Odisha SIR / ଅଡ଼ୁଆରେ ରାଜ୍ୟରେ ୫୮ ଲକ୍ଷ ୩୬ ହଜାର ୩୪୧ ଜଣ ଭୋଟର, ମିଳିବ ନୋଟିସ୍

ଭୁବନେଶ୍ଵର: ଏବେ ରାଜ୍ୟରେ ଅଛନ୍ତି ୧୨ ଲକ୍ଷ ଭୂତ ଭୋଟର । ୨୦୦୨ ଭୋଟର ତାଲିକା ସହ ୨୦୨୫ ତାଲିକା ମ୍ୟାପିଂ ବେଳେ ମିଳୁନି ଏହି ଭୋଟରଙ୍କ ତାଲିକା । ମୁଖ୍ୟ ନିର୍ବାଚନ ଅଧିକାରୀ ଆର୍ ଏସ୍ ଗୋପାଳନ ଏହି ସୂଚନା ଦେଇଛନ୍ତି ।

ତ୍ରୁଟି ସଂଶୋଧନ ପାଇଁ ମୋଟ ୫୮ ଲକ୍ଷ ୩୬ ହଜାର ୩୪୧ ଲୋକଙ୍କୁ ନୋଟିସ୍ ପଠାଯିବ । ଯେଉଁଥିରେ ୪୬ ଲକ୍ଷ ଭୋଟରଙ୍କ ତଥ୍ୟରେ ମାଇନର ମିଷ୍ଟେକ୍ ରହିଥିବା ରାଜ୍ୟ ନିର୍ବାଚନ ଅଧିକାରୀ କହିଛନ୍ତି । ଜୁଲାଇ ୫ରୁ ଅଗଷ୍ଟ ୪ ପର୍ଯ୍ୟନ୍ତ ଆପତ୍ତି ଦାଖଲ କରାଯାଇପାରିବ । ଜୁଲାଇ ୫ ରୁ ସେପ୍ଟେମ୍ବର ୨ ମଧ୍ୟରେ ଏହାର ସମାଧାନ କରାଯିବ ।

ଏଥିସହ ପଢ଼ନ୍ତୁ: ଗରିବ ବିଧବାଙ୍କଠାରୁ ଲୁଟୁଥିଲେ; ଧରାପଡ଼ିଲେ ଲାଞ୍ଚୁଆ PEO 

ସେପ୍ଟେମ୍ବର ୬ରେ ଚୂଡ଼ାନ୍ତ ଭୋଟର ତାଲିକା ପ୍ରକାଶ ପାଇବ । ନୋଟିସ୍ ପାଇବା ପରେ AEROଙ୍କ ନିକଟରେ ଧାର୍ଯ୍ୟ ସମୟ ଓ ସ୍ଥାନରେ ଉପସ୍ଥିତ ହୋଇ ପ୍ରମାଣପତ୍ର ଦାଖଲ କରିପାରିବେ ମତଦାତା । BLOଙ୍କ ସହାୟତା ମଧ୍ୟ ନେଇପାରିବେ।

ଭୋଟରମାନେ ଚାହିଁଲେ voters.eci.gov.in ପୋର୍ଟାଲରେ ଲଗ୍-ଇନ୍ କରି ତଥ୍ୟ ଅପଲୋଡ୍ କରିପାରିବେ । ବୃଦ୍ଧ, ଭିନ୍ନକ୍ଷମ, ଅସୁସ୍ଥ ଓ ଦୁର୍ଗମ ଅଞ୍ଚଳର ଲୋକଙ୍କୁ ବ୍ୟକ୍ତିଗତ ଭାବେ ଆସିବାକୁ ପଡ଼ିବ ନାହିଁ । BLO ମାନେ ଘରକୁ ଯାଇ ତଥ୍ୟ ସଂଗ୍ରହ କରିବେ ।

