ପୁରୀ: ଶୁକ୍ରବାର ତୃତୀୟ ଦିନରେ ବାହାର ରତ୍ନଭଣ୍ଡାରରେ ୭ ଘଣ୍ଟା ୧୦ ମିନିଟ୍ ଧରି ରତ୍ନ ଅଳଙ୍କାର ଗଣତି ହୋଇଛି । ଯଦି କାଲି ବାହାର ଭଣ୍ଡାର ଗଣତି ପ୍ରକ୍ରିୟା ଶେଷ ହୁଏ । ତାହେଲେ ଆସନ୍ତା ୧୩ ତାରିଖରୁ ଭିତର ଭଣ୍ଡାରରେ ଗଣତି କାର୍ଯ୍ୟ ଆରମ୍ଭ ହେବ ବୋଲି କହିଛନ୍ତି ଶ୍ରୀମନ୍ଦିର ମୁଖ୍ୟ ପ୍ରଶାସକ ଅରବିନ୍ଦ ପାଢୀ ।

ରବିବାର ଭିଡ଼କୁ ଦୃଷ୍ଟିରେ ରଖି ବନ୍ଦ ରହିବ ରତ୍ନ ଗଣତି କାର୍ଯ୍ୟ । ଆସନ୍ତାକାଲି ଶେଷ ହୋଇପାରେ ବାହାର ରତ୍ନ ଭଣ୍ଡାରରେ ରତ୍ନ ଅଳଙ୍କାର ଗଣତି ପ୍ରକ୍ରିୟା । ୪୮ ବର୍ଷ ପରେ ରତ୍ନଭଣ୍ଡାର ଗଣତିମଣତି ଆରମ୍ଭ ହୋଇଛି ।

ଏଥିସହ ପଢ଼ନ୍ତୁ: ରତ୍ନଭଣ୍ଡାର ନେଇ ବଡ଼ ନିଷ୍ପତ୍ତି; ନୀଳାଦ୍ରିବିଜେ ପୂର୍ବରୁ ସରିବ ଗଣତି ମଣତି, ତାଲିକା ପ୍ରସ୍ତୁତ

ଗତ ୨୫ ତାରିଖରେ ରତ୍ନଭଣ୍ଡାର ଗଣତିମଣତି ଆରମ୍ଭ ହୋଇଥିଲା । ଶ୍ରୀଅଙ୍ଗ ଲାଗି ହୋଇଥିବା ରାହୁରେଖା ଓ ସୁନାଚିତାକୁ ଛାଡ଼ିଦେଲେ ଆଜି ପ୍ରଥମ ଦିନରେ ଚଳନ୍ତି ଭଣ୍ଡାର ଗଣତିମଣତି ଶେଷ ହୋଇଛି । ସେ ସବୁକୁ ୧୯୭୮ ମସିହାର ରତ୍ନ ତାଲିକା ସହ ମେଳକ କରାଯାଇଛି ।

ପରବର୍ତ୍ତୀ ପର୍ଯ୍ୟାୟରେ ଶ୍ରୀଅଙ୍ଗଲାଗି ଅଳଙ୍କାର ଗଣାଯିବା ଅଳଙ୍କାର ସବୁ ଅଲଗା ଅଲଗା ସିନ୍ଦୁକରେ ରଖାଯାଇ ସବୁ ରତ୍ନର କାଟାଲଗ୍ ପ୍ରସ୍ତୁତ କରାଯାଇଛି । ପ୍ରକ୍ରିୟାର ଭିଡିଓଗ୍ରାଫି କରାଯାଇ ମାଜିଷ୍ଟ୍ରେଟ୍‌ଙ୍କ ଉପସ୍ଥିତିରେ ଭଣ୍ଡାର ମେକାପଙ୍କୁ ରତ୍ନ ଅଳଙ୍କାରର ମଣତି କରାଯାଇଛି । ସେ ସବୁର ଓଜନ ମାପ କରାଯାଇଛି ।

