ପୁରୀ: ରାଜସ୍ଵ ଆଇନରେ ହେବ ବଡ଼ ସଂଶୋଧନ । ଜଗନ୍ନାଥ ଜମି ବିବାଦର ହେବ ସମାଧାନ । ପୁରୀ ଜିଲ୍ଲାର ସମସ୍ତ ଜମିଜମା ବିବାଦର ସ୍ଥାୟୀ ଓ ନିଖୁଣ ସମାଧାନ ପାଇଁ ରାଜସ୍ଵ ମନ୍ତ୍ରୀଙ୍କ ବଡ଼ ବୈଠକ । ମାସ ଶେଷ ସୁଦ୍ଧା ଆକ୍ସନ ଟେକେନ୍ ରିପୋର୍ଟ ଦେବାକୁ ଅଧିକାରୀଙ୍କୁ ଦେଲେ ନିର୍ଦ୍ଦେଶ । ଡିସେମ୍ବର ରେ ବସିବ ଜମିଜମା ବିବାଦ ସହ ସାମିଲ ସବୁ ବିଭାଗକୁ ନେଇ ଗୁରୁତ୍ୱପୂର୍ଣ୍ଣ ବୈଠକ । ଭୂମି ହୀନଙ୍କୁ ବସୁନ୍ଧରା ଜମି ଯୋଗାଇ ଦେବାକୁ ସରକାରୀ ଜମି ଅଧିଗ୍ରହଣ ଉପରେ ଗୁରୁତ୍ଵ । ରାଜ୍ୟରେ ପ୍ରଣୟନ ହେବ ଗୋଟିଏ ରାଜସ୍ଵ ଆଇନ୍ । ଫାଇଦା ପାଇବେ ସମସ୍ତ ଜିଲ୍ଲା ବାସିନ୍ଦା ।

ଏଥିସହ ପଢ଼ନ୍ତୁ: ବାଲିଯାତ୍ରାର ଉଦ୍‌ଯାପନୀ ସନ୍ଧ୍ୟାରେ ପ୍ରବଳ ଭିଡ଼; ଶ୍ରେୟାଙ୍କ ଶୋ'ରେ ଠେଲାପେଲା, ୩ ଅଚେତ

ଜଗନ୍ନାଥ ଜମିଜମା ବିବାଦ ସମାଧାନ ପାଇଁ ଦେଖା ଦେଲା ନୂଆ ଆଶା । ରାଜ୍ୟର ସମସ୍ତ ଜମିଜମା ବିବାଦ ନିଖୁଣ ଓ ସ୍ଥାୟୀ ସମାଧାନ ପାଇଁ ଅଣ୍ଟା ଭିଡ଼ିଲେ ସରକାର । ସବୁ ରାଜସ୍ଵ ଆଇନ୍‌ରେ ହେବ ବ୍ୟାପକ ସଂଶୋଧନ । ଖୁବଶୀଘ୍ର ଲାଗୁ ହେବ ଓଡ଼ିଶା ଗଭାର୍ଣ୍ଣମେଣ୍ଟ ଲ୍ୟାଣ୍ଡ ମ୍ୟାନେଜମେଣ୍ଟ ଆକ୍ଟ । ପୁରୀ ଜିଲ୍ଲାର ସମସ୍ତ ବ୍ଲକରେ ଜମିଜମା ବିବାଦ ସମାଧାନ ପାଇଁ ବୈଠକ ବସିଛି । ଜିଲ୍ଲାପାଳ ଓ ତହସିଲଦାରଙ୍କ ସହ ବୈଠକ କରିଛନ୍ତି ରାଜସ୍ଵ ଓ ବିପର୍ଯ୍ୟୟ ପରିଚାଳନା ମନ୍ତ୍ରୀ ସୁରେଶ ପୂଜାରୀ । ଓଡ଼ିଶା ଗଭର୍ଣ୍ଣମେଣ୍ଟ ଲ୍ୟାଣ୍ଡ ସେଟଲମେଣ୍ଟ ଆକ୍ଟ, ଓଡ଼ିଶା ଲ୍ୟାଣ୍ଡ ରିଫ୍ରମ୍ ଆକ୍ଟ, ଓଡ଼ିଶା ସର୍ଭେ ସେଟଲମେଣ୍ଟ ଆକ୍ଟରେ ହେବ ବଡ଼ ସଂଶୋଧନ ।

