Jitendra Haripal / ବେଦୀରେ ବାଜିଲା ରଙ୍ଗବତୀ; ବିଦେଶୀ ଜ୍ୱାଇଁ କଲେ ପଦ୍ମଶ୍ରୀ ଜିତେନ୍ଦ୍ର ହରିପାଲ

ରଙ୍ଗବତୀ ଗୀତ ସାଙ୍ଗକୁ ବେଦୀରେ ମନ୍ତ୍ରପାଠ । ପୁରା ବିବାହ ମାହୋଲକୁ କରିଥିଲା ନିଆରା । କାରଣ ସେ ଆଉ କେହି ନୁହେଁ ବିବାହ ବନ୍ଧନରେ ବାନ୍ଧି ହେଉଥିଲେ ପ୍ରସିଦ୍ଧ ରଙ୍ଗବତୀ ଗୀତ ଗାୟକ ପଦ୍ମଶ୍ରୀ ଜିତେନ୍ଦ୍ର ହରିପାଲଙ୍କ ନାତୁଣୀ ପାୟଲ ହରିପାଲ । ଆମେରିକାରର ନିୟୁ ଜର୍ଶି ସହରର କାଏଲ ଜନ ଫିଗୋଲାଙ୍କୁ ବିବାହ କରିଛନ୍ତି ପାଏଲ । ବିଦେଶୀ ଜ୍ଵାଇଁଙ୍କୁ ଘରକୁ ଆଣିଛନ୍ତି ଜିତେନ୍ଦ୍ରଙ୍କ ପରିବାର । ଏହି ବିବାହକୁ ନେଇ ଏବେ ସମ୍ବଲପୁରରେ ବେଶ ଚର୍ଚ୍ଚା ହେଉଛି ।

ଉଭୟ ପ୍ରଥମେ କୋର୍ଟରେ ମେ ୮ ତାରିଖ ବିବାହ କରିବା ପରେ ମେ ୧୩ ତାରିଖ ବେଦୀରେ ହିନ୍ଦୁ ରୀତିନୀତି ଅନୁସାରେ ବିବାହ କରିଛନ୍ତି । ତେଵେ ପାଏଲ ହରିପାଲ କାଏଲ ଜନ ଫିଗୋଲାଙ୍କ ବାପା ମାର୍ଗ ଫିଗୋଲାଙ୍କ ଠାରୁ ଗିଟାର ଶିକ୍ଷା ଗ୍ରହଣ କରୁଥିଲେ । ଏହି ଶିକ୍ଷା ସମୟରେ କାଏଲ ଓ ପାଏଲ ପରସ୍ପରକୁ ଭେଟିଥିଲେ । ପାଏଲଙ୍କ କହିବାନୁଯାୟୀ, କାଏଲଙ୍କ ପିତାଙ୍କ ଦ୍ଵାରା ହିଁ ସେ ସ୍ଵାମୀଙ୍କ ସହ କଥାବାର୍ତ୍ତା ଆରମ୍ଭ କରିଥିଲେ । ଧିରେ ଧିରେ ଉଭୟଙ୍କ ମଧ୍ୟରେ ପ୍ରେମ ସମ୍ପର୍କ ଗ ଢିଉଠିଥିଲା । ଉଭୟ ନିଜ ପରିବାରକୁ ଜଣାଇବାରୁ ସହମତି ପରେ ବିବାହ କରିଛନ୍ତି । କାଏଲ ଫିଗୋଲା ଆମେରିକାରରେ ଓ୍ବେବ ଡେଭଲମେଣ୍ଟ କାମ କରନ୍ତି ।

• ପଖାଳ ଓ ସରସତିଆକୁ କଲେ ପ୍ରଶଂସା

କାଏଲ ଭାରତୀୟ ପରମ୍ପରାରେ ବିବାହକୁ ବେଶ ପସନ୍ଦ କରିଥିବା ବେଳେ ଓଡିଆ ଖାଦ୍ୟ ପଖାଳ ଏବଂ ସମ୍ବଲପୁର ପ୍ରସିଦ୍ଧ ସରସତିଆ ତାଙ୍କର ଭାରି ପସନ୍ଦ ବୋଲି କହିଛନ୍ତି । ନାତୁଣୀ ବାହାଘର ଓ ବରକୁ ନେଇ ପଦ୍ମଶ୍ରୀ ଜିତେନ୍ଦ୍ର ବେଶ ଖୁସିବ୍ୟକ୍ତ କରିଛନ୍ତି । ସେ କହିଛନ୍ତି ଯେ ପ୍ରେମ କୌଣସି ଭାଷା, ଜାତି, ଧର୍ମ ଦେଖେନାହିଁ ନା କି କେଉଁ ଦେଶ ଦେଖେ ନାହିଁ, ଯାହାର ପରିଣତି ସ୍ଵରୂପ ତାଙ୍କ ନାତୁଣୀ ବିଦେଶୀଙ୍କ ପ୍ରେମରେ ପଡ଼ିଛନ୍ତି ଓ ପରେ ବିବାହ କରିଛନ୍ତି । କାଏଲଙ୍କୁ ନାତି ଜ୍ଵାଇଁ ଭାବେ ପାଇ ସେ ଓ ପରିବାର ବେଶ ଆନନ୍ଦିତ ଥିବା ସେ କହିଛନ୍ତି ।

ପଢନ୍ତୁ ଏହି ଖବର: ନିଜ ବଡ଼ ପୁଅ ବାହାଘରକୁ ଯିବେନି ଟ୍ରମ୍ପ; ଖୋଲି କହିଦେଲେ କାରଣ

• ରଙ୍ଗବତୀ ଗୀତ ଗାଇଲେ କାଏଲ

ଗଣମାଧ୍ୟମ ପ୍ରତିନିଧିଙ୍କ ସହିତ କଥାବାର୍ତ୍ତା ସମୟରେ କାଏଲ ରଙ୍ଗବତୀ ଗୀତ ମଧ୍ୟ ଗାଇଥିଲେ, ଯାହା ସମସ୍ତଙ୍କ ମୁଖରେ ହସ ଭରିଦେଇଥିଲା । ଜିତେନ୍ଦ୍ର ପ୍ରଥମେ ଗୀତ ଗାଇଥିବାବେଳେ ପାଏଲ ମଧ୍ୟ ନିଜର ସୁମଧୁର କଣ୍ଠରେ ଏହି ପ୍ରସିଦ୍ଧ ଓ ଲୋକପ୍ରିୟ ଗୀତର କିଛି ଧାଡ଼ି ଗାଇଥିଲେ । ଏହାପରେ ଜିତେନ୍ଦ୍ର, ନାତୁଣୀ ପାଏଲ ଓ ନାତୀ ଜ୍ଵାଇଁ କାଏଲ ତିନି ଜଣ ମିଶି ରଙ୍ଗବତୀ ଗୀତକୁ ଗାଇଥିଲେ ।