ପ୍ରଥମ ଥର ପାଇଁ ମୁଖ୍ୟ ଅଳଙ୍କାରଗୁଡ଼ିକର ୩ଡି ମ୍ୟାଫି କରାଯାଇଛି । ଅଧିକୃତ ବ୍ୟକ୍ତିଙ୍କ ସାମ୍‌ନାରେ ସ୍ବଚ୍ଛତାର ସହ ଏହି ପ୍ରକ୍ରିୟା ଶେଷ ହୋଇଛି । ସମସ୍ତ ପ୍ରକ୍ରିୟା ଶେଷ ହେବା ପରେ ବା ତିନିଟିଯାକ ଭଣ୍ଡାର ଗଣତି ହେବା ପରେ ଏହାର ରିପୋର୍ଟ ପରିଚାଳନା କମିଟିରେ ଉପସ୍ଥାପନ କରାଯିବା ସହ ରାଜ୍ୟ ସରକାରଙ୍କୁ ପ୍ରଦାନ କରାଯିବ ।

ଏଥିସହ ପଢ଼ନ୍ତୁ: ଦୁଇ ଦିନରେ ରତ୍ନଭଣ୍ଡାରର ପ୍ରାୟ ୪୦% ଅଳଙ୍କାରର ଗଣତି ଶେଷ

ଗୁରୁବାର କଡ଼ା ସୁରକ୍ଷା ମଧ୍ୟରେ ଦ୍ବିତୀୟ ପର୍ଯ୍ୟାୟର ଦ୍ବିତୀୟ ଦିନରେ ରତ୍ନଭଣ୍ଡାର ଗଣତିମଣତି ହୋଇଥିଲା । ୬ ଘଣ୍ଟା କାଳ ଏହି ପ୍ରକ୍ରିୟା ଚାଲିଥିଲା । ରାଜ୍ୟ ସରକାରଙ୍କର ଅନୁମୋଦିତ ମାର୍ଗଦର୍ଶିକା ଆଧାରରେ ମଧ୍ୟାହ୍ନ ୧୨ଟା ୧୦ରେ ବାହାର ରତ୍ନଭଣ୍ଡାର ଗଣତିମଣତି ଆରମ୍ଭ ହୋଇଥିଲା । ସନ୍ଧ୍ୟା ୬ଟା ୧୦ ମିନିଟ୍ ପର୍ଯ୍ୟନ୍ତ ଏହି ପ୍ରକ୍ରିୟା ଜାରି ରହିଥିଲା । ଦୁଇଦିନରେ ପ୍ରାୟ ୪୦ପ୍ରକାର ଅଳଙ୍କାରର ଗଣତିମଣତି ହୋଇଥିଲା ।

ବୈଜ୍ଞାନିକ ପଦ୍ଧତିରେ ସୂକ୍ଷ୍ମାତିସୂକ୍ଷ୍ମ ଭାବରେ ଏହି ପ୍ରକ୍ରିୟା ହେଉଛି । ଯେତେ ଦିନ ଚାଲିବ ଚାଲୁ, କିନ୍ତୁ ନିର୍ଭୁଲ ଭାବରେ ହେଉ ବୋଲି ଆମେ ଚାହୁଁଛୁ ବୋଲି ଶ୍ରୀମନ୍ଦିର ମୁଖ୍ୟ ପ୍ରଶାସକ କହିଛନ୍ତି । ଏହି ଦ୍ବିତୀୟ ପର୍ଯ୍ୟାୟ ଗଣତି ୧୮ ତାରିଖ ପର୍ଯ୍ୟନ୍ତ ଚାଲିବ । ରବିବାର, ସଂକ୍ରାନ୍ତି ଓ ୧୫ ତାରିଖରେ ପ୍ରକ୍ରିୟା ବନ୍ଦ ରହିବ ।