୫୦୦ ଟଙ୍କା ଦେଇ ଆବେଦନ କରିପାରିବେ PNG । ଆଉ ଆବେଦନର ୯୦ ଦିନରେ ମିଳିପାରିବ ପିଏନ୍‌ଜି ସଂଯୋଗ । ରାଜ୍ୟ ତଥା ଦେଶରେ ଏଲପିଜି ସଙ୍କଟ ଦେଖାଦେବା ପରେ ସରକାର ପିଏନଜି ସଂଯୋଗ ଉପରେ ଗୁରୁତ୍ୱ ଦେଉଛନ୍ତି । ବର୍ତ୍ତମାନ ରାଜଧାନୀ ଭୁବନେଶ୍ୱର-କଟକରେ ପିଏନଜି ସଂଯୋଗକୁ ନେଇ ବଡ଼ ବୟାନ ରଖିଛନ୍ତି GAIL ର ବ୍ୟବସାୟିକ ମ୍ୟାନେଜର ସୌମ୍ୟ ରଞ୍ଜନ ମହାନ୍ତି ।

ସେ କହିଛନ୍ତି, ଭୁବନେଶ୍ୱର ଏବେ ଦୈନିକ ୧୦୦ ପିଏନଜି ସଂଯୋଗ ଦିଆଯାଉଛି । ଚନ୍ଦ୍ରଶେଖରପୁର, କଳିଙ୍ଗ ବିହାର, ଡୁମଡୁମା, ମଞ୍ଚେଶ୍ୱର ଆଦି ଅଞ୍ଚଳରେ ଲୋକଙ୍କୁ ଅଧିକ ସଂଯୋଗ ଦେବା ଉପରେ ଗୁରୁତ୍ୱ ଦିଆଯାଉଛି । କାରଣ ଏହି ଅଞ୍ଚଳରେ ଏବେ ପାଇପ୍‌ ସବୁଆଡେ ବିଛା ସରିଛି । ଆଗାମୀ କିଛି ଦିନ ଭିତରେ ଏହାର ଆଖପାଖ ଅଞ୍ଚଳରେ ମଧ୍ୟ ସଂଯୋଗ ଦେବା ଉପରେ ଗୁରୁତ୍ୱ ଦିଆଯାଉଛି । ଲୋକମାନେ ଅଧିକରୁ ଅଧିକ ଆବେଦନ କରିବା ପାଇଁ ମଧ୍ୟ ଆହ୍ୱାନ ଦିଆଯାଉଛି ।

ଅଧିକ ପଢ଼ନ୍ତୁ: LPG ସଙ୍କଟ ବେଳେ PNG ସାଜିଛି ବଡ଼ ବିକଳ୍ପ,ତତ୍କାଳୀନ କେନ୍ଦ୍ର ପେଟ୍ରୋଲିୟମ ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଉଦ୍ୟମରେ ପଡ଼ିଥିଲା ମୁଳଦୁଆ

ଅନଲାଇନ୍‌ ଓ ଅଫଲାଇନ୍‌ ମାଧ୍ୟମରେ ଲୋକମାନେ ଆବେଦନ କରି ଘରକୁ ପିଏନଜି ସଂଯୋଗ ନେଇପାରିବେ । ଏଲପିଜି ତୁଳନାରେ ପିଏନଜିରେ ଖର୍ଚ୍ଚ କମ୍‌ ରହିବ । ଏହାସହ ସୁରକ୍ଷା ଦୃଷ୍ଟିରୁ ମଧ୍ୟ ପିଏନଜି ଭଲ । ବର୍ତ୍ତମାନ ରାଜଧାନୀ ଭୁବନେଶ୍ବରରେ ୧୯ ହଜାର ଘରକୁ ପିଏନଜି ସଂଯୋଗ ରହିଛି । ଖୁବଶୀଘ୍ର ଏହାକୁ ବୃଦ୍ଧି କରାଯିବ, ସେଥିପାଇଁ ଠିକାଦାରମାନଙ୍କୁ ନିର୍ଦ୍ଦେଶ ଦିଆଯାଇଛି ।