ସଂଗୃହୀତ ଦସ୍ତାବିଜ ଏବଂ ପ୍ରାପ୍ତ ତଥ୍ୟ ଆଧାରରେ ନିର୍ବାଚନ ପଞ୍ଜୀକରଣ ଅଧିକାରୀ ERO ସମ୍ପୃକ୍ତ ଭୋଟରଙ୍କ ଯୋଗ୍ୟତା ନିର୍ଣ୍ଣୟ କରିବେ । ତଦନୁସାରେ ୬ ସେପ୍ଟେମ୍ବର ୨୦୨୬ ତାରିଖରେ ଚୂଡ଼ାନ୍ତ ଭୋଟର ତାଲିକା ପ୍ରକାଶ କରାଯିବ ।

ଏଥିସହ ପଢ଼ନ୍ତୁ: ପଞ୍ଚାୟତ ଓ ପୌର ନିର୍ବାଚନ ପ୍ରସ୍ତୁତି; ଟିମ୍‌ରେ ରହିବେ BLO, ଅଙ୍ଗନବାଡ଼ି, ଆଶା କର୍ମୀ 

ସେପଟେ ରାଜ୍ୟରେ ପଞ୍ଚାୟତ ଏବଂ ପୌର ନିର୍ବାଚନ ପ୍ରସ୍ତୁତି ପାଇଁ ରାଜ୍ୟ ନିର୍ବାଚନ ଆୟୋଗଙ୍କ ବଡ଼ ବୈଠକ ବସିଛି । ବୈଠକ ପରେ ସଚିବ ସନ୍ତୋଷ କୁମାର ଦାସ ପ୍ରତିକ୍ରିୟା ରଖିଛନ୍ତି । ରାଜ୍ୟର ସମସ୍ତ ଜିଲ୍ଲାର ଜିଲ୍ଲାପାଳଙ୍କ ସହ ବୈଠକ ହୋଇଛି । ୨୦୨୭ ମସିହାରେ ହେବାକୁ ଥିବା ପଂଚାୟତ ଏବଂ ପୌର ନିର୍ବାଚନ ପ୍ରସ୍ତୁତି ନେଇ ଆଲୋଚନା ହୋଇଛି । ଅକ୍ଟୋବରରୁ ଘରକୁ ଘର ବୁଲି ଭୋଟର ସର୍ଭେ କରାଯିବ । ଜୁଲାଇ ୩୧ ସୁଦ୍ଧା ଗଠନ ହେବ ଭିନ୍ନ ଭିନ୍ନ ଟିମ । ଟିମରେ ରହିବେ ବିଏଲଓ, ଅଙ୍ଗନବାଡି ଓ ଆଶାକର୍ମୀ ।

୬,୭୯୪ ପଞ୍ଚାୟତରେ ହେବ ନିର୍ବାଚନ

ରାଜ୍ୟ ନିର୍ବାଚନ ଆୟୋଗ ଓ୍ବାର୍ଡ ସ୍ତରୀୟ ଭୋଟର ତାଲିକା ପ୍ରସ୍ତୁତି ନେଇ ଜିଲ୍ଲାପାଳଙ୍କ ସହ ଆଲୋଚନା ହୋଇଛି । ରାଜ୍ୟରେ ୬,୭୯୪ ପଞ୍ଚାୟତ, ୮୫୩ ଜିଲ୍ଲାପରିଷଦ ଏବଂ ୯୧,୯୧୩ ୱାର୍ଡରେ ହେବ ନିର୍ବାଚନ । ଅକ୍ଟୋବର ମାସରେ ପଞ୍ଚାୟତ ନିର୍ବାଚନ ପାଇଁ ୯୧,୯୧୩ ୱାର୍ଡରେ ଘର ଘର ବୁଲି ଭୋଟର ତାଲିକା ପ୍ରସ୍ତୁତି କରିବେ । ସର୍ଭେ ପାଇଁ ଏହି ମାସ ଶେଷ ସୁଦ୍ଧା ଟିମ୍ ଗଠନ ହେବ ।