ଅର୍ଗସ ବ୍ୟୁରୋ: ଦୁଇ ଦିନିଆ ମୟୂରଭଞ୍ଜ ଗସ୍ତରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ । ଆଜି ବାଦାମପାହାଡ଼ରେ ନୂଆ ଏକ୍ସପ୍ରେସ୍ ଟ୍ରେନ ଚଳାଚଳର ଶୁଭାରମ୍ଭ କରିବେ ମହାମହିମ । ସକାଳ ୯ଟା ୩୫ରୁ ୧୦ଟା ୪୫ ଭିତରେ ୩ଟି ନୂଆ ଏକ୍ସପ୍ରେସ୍ ଟ୍ରେନର ଶୁଭାରମ୍ଭ କରିବେ ରାଷ୍ଟ୍ରପତି ଦ୍ରୌପଦୀ ମୁର୍ମୁ । ଟାଟା ନଗର ବାଦାମପାହାଡ଼ ମେମୁ ଟ୍ରେନ୍, ବାଦାମପାହାଡ଼-ରାଉରକେଲା ଏକ୍ସପ୍ରେସ୍ ଓ ସାଲିମାର-ବାଦାମପାହାଡ଼ ଏକ୍ସପ୍ରେସକୁ ସବୁଜ ପତାକା ଦଖାଇ ଶୁଭାରମ୍ଭ କରିବେ ।

ଅଧିକ ପଢନ୍ତୁ: ଏକଲବ୍ୟ ମଡେଲ ସ୍କୁଲର ଉଦଘାଟନ କଲେ ରାଷ୍ଟ୍ରପତି ଦ୍ରୌପଦୀ ମୁର୍ମୁ

ଏହାପରେ ବାଦାମପାହାଡ଼ରୁ ଟ୍ରେନରେ ଛୋଟ ପିଲାଙ୍କ ସହ ୪୦ ମିନିଟର ଯାତ୍ରା କରି ରାଇରଙ୍ଗପୁର ରେଳ ଷ୍ଟେସନରେ ପହଞ୍ଚିବେ ରାଷ୍ଟ୍ରପତି । ଏହି କାର୍ଯ୍ୟକ୍ରମରେ ରାଷ୍ଟ୍ରପତିଙ୍କ ସହ ଉପସ୍ଥିତ ରହିବେ ଦୁଇ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ ଅଶ୍ବିନୀ ବୈଷ୍ଣବ । ଏଥିପାଇଁ ୨ କେନ୍ଦ୍ରମନ୍ତ୍ରୀ ବାଦାମପାହାଡ଼ରେ ପହଞ୍ଚି ସାରିଛନ୍ତି । ଗତକାଲି ରାତିରେ ୨ କେନ୍ଦ୍ରମନ୍ତ୍ରୀ ପହଞ୍ଚିବା ପରେ ଉଭୟଙ୍କୁ ପାଛୋଟି ନେବାକୁ ଷ୍ଟେସନୋ ଲାଗିଥିଲା ଭିଡ଼ ।

ସ୍ବାଗତ ପାଇଁ ଯଶିପୁର ବିଧାୟକ, ରାଇରଙ୍ଗପୁର ବିଧାୟକ, ରାଜ୍ୟ ବିଜେପି ଦଳର ସମ୍ପାଦକ, ରାଜ୍ୟ ବିଜେପି ଏସ.ଟି ମୋର୍ଚ୍ଚା ସାଧାରଣ ସମ୍ପାଦକ, ଜିଲ୍ଲା ସଭାପତି ଓ ବିଜେପି ଯୁବମୋର୍ଚ୍ଚାର ବହୁ କାର୍ଯ୍ୟକର୍ତ୍ତା ଉପସ୍ଥିତ ଥିଲେ ।

ଓଡିଶା ଖବର ଆହୁରି ପଢନ୍ତୁ

Argus News | argus news | Odisha Latest News, Breaking News, Trending News, Live TV