Matric Supplementary Result / ପ୍ରକାଶ ପାଇଲା ମାଟ୍ରିକ୍ ସପ୍ଲିମେଣ୍ଟାରୀ ରେଜଲ୍ଟ, ପାସ୍ ହାର ୬୩.୬୪ ପ୍ରତିଶତ

ପ୍ରକାଶ ପାଇଲା ମାଟ୍ରିକ ସପ୍ଲିମେଣ୍ଟାରୀ ରେଜଲ୍ଟ । ସପ୍ଲିମେଣ୍ଟାରୀ ହାଇସ୍କୁଲ ସାର୍ଟିଫିକେଟ୍‌ ପରୀକ୍ଷାରେ ମୋଟ ୮,୬୯୮ ଜଣ ପରୀକ୍ଷା ଦେଇଥିବା ବେଳେ ୫,୭୬୦ ଜଣ ଉତ୍ତୀର୍ଣ୍ଣ ହୋଇଛନ୍ତି । ମୋଟ୍‌ ପାସ୍ ହାର ୬୩.୬୪ ପ୍ରତିଶତ ରହିଛି । ରାଜ୍ୟ ମୁକ୍ତ ବିଦ୍ୟାଳୟ ସାର୍ଟିଫିକେଟ ପାଇଁ ୬୨.୬୫ ପ୍ରତିଶତ ଛାତ୍ରଛାତ୍ରୀ ପାସ୍‌ କରିଛନ୍ତି । ସେହିପରି SOS ପାଇଁ ମୋଟ ୮୬୯୮ ଜଣ ଛାତ୍ରଛାତ୍ରୀ ପାସ୍ କରିଛନ୍ତି ।

ଅଧିକ ପଢ଼ନ୍ତୁ: ଶବଦାହ ପାଇଁ ସ୍ୱର୍ଗଦ୍ୱାରରେ ଉତ୍କଟ କାଠ ସଙ୍କଟ ! ଝୁଲି ରହିଛି କ୍ରୀମେଟରିଅମ୍ ପ୍ରକଳ୍ପ

ଚଳିତ ବର୍ଷ ପ୍ରଥମ ଥର ପାଇଁ ମାଟ୍ରିକ ସପ୍ଲିମେଣ୍ଟାରୀ ପରୀକ୍ଷା ଖାତାର ଡିଜିଟାଲ ମୂଲ୍ୟାୟନ କରାଯାଇଛି । ଏହାଦ୍ବାରା ନିର୍ଭୁଲ ଓ ଶୀଘ୍ର ରେଜଲ୍ଟ ପ୍ରକାଶ ପାଇଛି । ଏଥିରେ ଅଧିକ ଶିକ୍ଷକଙ୍କ ଆବଶ୍ୟକତା ମଧ୍ୟ ନଥିଲା । ସପ୍ଲିମେଣ୍ଟାରୀ ପରୀକ୍ଷାରେ ଏହାକୁ ପରୀକ୍ଷଣ ହିସାବରେ ଏଥରେ ନିଆଯାଇଛି । ଏହି ପଦ୍ଧତିରେ ଶୀଘ୍ର ରେଜଲ୍ଟ ପ୍ରକାଶ କରାଯିବାରୁ ଛାତ୍ରଛାତ୍ରୀମାନେ ସହଜରେ ବିଭିନ୍ନ କଲେଜରେ ଆଡମିଶନ୍ କରି ପାରିବେ । ଆଗାମୀ ସମୟରେ ମାଟ୍ରିକ ବାର୍ଷିକ ପରୀକ୍ଷାରେ ଡିଜିଟାଲ ମୂଲ୍ୟାୟନ କରିବା ପାଇଁ ଯୋଜନା କରାଯାଉଛି ବୋଲି କହିଛନ୍ତି ବୋର୍ଡ ସଭାପତି ଶ୍ରୀକାନ୍ତ ତରାଇ ।