ଅର୍ଗସ ବ୍ୟୁରୋ : ଆନ୍ଦୋଳନକୁ ସ୍ଥଗିତ ରଖିଲା ରାଜ୍ୟ ବେସରକାରୀ ଅଧ୍ୟାପକ କର୍ମଚାରୀ ସଂଘ । ଗାନ୍ଧୀ ମାର୍ଗରେ ସାଧାରଣତନ୍ତ୍ର ଦିବସ ପରେଡ ପାଇଁ ଆନ୍ଦୋଳନକୁ ସ୍ଥଗିତ ରଖିଲା ରାଜ୍ୟ ବେସରକାରୀ ଅଧ୍ୟାପକ କର୍ମଚାରୀ ସଂଘ । ରାଜ୍ୟର ବିଭିନ୍ନ ଅନୁଦାନ ଏବଂ ଅଣଅନୁଦାନ ମହାବିଦ୍ୟାଳୟରେ ପରିଚାଳନା କମିଟି ଦ୍ୱାରା ନିଯୁକ୍ତ ୨୦୦୮ ମସିହାଠାରୁ ୨୦୧୮ ମସିହା ପର୍ଯ୍ୟନ୍ତ ଅଧ୍ୟାପକ ଏବଂ କର୍ମଚାରୀ ମାନଙ୍କୁ ରାଜ୍ୟ ସରକାର ଅନୁଦାନ ପ୍ରଦାନ କରିବା ପାଇଁ ଦାବି କରିଛି ସଂଘ । 

ଅଧିକ ପଢନ୍ତୁ ଓଡ଼ିଶା ଖବର

ଦାବି ପୂରଣ ପାଇଁ ୪୫୫ ଦିନ ଧରି ଧାରଣାରେ ବସିଛି ସଂଘ । ଜାନୁଆରୀ ୨୬ ପରେ ପୁଣି ଥରେ ଆନ୍ଦୋଳନକୁ ଓହ୍ଲାଇବ ସଂଘ । ଜାନୁୟାରୀ ୩୦ ଭିତରେ ଦାବି ପୂରଣ ନ କଲେ ଫେବୃଆରୀ ୨ ତାରିଖରେ ଏହି ଆନ୍ଦୋଳନ ସର୍ବ ଭାରତୀୟ ସ୍ତରକୁ ନେବା ପାଇଁ ଚେତାବନୀ ଦେଇଛି ସଂଘ । ଦିଲ୍ଲୀର ଯନ୍ତର ମନ୍ତରରେ ସାରା ଦେଶର ସଂଘ ଆନ୍ଦୋଳନରେ ସାମିଲ ହେବେ ।