ଅର୍ଗସ ବ୍ୟୁରୋ : ରାଜସ୍ଥାନରେ ବିଜେପି ପାଇଁ ଆଜି ପ୍ରଚାରର ମଙ୍ଗ ଧରିଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ବିଧାନସଭା ନିର୍ବାଚନ ପାଇଁ ରାଜସ୍ଥାନର ହନୁମାନଗଡ଼ ଏବଂ ପିଲିବଙ୍ଗାରେ ଆଜି ନିର୍ବାଚନୀ ସଭାକୁ ସମ୍ବୋଧିତ କରିଥିଲେ ପ୍ରଧାନମନ୍ତ୍ରୀ ମୋଦି । ଏହି ଅବସରରେ ପ୍ରଧାନମନ୍ତ୍ରୀ କଂଗ୍ରେସ ସରକାରକୁ ଆଟାକ୍ କରିଛନ୍ତି। ପ୍ରଧାନମନ୍ତ୍ରୀ କହିଛନ୍ତି ଯେ, ମୁଁ ଗ୍ୟାରେଣ୍ଟି ଦେବାକୁ ଆସିଛି ଯେ ଯେଉଁମାନେ ଗରିବଙ୍କୁ ଲୁଟିଛନ୍ତି ତାଙ୍କୁ ଛଡ଼ାଯିବ ନାହିଁ । ଯେମିତି ଦୀପାବଳିରେ ଘରର ଅଳିଆ ସଫା କରାଯାଏ ସେମିତି ରାଜସ୍ଥାନରୁ କଂଗ୍ରେସକୁ ସଫା କରାଯିବ ।

ଅଧିକ ପଢନ୍ତୁ ଭାରତ ଖବର

ଏହାସହ ପ୍ରଧାନମନ୍ତ୍ରୀ ଦାବି କରିଛନ୍ତି ଯେ ରାଜସ୍ଥାନରେ ବିଜେପି ସରକାର ଗଠନ କରିବ । ସେହିପରି କମଲ ଚୁନେଗା ରାଜସ୍ଥାନ ନାରା ଦେଇ କର୍ମୀ ଏବଂ ଭୋଟରଙ୍କ ମନରେ ଜୋଶ ଭରିଛନ୍ତି ପିଏମ ମୋଦି । ଏହାସହ ରାଜସ୍ଥାନରେ ପେଟ୍ରୋଲ ଦାମକୁ ନେଇ କଂଗ୍ରେସ ସରକାର ଉପରେ ବର୍ଷିଛନ୍ତି ପ୍ରଧାନମନ୍ତ୍ରୀ ମୋଦି ।

ଗୁଜରାଟ ଏବଂ ଉତ୍ତରପ୍ରଦେଶ ସହ ରାଜସ୍ଥାନରେ ପେଟ୍ରୋଲ ଦରକୁ ତୁଳନା କରି କଂଗ୍ରେସ ସରକାରକୁ ଟାର୍ଗେଟ କରିଛନ୍ତି । ବିଜେପି ଶାସିତ ସରକାରରେ ପେଟ୍ରୋଲର ଯାହା ଦାମ୍ ରହିଛି ରାଜସ୍ଥାନରେ 12 ଟଙ୍କା ଅଧିକ ଦେଇ ପେଟ୍ରୋଲ କିଣୁଛନ୍ତି ଜନତା । ସେହିପରି ବିକାନେରରେ ରୋଡ ସୋ କରିଛନ୍ତି ପ୍ରଧାନମନ୍ତ୍ରୀ । ପ୍ରଧାନମନ୍ତ୍ରୀଙ୍କ ଝଲକ୍ ପାଇବା ପାଇଁ କର୍ମୀ ଓ ସାଧାରଣ ଜନତାଙ୍କ ପ୍ରବଳ ଭିଡ ଦେଖିବାକୁ ମିଳିଛି ।

Argus News | argus news | Odisha Latest News, Breaking News, Trending News, Live TV