ଅର୍ଗସ ବ୍ୟୁରୋ : ଦିନେ ଥିଲେ ପୂର୍ବତନ କାଉନସିଲର । ଆଉ ଏବେ ଦୟନୀୟ ସ୍ଥିତିରେ। ତାଙ୍କ ସ୍ଥିତି ଆଖିରେ ନଦେଖିଲେ ବିଶ୍ବାସ କରିହେବ ନାହିଁ । ଯିଏ ଦିନେ ଓ୍ବାର୍ଡ ସାରା ବୁଲି ବୁଲି ଲୋକଙ୍କ ପାଖରେ ପହଞ୍ଚୁଥିଲେ, ବିକାଶମୂଳକ କାମ କରୁଥିଲେ, ଆଜି ସେ ରୋଗ ଶଯ୍ୟାରେ । ସକାଳୁ ସକାଳୁ ଯାହାଙ୍କ ପାଖରେ ଲୋକଙ୍କ ଧାଡ଼ି ଲାଗୁଥିଲା, ଏବେ ତାଙ୍କୁ ଆହା ପଦେ କହିବା ପାଇଁ କାହାର ପାଖରେ ସମୟ ନାହିଁ ।

ରୋଗଶଯ୍ୟାରେ ଜରାଜୀର୍ଣ୍ଣ ଅବସ୍ଥାରେ ପଡି ରହି ଔଷଧ ଟିକେ ପାଇବାକୁ ସଙ୍ଘର୍ଷ କରୁଛନ୍ତି । ଥିବା ଏହି ପୂର୍ବତନ କାଉନସିଲରଙ୍କ ଅବସ୍ଥା ଯିଏ ଆଖିରେ ଦେଖିନି ସେ ବିଶ୍ବାସ କରିବ ନାହିଁ । ପିଲିଥିନ ଛପର ତଳେ ଅତି ଦୟନୀୟ ଅବସ୍ଥାରେ ଜୀବନ ବିତାଉଥିବା ଏହି ହତଭାଗ୍ୟ ମଣିଷ ହେଉଛନ୍ତି ଜଳେଶ୍ଵର ମ୍ୟୁନିସିପାଲିଟି ଅଧିନସ୍ଥ ୧୩ ନମ୍ବର ଓ୍ବାର୍ଡ ନନ୍ଦୀକା ଗ୍ରାମର ପ୍ରାକ୍ତନ କାଉନସିଲର ସାମରାୟ ହେମ୍ବ୍ରମ । ୨୦୦୮ ରୁ ୨୦୧୩ ଯାଏଁ ଜଳେଶ୍ଵର ଏନଏସିରେ କାଉନସିଲର ଭାବେ ସଫଳତାର ସହ ତାଙ୍କ ଦାୟୀତ୍ବ ତୁଲାଇଥିଲେ ।

ଅଧିକ ପଢନ୍ତୁ ଓଡ଼ିଶା ଖବର

ଏବେ ସେ ସମସ୍ତଙ୍କ ପାଇଁ ଅଲୋଡା ପାଲଟି ଯାଇଛନ୍ତି । ନନ୍ଦୀକା ମୌଜାରେ ରେଳ ଲାଇନ କଡରେ ଥିବା ଏକ ପଦାରେ ପଲିଥିନ ଛପରେ ଭିତରେ ସେ ନିଜ ୮୦ ବର୍ଷିୟା ମା ସୁଗୀ ଓ ସାନ ପୁଅ ସୁନୀଲ ସହ ଅତି ଦୟନୀୟ ଅବସ୍ଥାରେ ବାସ କରୁଛନ୍ତି । ଘର ଓ ସ୍ବାସ୍ଥ୍ୟସେବା ପାଇବା ପାଇଁ ସାମରାୟ ଚାତକ ପରି ଚାହିଁ ରହିଛନ୍ତି । ଗତ ଦୁଇ ବର୍ଷରୁ ଉର୍ଦ୍ଧ୍ବ ସମୟ ଧରି ସାମରାୟ ଟିବି ରୋଗରେ ପୀଡିତ ଥିବା ବେଳେ ଦାରିଦ୍ର୍ୟତା କାରଣରୁ ଏବେ ଔଷଧ ଟିକେ ପାଇବା ତାଙ୍କ ଭାଗ୍ୟରେ ଜୁଟୁ ନାହିଁ। ତେବେ ଖବର ପାଇ ଜଳେଶ୍ୱର ପୌରାଧକ୍ଷ ଓ କର୍ଯ୍ୟ ନିର୍ବାହୀ ଅଧିକାରୀ ପହଞ୍ଚି ତାଙ୍କୁ ଉତ୍ତମ ସ୍ୱାସ୍ଥ୍ୟସେବା ଓ ରହିବା ପାଇଁ ସୁବ୍ୟବସ୍ଥା କରାଯିବା ନେଇ ପ୍ରତିଶ୍ରୁତି ଦେଇଛନ୍ତି ।

Argus News | argus news | -Argusnews Home: Odisha Latest News, Breaking News, Trending News, Live TV and more