ଅର୍ଗସ ବ୍ୟୁରୋ : ପୁରୀରେ ପଶ୍ଚିମବଙ୍ଗର ସନ୍ଦେଶଖାଲି ଘଟଣାକୁ ନେଇ ଏବିଭିପିର ବିକ୍ଷୋଭ । ସନ୍ଦେଶଖାଲିରେ ସାଧାରଣ ଲୋକ ଓ ମହିଳାଙ୍କ ଉପରେ ହେଉଥିବା ହିଂସା ଉପରେ ଟିଏମସି ସରକାରର ନୀରବତାକୁ ନିନ୍ଦା କରିଛି ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ । ଅଖିଳ ଭାରତୀୟ ବିଦ୍ୟାର୍ଥୀ ପରିଷଦର ଶତାଧିକ ଛାତ୍ରଛାତ୍ରୀ ଆଜି ଏକାଠି ହୋଇ ଏଭଳି ଘଟଣା ବିରୋଧରେ, ବିରୋଧ ପ୍ରଦର୍ଶନ କରିବା ସହ, ଟିଏମସି ସରକାରଙ୍କୁ ଦୃଢ଼ ନିନ୍ଦା କରିଛନ୍ତି ।

ଏଭଳି ହିଂସା ବିରୋଧରେ ପଶ୍ଚିମବଙ୍ଗ ସରକାର ତରଫରୁ କାର୍ଯ୍ୟାନୁଷ୍ଠାନ ଗ୍ରହଣ ନ କରାଗଲେ ରାଜରାସ୍ତାକୁ ଓହ୍ଲାଇବାକୁ ଚେତାବନୀ ଦେଇଛି ଏବିଭିପି । ସୂଚନା ଥାଉ କି ସନ୍ଦେଶଖାଲି ମହିଳା ବିରୋଧୀ ହିଂସାକାଣ୍ଡକୁ ନେଇ ଏବେ କିଛି ଦିନ ଧରି ହେଡଲାଇନରେ ରହିଛି ପଶ୍ଚିମବଙ୍ଗ । ସନ୍ଦେଶଖାଲିର ସ୍ଥାନୀୟ ଟିଏମସି ନେତା ଶେଖ ଶାହାଜାହାନ ବିରୋଧରେ ସାଙ୍ଘାତିକ ଅଭିଯୋଗ ଆଣିଥିଲେ ସ୍ଥାନୀୟ ମହିଳା । ଶାହାଜାହାନର ନେତୃତ୍ବରେ ଏଠାରେ ମହିଳାଙ୍କୁ ଯୌନ ନିର୍ଯାତନା ଦିଆଯାଉଥିବା ଖବର ସାମ୍ନାକୁ ଆସିଥିଲା । 

ଅଧିକ ପଢନ୍ତୁ ଓଡ଼ିଶା ଖବର

ପୂର୍ବରୁ ଶାହାଜାହାନ ଭୟରେ କେହି ପାଟି ଫିଟାଉନଥିଲେ । ମାତ୍ର ରାସନ ସାମଗ୍ରୀ ବଣ୍ଟନରେ ହେରଫେର ଅଭିଯୋଗରେ ଶାହାଜାହାନ ଇଡି ରେଡ ପରେ ଏହି ଘଟଣା ସାମ୍ନାକୁ ଆସିଥିଲା । ଶାହାଜାହାନ ଇଡି କାର୍ଯ୍ୟାନୁଷ୍ଠାନ ଭୟରେ ଫେରାର ଥିବା ବେଳେ ରାଜରାସ୍ତାକୁ ଓହ୍ଲାଇଥିଲେ ପୀଡ଼ିତା । ଏହାସହିତ ଶାହାଜାହନର ଗିରଫ ଦାବି କରିଥିଲେ । ତେବେ ଗତ କିଛିଦିନ ତଳେ ପୋଲିସ ଶାହାଜାହନକୁ ଗିରଫ କରିଛି ।