଫିନ ଅହମ୍ମଦ କେ. ଦାୟିତ୍ଵ ତୁଲାଇଥିଲେ । ଏଠାରେ କହିରଖୁଛୁ କି, ୨୦୧୭ ଅକ୍ଟୋବର ୧୦ରେ କୋରାପୁଟ ଜିଲ୍ଲା କୁନ୍ଦୁଲି ନିକଟରେ ଯବାନ ପୋଷାକରେ ଥିବା ୪ ଜଣ ନାବାଳିକା ଜଣଙ୍କୁ ଗଣଦୁଷ୍କର୍ମ କରିଥିବା ଅଭିଯୋଗ ହୋଇଥିଲା । ଏହି ସମ୍ବେଦନଶୀଳ ଘଟଣା ରାଜ୍ୟବ୍ୟାପୀ ପ୍ରତିକ୍ରିୟା ସୃଷ୍ଟି ହୋଇଥିଲା । ନ୍ୟାୟକୁ ଅପେକ୍ଷା କରି ମାନସିକ ଚାପରେ ଥିବା ପୀଡ଼ିତା ନାବାଳିକା ଜଣକ ୨୦୧୮ ଜାନୁଆରୀ ୨୨ରେ ଜୀବନ ହାରିଥିଲେ ।