ରାଜ୍ୟର ସବୁ ଠାରୁ ଜଟିଳ ରାଜସ୍ଵ ସମସ୍ୟା ଥିବା ସହର ପୁରୀରେ ସବୁ ଜମିଜମା ବିବାଦର ହେବ ସମାଧାନ । ଜଗନ୍ନାଥ ଜମି ବିବାଦର ମଧ୍ୟ ସମାଧାନ ହେବ । ଉପକୃତ ହେବେ ୮୦ ହଜାର ଦରଖାସ୍ତକାରୀ । ମ୍ୟୁନିସିପାଲିଟି, ରେରା, ଦେବୋତ୍ତର, ଜଙ୍ଗଲ ବିଭାଗ, ଆଇନ୍ ବିଭାଗ, ରାଜସ୍ଵ, ନଗର ଉନ୍ନୟନ ବିଭାଗ ସବୁକୁ ନେଇ ହେବ ସମନ୍ଵୟ ଏବଂ ସମୀକ୍ଷା । ଏନେଇ ଗୁରୁବାର ୧୧ ବ୍ଲକର ତହସିଲଦାରଙ୍କ ସମେତ ଜିଲ୍ଲାପାଳ, ଉପଜିଲ୍ଲାପାଳ, ଅତିରିକ୍ତ ଜିଲ୍ଲାପାଳ, ସତ୍ୟବାଦୀ, ବ୍ରହ୍ମଗିରି ବିଧାୟକଙ୍କୁ ନେଇ ବୈଠକ କରିଛନ୍ତି ରାଜସ୍ଵ ମନ୍ତ୍ରୀ । ଭୂମିହୀନଙ୍କୁ ବସୁନ୍ଧରା ଯୋଜନାରେ ଜମି ଯୋଗାଇ ଦେବା ପାଇଁ ସରକାରୀ ଜମି ଅଧିଗ୍ରହଣ ଉପରେ ରହିଛି ଫୋକସ ।

ଏଥିସହ ପଢ଼ନ୍ତୁ: ପିଲା ପିଛା ୨୫ ଲକ୍ଷ ଟଙ୍କାରେ ଡିଲ୍ କରିଥିଲେ ଶଙ୍କର ପୃଷ୍ଟି ଓ ମୁନା ମହାନ୍ତି

ଜିଲ୍ଲାପାଳ, ଅତିରିକ୍ତ ଜିଲ୍ଲାପାଳ, ତହସିଲଦାରଙ୍କୁ ସମସ୍ତ ଜମିଜମା ରିପୋର୍ଟ ଦେବା ସହ ଆକ୍ସନ ଟେକେନ ରିପୋର୍ଟ ପାଇଁ ମାସ ଶେଷ ପର୍ଯ୍ୟନ୍ତ ସମୟ ଦିଆଯାଇଛି । ଏହି ରିପୋର୍ଟ ଓ ବିଭିନ୍ନ ବିଭାଗର ଦସ୍ତାବିଜକୁ ଆଧାର କରି ହେବ ଜମି ବିବାଦର ସରଳ ସମାଧାନ । ପୁରୁଣା ପଞ୍ଜୀକୃତ କବଲା କିମ୍ବା ଅନ୍ୟାନ୍ୟ ବୈଧ ଦଲିଲ ସମ୍ବନ୍ଧୀୟ ଜମିଜମା ରେକର୍ଡର ସଂଶୋଧନ ପାଇଁ ତହସିଲଦାରଙ୍କୁ ଦିଆଯାଇଛି କ୍ଷମତା । ୨୦୨୪ ସର୍ଭେ ରିପୋର୍ଟ ଅନୁଯାୟୀ ଜିଲ୍ଲାରେ ୧୩୦ ଜଣ ଭୂମିହୀନ ରହିଥିବା ବେଳେ ୫୦ ଜଣଙ୍କୁ ଭୂମି ପ୍ରଦାନ କରାଯାଇଛି । ଅନ୍ୟପଟରେ ଜିଲ୍ଲାର ଜମିଜମା ଆଇନଗତ ଦିଗକୁ ନେଇ ଓକିଲ ସଂଘ ସହ ରାଜସ୍ବ ମନ୍ତ୍ରୀ କରିଛନ୍ତି ବୈଠକ ।