Crime In Odisha / ମା'କୁ ମାରି ରୋଷେଇ ଘର ସ୍ଲାବରେ ପ୍ଲାଷ୍ଟର ଘଟଣା; ୩ ରାଜ୍ୟର ରେଡ୍ ପରେ ଧରାପଡ଼ିଲା ନୃଶଂସ ପୁଅ

ପୁରୀ: ପୁରୀରେ ମାଆକୁ ହତ୍ୟା ପରେ ରୋଷେଇ ଘରେ ପ୍ଲାଷ୍ଟର କରିବା ଘଟଣା । ଧରାପଡ଼ିଲା ହତ୍ୟାକାରୀ ନୃଶଂସ ପୁଅ । ଅଭିଯୁକ୍ତ ପୁଅ ମଦନ ଦଳାଇକୁ ପୋଲିସ ଗିରଫ କରିଛି । ଦୀର୍ଘ ୫୭ ଦିନ ପରେ ମଦନଙ୍କୁ ଧରିବାରେ ସକ୍ଷମ ହୋଇଛି ପୋଲିସ ।

ଝାଡ଼ଖଣ୍ଡରେ ଲୁଚିଥିଲା ମଦନ

ସୂଚନା ଅନୁସାରେ, ଝାଡ଼ଖଣ୍ଡର ଏକ ସ୍ନାକ୍ସ ଦୋକାନରେ ଅଭିଯୁକ୍ତ ମଦନ ଦଳାଇ କାମ କରୁଥିଲା । ଏନେଇ ସୂଚନା ପାଇବା ପରେ ଚଢାଉ କରିଥିଲା କୁମ୍ଭାରପଡ଼ା ପୋଲିସ । ଝାଡ଼ଖଣ୍ଡରେ ମଦନକୁ ଗିରଫ ପରେ ପୋଲିସ ପୁରୀ ଆଣୁଛି ।

ଏଥିସହ ପଢ଼ନ୍ତୁ: ରାସ୍ତା କଡ଼ରେ ରକ୍ତ ଜୁଡ଼ୁବୁଡ଼ୁ ମୃତ*ଦେହ; ଦଶହରାରେ କିଏ କାଟିଦେଲା ତଣ୍ଟି ? 

ପୋଲିସର ସୂଚନା ଅନୁଯାୟୀ, ଗତ ଅଗଷ୍ଟ ୨୪ ତାରିଖରେ ଘଟଣା ସାମନାକୁ ଆସିଥିଲେ ହେଁ, ୨୦ ଅଗଷ୍ଟରେ ମାଆକୁ ହତ୍ୟା କରିଥିଲା ମଦନ । ଅଭିଯୁକ୍ତ ନିଜ ଦୋଷ ସ୍ଵୀକାର କରିଥିଲେ ମଧ୍ୟ ୦ ତାରିଖ ରାତିରେ କ'ଣ ଘଟିଥିଲା ? ସେ ବିଷୟରେ ସ୍ପଷ୍ଟ କରିନାହିଁ ପୋଲିସ ।

ମାଆକୁ ହତ୍ୟା ପରେ କରିଥିଲା ପ୍ଳାଷ୍ଟର

ତେବେ ୨୦ ତାରିଖରେ ମାଆର ମୃତ୍ୟୁ ହେବା ପରେ ହଡ଼ବଡ଼େଇ ଯାଇଥିଲା ମଦନ । ୨୧ ତାରିଖରେ ଗୁଣ୍ଡିଚା ମନ୍ଦିର ନିକଟ ଏକ ଦୋକାନରୁ ସିମେଣ୍ଟ ଆଣି ମୃତଦେହକୁ ପ୍ଳାଷ୍ଟର କରିଥିଲା । ଏହାପରେ ସେଠାରେ ଦୁଇ ଦିନ ରହିବା ପରେ ୨୩ ତାରିଖରେ ବସ୍ ଯୋଗେ ଫେରାର ହୋଇଥିଲା ।

