ଜେଲ ଅବ୍ୟବସ୍ଥା ନେଇ ପ୍ରେସମିଟ୍‌ ବେଳେ ମିଡିଆକୁ ଟାର୍ଗେଟ ଜେଲ ଡିଜି ସୁଶାନ୍ତ ନାଥ । କହିଲେ ବିନା ପ୍ରମାଣରେ ଖବର ପ୍ରସାରଣ କରୁଛି ମିଡିଆ । ତେବେ ସାମ୍ବାଦିକ ଜେଲ ଡିଜିଙ୍କ ସମ୍ମୁଖରେ ପ୍ରମାଣ ଦେଖାଇବାକୁ ଜେଲ ଡିଜି ପ୍ରେସମିଟ ବେଳେ ଚିହିଁକି ଉଠିଲେ । ଚୌଦ୍ବାର ଜେଲ୍‌ରୁ କଏଦୀ ଚମ୍ପଟ୍‌ ୫ ମାସ ହେଲା କାହିଁକି ଚଲାଉଛନ୍ତି । ଏହାର କୌଣସି ପବ୍ଲିକ ଇଣ୍ଟରେଷ୍ଟ ନାହିଁ ବୋଲି ମୋର ବ୍ୟକ୍ତିଗତ ମତ ।

ଏହା ସହ କ'ଣ ଖବର ପ୍ରସାରଣ କରାଯିବ ଓ କେଉଁ ଖବର ପ୍ରସାରଣ କରାନଯିବ ସେନେଇ ସମ୍ବାଦିକଙ୍କୁ ପାଠ ପଢ଼ାଇବାକୁ ବି ପଛାଇଲେନି । ଚୌଦ୍ବାର ଜେଲରେ ମହିଳା କଏଦୀଙ୍କୁ ସୁନା ବଦଳରେ ଟଙ୍କା ଫେରାଇବା ଅଭିଯୋଗ ପ୍ରସଙ୍ଗରେ ପ୍ରଶ୍ନ ବେଳେ ଉତକ୍ଷିପ୍ତ ହୋଇଥିଲେ ଜେଲ ଡିଜି ।

ତେବେ ପ୍ରେସମିଟରେ ମଡେଲ୍ ଜେଲ୍‌ ଉପରେ ସେ ଗୁରୁତ୍ଵ ଦେଇଛନ୍ତି । ଜେଲ୍‌ ଭିତରେ ଓ ବାହାରେ AI କ୍ୟାମେରା ଲାଗିବ। ଜେଲ୍‌ ପରିସରରେ ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯିବ । ଜେଲ୍‌ରେ କଏଦୀଙ୍କ ପାଇଁ ଯୋଗାଭ୍ୟାସ କରିବାକୁ ବ୍ୟବସ୍ଥା ହେବ । ଜେଲ୍‌ରେ କୌଣସି ଅପ୍ରୀତିକର ସ୍ଥିତି ହେବାକୁ ଦିଆଯିବନି ଓ ଚୌଦ୍ବାର ଜେଲରେ ସୁନା ବଦଳରେ ଟଙ୍କା ଦେବା ଘଟଣାର ତଦନ୍ତ ହେବ ବୋଲି ମଧ୍ୟ ଜେଲ୍‌ ଡିଜି ସୁଶାନ୍ତ ନାଥ କହିଛନ୍ତି ।
ଏଥିସହ ପଢ଼ନ୍ତୁ: ରାସ୍ତାରେ ଖାଦ୍ୟ ବିକିବେ ବୋଲି ୧୨ ଦିନର ଛୁଆକୁ ବିକି ଦେଇଥିଲେ, ଏବେ ଜେଲ୍‌ରେ କଟିବ ୨୦ ବର୍ଷ