ଓଡ଼ିଶା ପୋଲିସ ଓ ପ୍ରଶାସନିକ ସ୍ତରରେ ବଡ଼ ଧରଣର ଅଦଳବଦଳ କରିଛନ୍ତି ରାଜ୍ୟ ସରକାର । ୮ ଜଣ IPS ଅଧିକାରୀଙ୍କ ସହ ଜଣେ OPS ଅଧିକାରୀଙ୍କ ବଦଳି ହୋଇଛି। ଏନେଇ ଗୃହ ବିଭାଗ ପକ୍ଷରୁ ବିଧିବଦ୍ଧ ବିଜ୍ଞପ୍ତି ଜାରି ହୋଇଛି। ଏହି ଅଦଳବଦଳରେ ଜେଲ ବିଭାଗଠାରୁ ଆରମ୍ଭ କରି ଭିଜିଲାନ୍ସ ଓ ବିଭିନ୍ନ ଜିଲ୍ଲାର ଏସ୍‌ପି ସ୍ତରରେ ପରିବର୍ତ୍ତନ କରାଯାଇଛି ।

ବଦଳି ତାଲିକା ଅନୁଯାୟୀ, ଜେଲ ବିଭାଗର ଡିଜି ସୁଶାନ୍ତ ନାଥଙ୍କୁ ଗୃହ ବିଭାଗର ଓଏସଡି (OSD) ଭାବେ ନୂଆ ଦାୟିତ୍ୱ ମିଳିଛି । ସେହିପରି SFSLର ନିର୍ଦ୍ଦେଶକ ସନ୍ତୋଷ ବାଲାଙ୍କୁ ଜେଲ ବିଭାଗର ଡିଜି ଦାୟିତ୍ୱ ଅତିରିକ୍ତ ଭାବେ ପ୍ରଦାନ କରାଯାଇଛି । ଅନ୍ୟପଟେ ଅମିତାଭ ଠାକୁରଙ୍କୁ କଟକ ପରିବହନ କମିଶନର ଦାୟିତ୍ୱ ମିଳିଛି ।
ଏହାବ୍ୟତୀତ ରାଜେଶ କୁମାରଙ୍କୁ ଗୃହ ବିଭାଗର ସ୍ୱତନ୍ତ୍ର ସଚିବ ଭାବେ ଅତିରିକ୍ତ ଦାୟିତ୍ୱ ଦିଆଯାଇଛି। କେନ୍ଦ୍ରୀୟ ଡେପୁଟେସନରୁ ଫେରିଥିବା ସାରା ଶର୍ମାଙ୍କୁ ଭିଜିଲାନ୍ସ DIG ଭାବେ ନିଯୁକ୍ତି ମିଳିଛି ।

ଜିଲ୍ଲା ପୋଲିସ ପ୍ରଶାସନରେ ମଧ୍ୟ ଅଦଳବଦଳ ହୋଇଛି । ଝାରସୁଗୁଡ଼ା ଏସ୍‌ପି ଗୁଣ୍ଡଲା ରେଡ୍ଡୀ ରାଘବେନ୍ଦ୍ରଙ୍କୁ ପୋଲିସ ମୁଖ୍ୟାଳୟର AIG ଭାବେ ବଦଳି କରାଯାଇଛି। ନୂଆପଡ଼ା ଏସ୍‌ପି ଅମ୍ରିତପାଲ ସିଂଙ୍କୁ ପୋଲିସ ମୁଖ୍ୟାଳୟର ଏସ୍‌ପି ଭାବେ ନୂଆ ଦାୟିତ୍ୱ ମିଳିଛି । ସେହିପରି ସୋନାଲି ସିଂ ପରମାରଙ୍କୁ ଝାରସୁଗୁଡ଼ାର ନୂଆ ଏସ୍‌ପି ଭାବେ ନିଯୁକ୍ତ କରାଯାଇଥିବା ବେଳେ ତପନ ନାରାୟଣ ରଥଙ୍କୁ ନୂଆପଡ଼ା ଏସ୍‌ପି ଦାୟିତ୍ୱ ଦିଆଯାଇଛି ।

ଏଥି ସହ ପଢନ୍ତୁ:  ଗଞ୍ଜାମ ଗିଡ଼ିପାବାଲିରେ ଚାଲିଛି ରେସ୍କ୍ୟୁ ଅପରେସନ... ଏବେ ବି ୧୨ ନିଖୋଜ