ପରେ ଟ୍ରେନ୍ ଯୋଗେ ଟିଟିଲାଗଡ଼ ଓ ପରେ ରାୟପୁର ଯାଇଥିଲା ଅଭିଯୁକ୍ତ ମଦନ ଦଳାଇ । ନିଜ ଫୋନ୍ ବିକ୍ରି କରିବା ସହ ଏକ ଛୋଟ ଫୋନ୍ କିଣିଥିଲା । ମୁମ୍ବାଇରେ ପ୍ରାୟ ଏକ ମାସ ଛୋଟ ମୋଟ କାମ କରିଥିଲା ଏବଂ ପରେ ଝାଡ଼ଖଣ୍ଡ ଯାଇ ସେଠାରେ ଏକ ସ୍ନାକ୍ସ ଦୋକାନରେ କାର୍ଯ୍ୟ କରୁଥିଲା ।

୨୫ ବର୍ଷ ତଳେ ଛାଡ଼ିଥିଲେ ଗାଁ

କଲିକତାରେ ଥିବା ନିଜ ଭଉଣୀ ସହ ଯୋଗାଯୋଗ କରିଥିଲା । ନିକଟରେ ପୋଲିସ ମଦନର ପୈତୃକ ଘର ଗଜପତିର କାଶୀନଗରରେ ଚଢ଼ାଉ କରି ୨୫ ବର୍ଷ ତଳୁ ମଦନଙ୍କ ପରିବାର ଗାଁ ଛାଡ଼ିଥିବା ଜାଣିବାକୁ ପାଇଥିଲା ।

ଏଥିସହ ପଢ଼ନ୍ତୁ: ପୂଜାରେ ମାତିଛନ୍ତି ପାଠୁଆ ଲୁଟେରା; ଅନ୍ଧାରରେ ଆତଙ୍କ ଖେଳାଇ ଧରାପଡ଼ିଲେ 

୩ ରାଜ୍ୟରେ ରେଡ୍

ମଦନଙ୍କ ଭାଇ ଠାରୁ ବିଭିନ୍ନ ସୂଚନା ପାଇଥିଲା ପୋଲିସ । ପରେ ଭଉଣୀର ମୋବାଇଲ ଟ୍ରେସ୍ କରି ଅଭିଯୁକ୍ତ ମଦନ ପାଖରେ ପୋଲିସ ପହଞ୍ଚିଥିଲା । ଗଜପତି, ଗଞ୍ଜାମ, ଝାଡ଼ଖଣ୍ଡ, ମହାରାଷ୍ଟ୍ରରେ ଚଢ଼ାଉ ଓ FRS ଆଦି ଟେକ୍ନିକାଲ୍ ବ୍ୟବସ୍ଥା ଆପଣାଇବା ପରେ ଅଭିଯୁକ୍ତକୁ ଧରିବାରେ ସକ୍ଷମ ହୋଇଛି ପୋଲିସ ।

ତେବେ ସେ ବଞ୍ଜାରା ଭାବରେ ଜୀବନଯାପନ କରୁଥିବାରୁ ଡିଜିଟାଲ ଫୁଟ୍ ପ୍ରିଣ୍ଟ ପାଇବାରେ ବିଳମ୍ବ ହୋଇଥିଲା ବୋଲି କହିଛନ୍ତି ଏସ୍‌ପି ପ୍ରତୀକ ସିଂ । ତେବେ, ଭଡ଼ାଘର ସିସିଟିଭି କ୍ୟାମେରାରୁ ୨ ମାସ ରେକର୍ଡ ଯାଞ୍ଚ୍ କରିବା ପରେ ହିଁ ବିଭିନ୍ନ ସୂଚନା ଆଧାରରେ ମଦନକୁ ଧରିବାରେ ସଫଳ ହୋଇଥିଲା ପୋଲିସ ।