Argus News - ସାଇବର କ୍ରାଇମକୁ ନେଇ ହାଇକୋର୍ଟ ଖପ୍ପା, କ୍ରାଇମବ୍ରାଞ୍ଚ ଡିଜିଙ୍କୁ କଲେ ରିପୋର୍ଟ ତଲବ

ଅର୍ଗସ ବ୍ୟୁରୋ : ରାଜ୍ୟରେ ବଢୁଥିବା ସାଇବର କ୍ରାଇମକୁ ନେଇ ହାଇକୋର୍ଟ ଖପ୍ପା। ସାଇବର କ୍ରାଇମକୁ ମୁକାବିଲା କରିବାକୁ ତ୍ୱରିତ ପଦକ୍ଷେପ ସମ୍ପର୍କରେ କ୍ରାଇମ୍ ବ୍ରାଞ୍ଚ ଡିଜିଙ୍କୁ ହାଇକୋର୍ଟ ରିପୋର୍ଟ ତଲବ କରିଛନ୍ତି । ଅନଲାଇନ ପେମେଣ୍ଟ ଆପରେ ଏକ ଠକେଇ ମାମଲାକୁ ନେଇ ଦାଖଲ ଆବେଦନର ଶୁଣାଣି କରି ହାଇକୋର୍ଟ କ୍ରାଇମ ବ୍ରାଞ୍ଚ ଡିଜିଙ୍କୁ ଏହି ରିପୋର୍ଟ ତଲବ କରିଛନ୍ତି । 

ଅଧିକ ପଢନ୍ତୁ ଓଡ଼ିଶା ଖବର

ରାଜ୍ୟରେ ବୃଦ୍ଧି ପାଉଥିବା ସାଇବର କ୍ରାଇମ ରୋକିବା ଦିଗରେ ପୋଲିସର ପଦକ୍ଷେପ ଯଥେଷ୍ଟ ନୁହଁ ବୋଲି ଟିପ୍ପଣୀ ଦେଇଛନ୍ତି ହାଇକୋର୍ଟ । ଦାଖଲ ମାମଲାର ତଦନ୍ତର ଅଗ୍ରଗତି, ଅଭିଯୁକ୍ତ ମାନଙ୍କୁ ଗିରଫ କରିବା ଦିଗରେ ନିଆଯାଇଥିବା ପଦକ୍ଷେପ ସମ୍ପର୍କରେ ସତ୍ୟପାଠ ଦାଖଲ କରିବାକୁ ତଦନ୍ତକାରୀ ଅଧିକାରୀଙ୍କୁ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି । ଜାନୁଆରୀ ୨୯ରେ ମାମଲାର ପରବର୍ତୀ ଶୁଣାଣି ହେବ ।